Yohanes 5:4 - Jaji ma Su-sungi

⁴ Sababu soi rai o'o i'a mala'ekata matengo 'o sapolo toma ngi'i gena-ge re ya silupe ma ḇanyo. Re ngowa'a siḏi matengo ga'a 'uci siḏa toma ḇanyo gena-ge wakutu ḇanyo lupe-lupe moju, unanga 'o dadi la.

Yohanes 5:4 Iomraidhean Croise

Matias 11:12

Toma wakutu 'a Yohanes mulaingi 'o siḏagi Ma Jou'ongu Madutu 'ai munara singadolo nange-ne, Ma Jou'ongu Madutu 'ai 'umata 'aḏi sanga dola'aku toma ngowa-ngowa'a ga'a 'aḏi makutale mau 'aḏi kuasa ya siḏagi manga de'e.

Matias 6:33

Mada'a siḏibo ḏi'i, siḏa-siḏa ngini ni makutale dadi ngowa'a loasa re banari re ninga 'ahu mete'e Ma Jou'ongu Madutu sa'olo ninga 'Olana. Ḏua Unanga 'o pula'a 'ori i'a mo-moini ga'a ngini ni paralu.

Lukas 13:24

“Ni makutale ni osama mete'e ngalana ga'a 'i peletoro. Sababu Ngoi to siajele ra ngini nena-ne: 'Age rema ngowa'a manga repe ḏuanga i'a 'aḏi makutale 'aḏi osama, mada'a sanga osama ua.

Lukas 16:16

Musa 'ai hukumu 'i singadolo re nabi-nabi manga do-doto'o 'i siḏagi tau-taunu singadolo toma 'orasa Yohanes tukanga baptis. Mada'a mulaingi toma 'orasa gena-ge, Habari Roanga mangale Ma Jou'ongu Madutu 'ai Pareta 'i singadolo tau-taunu re ngowa-ngowa'a 'aḏi makutale mode-mode'e di'a 'aḏi osama nyo-nyoimi ra Ma Jou'ongu Madutu 'ai Pareta.

Yohanes 5:3

Toma gandaria-gandaria gena-ge, 'age rema ngowa'a siḏi manga repe: ngowa'a hafu, ngowa'a cug̱a, re ngowa'a ḇolo. Ananga mo-moini 'aḏi lu-lulu re 'aḏi totoma na'o ḇanyo gena-ge 'i lupe.

Yohanes 5:5

Toma ngi'i gena-ge rema na-nau'u matengo ga'a ro siḏi ma di'ara musungu nyagi ro'ange re tu'angere ḏua.

Yohanes 5:7

Unanga 'a sangoro, “Jou, 'age 'a guna ua di'a singosama ngoi toma ḇanyo, na'o ma ḇanyo enanga 'i lupe. Wakutu ngoi to jau i'a toma ḇanyo, ngowa'a lelegu lebe ngadolo siḏa.”

1 Korintus 6:11

'Au nga'ene, 'age mamuni'a taninga sigolona ga'a manga de'oso re ḏegoro so'o gena-ge ḏi'i. Mada'a 'orasa nange-ne Ma Jou'ongu Madutu 'o si'ofi ngini taninga ḏosa mo-moini re Unanga 'o sidadi ngini sa'olo 'Ai ngowa'a 'ofi-'ofi re ngowa'a kamanga sala ua ra Unanga 'ai momina. Mo-moini gena-ge sababu ngini reni marimoi ra Ma Jou Yesus Kristus re sababu ḏi'i Ma Ngagara 'Ofi-'Ofi tananga Jou'ongu Madutu tala.

1 Yohanes 1:7

Mada'a siḏibo ḏi'i, na'o ngene wo 'ahu toma tarangi ma dara ma tero Ma Jou'ongu Madutu toma tarangi ma dara, ngene wo 'ahu marimoi reo ngowa-ngowa'a ngaku Yesus ma lelegu. Re Ma Jou'ongu Madutu 'ai Ngowa'a Nau'u, Yesus Kristus, 'a si'ofi ngene nanga ḏosa-ḏosa mo-moini Rai ngaunu masiretene.