Yohanes 5:10 - Jaji ma Su-sungi

¹⁰ Sababu gena-ge, ngowa'a Yahudi manga bi-biri'i 'aḏi kanau i'a toma ngowa'a ga'a ro la gena-ge, “Wangere nange-ne Sabata ma wangere re Musa 'ai hukumu 'i wosono ngana na gasa 'ani jungutu toma wangere nena-ne!”

Yohanes 5:10 Iomraidhean Croise

Matias 12:10

Toma wala puji gena-ge ma dara 'age rema ngowa'a matengo 'ai giama kaci moi 'i sengene. 'Age ḏi'i rema ngowa'a nga muḏuo i'a 'aḏi disa-disa Yesus 'ai sala. Dadi ananga 'aḏi sano ra Yesus, “Nyengara bolo ua, si-la ngowa'a siḏi toma Sabata ma wangere?”

Markus 2:24

Ngowa'a Farisi nga muḏuo i'a 'aḏi oḏi'i so'o gena dadi 'aḏi sano ra Yesus, “I'a sa'olo 'Ani me-mete'e ananga ya mete'e ua nanga 'agama ma 'atoranga toma Sabata ma wangere!”

Markus 3:4

Ḏua Unanga 'o sano ra ananga mo-moini toma ngi'i gena-ge, “Mete'e 'agama ma 'atoranga, ngene balasu wo 'a'a 'oru toma Sabata ma wangere? Wo 'a'a 'ori i'a ma la-la, bolo 'ori i'a ma jira! Wo sisalamata ngowa'a, bolo wo sisengene!” Mada'a ananga 'aḏi masiogoro ḇato.

Lukas 13:14

Wala puji ma sae'e 'o ruta, sababu Yesus 'o si-la ngowa'a siḏi toma Sabata ma wangere. Dadi unanga 'o kanau toma ngowa-ngowa'a, “ 'Age toma wangere rarama ma dara di'a ni munara, dadi sapolo toma wangere-wangere gena-ge di'a ni si-la; awa toma Sabata ma wangere!”

Lukas 23:56

Togumu i'a, ananga 'aḏi maḏibo 'aḏi sidodahe bou-bounu re rampa-rampa di'a si'ese 'a Yesus 'ai mayeti. 'O Sabata ma wangere, ananga 'aḏi matogumu 'a'a gu'uno, 'aḏi mete'e Musa 'ai hukumu.

Lukas 6:2

Ngowa'a Farisi nga muḏuo i'a 'aḏi kanau, “I'a sa'olo ngini ni mete'e ua nanga 'agama ma 'atoranga toma Sabata ma wangere!”

Yohanes 1:19

Yohanes 'o pula'a sakisi mangale unanga masiretene so'o ne: Toma wangere rimoi, Yahudi manga bi-biri'i toma limau Yerusalem 'aḏi soma'a 'imam-'imam re ngowa'a Lewi mamuni'a 'aḏi tagi ra Yohanes. Ananga gena-ge 'aḏi sano ra unanga: “Ngana ne 'a guna?”

Yohanes 5:11

Ngowa'a gena-ge 'a sangoro, “Unanga ga'a 'o si-la ngoi gena-ge 'O kanau ra ngoi, ‘Na lolo 'ani jungutu re no tagi.’ ”

Yohanes 5:15

Gena ḏua, ngowa'a gena-ge 'o tagi re 'o masiajele toma Yahudi manga bi-biri'i mangale Yesus 'o si-la unanga.

Yohanes 5:16

Sababu gena-ge, Yahudi manga bi-biri'i mulaingi 'U sikangela Yesus, sababu Unanga 'o si-la ngowa'a toma Sabata ma wangere.

Yohanes 7:23

Na'o ngini 'a'a so'o gena-ge, la ni sito'u awa 'a Musa 'ai hukumu mangale suna, i'a sa'olo ngini ni duruta Ngoi, sababu to si-la ngowa'a toma Sabata ma Wangere, la 'ai lese mo-moini enanga 'i la?

Yohanes 9:16

Ngowa'a Farisi nga muḏuo i'a 'aḏi kanau, “Unanga gena-ge 'ai 'asala ua ra Ma Jou'ongu Madutu tala, sababu 'o silamo'o ua Sabata ma wangere.” Mada'a ngowa'a Farisi ma lelegu ḏi'i 'aḏi kanau, “Tantu ḏua, ngowa'a baraḏosa 'a nga'unu ua 'o 'a'a didina'o heranga so'o gena-ge?” Gena ḏua, ananga mulaingi 'aḏi ma'u tolabe i'a re ino.