Yohanes 4:9 - Jaji ma Su-sungi

⁹ We-were'a Samaria mo kanau i'a ra Yesus, “Tuanga ngowa'a Yahudi, ngoi we-were'a Samaria. Dadi i'a sa'olo Tuanga no golo'o ka'e ḇanyo ra ngoi?” (Ngowa'a Yahudi re ngowa'a Samaria 'aḏi ma'u sabi ḏuḏunu)

Yohanes 4:9 Iomraidhean Croise

Matias 10:5

Yesus 'ai so-soma'a nga nyagi moi re nga muḏiḏi gena-ge, Unanga ya'u 'utusu 'o bererongo so'o ne: “Awa ni tagi toma ngowa-ngowa'a Yahudi ua manga daeraha. Re awa tuḏu toma limau-limau ngowa'a Samaria.

Lukas 10:33

Gena ḏua, ngowa'a Samaria matengo 'o tagi mete'e ngo'omo gena-ge ḏi'i. Wakutu unanga 'o oḏi'i ngowa'a ga'a sanga bodito nange-ge, Tai 'akala re sinyingara 'i baolo dadalara toma ngowa'a gena-ge.

Yohanes 4:27

Toma 'orasa gena-ge, Yesus 'ai me-mete'e 'aḏi ḏibo re 'aḏi heranga sababu 'aḏi sanga i'a Yesus 'o ma'u kanau reo we-were'a Samaria gena-ge. Mada'a matengo i'a mai ua 'o nau'u di'a sano toma we-were'a gena-ge, “Meme no paralu 'oru?” bolo, 'o sano ra Yesus, “I'a sa'olo Tuanga no makanau reo munanga nena-ne?”

Yohanes 8:48

Ngowa'a Yahudi 'aḏi sangoro i'a ra Unanga, “Tero mode'e 'oru ga'a ngomi kanau: ‘Ngana ngowa'a Samaria re roh ma jira Ni dungosama’!”

Yesus 'ai so-soma'a 1:8

Mada'a ḏuanga i'a ngini ni sanga kuasa wakutu Ma Ngagara 'Ofi-'Ofi 'i 'uci re nu ḏegoro. Toma 'orasa gena-ge, ngini ni dadi 'Ari sakisi-sakisi toma limau Yerusalem, toma daeraha Yudea re daeraha Samaria mo-moini re ngadolo toma dungia sitabi donga.”

Yesus 'ai so-soma'a 10:28

Ḏua unanga 'o kanau i'a ra ananga, “Ngini masiretene na waro mangale mete'e ngowa'a Yahudi manga 'agama ma 'atoranga, ngowa-ngowa'a Yahudi simaha ua 'aḏi tuḏu bolo 'aḏi malomu toma ngowa-ngowa'a Yahudi ua. Mada'a Ma Jou'ongu Madutu 'o sijumu pasala ḏua tari tingoḏi'i nange-ge mangale ngoi nyengara to tuḏu bolo to malomu ra guna ḇato: bae ngowa'a Yahudi bae ngowa'a Yahudi ua.

Yesus 'ai so-soma'a 10:32

Sababu gena-ge, ngana no soma'a ngowa'a 'aḏi tagi toma limau Yope re 'aḏi sidola'a 'a Simon Petrus, unanga 'o tuḏu ra Simon 'ai wala toma ngoloto ma 'uḏu.’