Yohanes 4:42 - Jaji ma Su-sungi

⁴² Ḏua ananga gena-ge 'aḏi kanau i'a toma we-were'a gena-ge, “Nange-ne ngomi remi ngaku mode-mode'e mada'a pa'i sababu 'ani demo ḇato ua, mada'a sababu remi 'isene masiretene Unanga 'ai demo-demo re ngomi remi waro Unanga gena-ge Salamata ma Cimi mode-mode'e di'a dungia nena-ne.”

Yohanes 4:42 Iomraidhean Croise

Matias 1:21

Maria ḏuanga i'a mo sibuoro ngowa nau'u matengo. Ngowa kiau gena-ge ngana balasu no silomanga 'a Yesus, sababu Unanga nena-ne ḏuanga i'a 'O sisalamata 'Ai ngowa-ngowa'a tamanga ḏosa.”

Lukas 2:32

Salamata ma Cimi gena-ge sa'olo tarangi rimoi ga'a sitarangi ngo'omo di'a ngowa'a Yahudi ua, la ananga nga'unu 'aḏi sapolo ra Ma Jou'ongu Madutu. Tarangi gena-ge 'i gasa lomanga gau'u toma ngowa'a Israel, 'Ani ngowa-ngowa'a.”

Yohanes 1:29

Ma ḇiḇini ino Yohanes 'o oḏi'i 'a Yesus 'o sapolo ra unanga. Ḏua Yohanes 'o kanau, “Oḏi'i Unanga nena-ne Ma Jou'ongu Madutu 'ai Doba ma Ngowa, ga'a 'O singi-ngiranga manusia manga ḏosa!

Yohanes 11:17

Wakutu Yesus 'o ngadolo toma ngi'i gena-ge, 'a Lazarus utu rata ḏua toma kubu ma dara.

Yohanes 17:8

'Ani demo ga'a Baba reno pula'a ra Ngoi, Ngoi ta siajele ḏua ra ananga. Re ananga gena-ge ya dawongo ḏua re raḏi waro mangale Ngoi mode-mode'e to sapolo ra Baba ino re ananga raḏi ngaku Baba reno 'utusu Ngoi ḏua.

Yohanes 4:29

“Ino ngini ni oḏi'i ngowa'a matengo ga'a 'o siajele ra ngoi mangale 'oru ḇato ga'a ngoi ta si'a'a ḏua! Ḏa Unanga gena-ge 'O Kristus!”

Yohanes 4:41

Re ngowa'a manga repe moju 'aḏi ngaku Yesus, sababu ananga masiretene ya 'isene 'Ai do-doto'o.

Yesus 'ai so-soma'a 13:23

Ra Daud 'ai ju'uda, Ma Jou'ongu Madutu 'a sitatapu Matengo, unanga gena-ge ḏuanga i'a 'o dadi Salamata ma Cimi di'a bangsa Israel sababu Ma Jou'ongu Madutu 'a sijaji pasala ḏua. Yesus gena-ge 'O Salamata ma Cimi.

Yesus 'ai so-soma'a 4:12

Pa'i ra Yesus ḇato nyengara ngowa-ngowa'a 'aḏi sanga 'ahu kasingado-ngadolo i'a. Sababu toma dungia sitabi donga, matengo i'a mai ua 'o sanga kuasa di'a 'o sisalamata ngene.”

Yesus 'ai so-soma'a 5:31

Ma Jou'ongu Madutu ro pula'a ra Unanga, 'O ḏe-ḏegoro re 'O kuasa lai kau'u sa'olo sae'e re 'o Salamata ma Cimi, la Ma Jou'ongu Madutu 'o riono ngowa'a Israel 'aḏi maḏibo toma ngo'omo boloto, re la Unanga 'a singi-ngiranga manga ḏosa-ḏosa.

2 Korintus 5:19

Gena-ge, ngomi ma singadolo habari mangale sababu Kristus 'ai se-sengene toma salib, Ma Jou'ongu Madutu nyengara 'o sirimoi manusia ra Unanga masiretene. Sababu gena-ge, Ma Jou'ongu Madutu 'o roimi riwara manusia manga ḏosa ga'a manusia raḏi 'a'a. Re Ma Jou'ongu Madutu ro pula'a tugasa ra ngomi di'a mi singadolo habari gena-ge.

1 Timotius 4:10

Sababu gena-ge, ngene makutale mode-mode'e re munara mode-mode'e di'a wa mete'e demo-demo gena-ge ga'a 'i banari. Sababu ngene pa'i wo masinganono ḇato ra Ma Jou'ongu Madutu ga'a 'O 'ahu kasingado-ngadolo i'a re 'O sisalamata ngowa'a mo-moini, ngowa'a gena-ge ga'a raḏi ngaku Yesus.

1 Yohanes 2:2

Yesus gena-ge 'o dadi nanga du-duusu sababu Unanga 'o sidoa'a 'ai lese sa'olo jou-jou di'a nanga ḏosa-ḏosa. Sababu gena-ge Ma Jou'ongu Madutu nga'unu 'o singi-ngiranga nanga ḏosa-ḏosa. Re pa'i ngene nanga ḏosa ḇato ua, mada'a ngowa'a mo-moini manga ḏosa toma dungia sitabi donga ḏi'i.

1 Yohanes 4:14

Ngomi masiretene mi oḏi'i ḏua Ma Jou'ongu Madutu 'ai Ngowa'a Nau'u, re ngomi ma sisakisi mangale Unanga gena-ge 'O sanga 'utusu Tai Ḇaḇa di'a sapolo toma dungia nena-ne, la 'O dadi dungia ma Salamata ma Cimi.

1 Yohanes 5:20

Ngene rewo waro ḏi'i mangale Ma Jou'ongu Madutu 'ai Ngowa'a Nau'u ro sapolo re Ro pula'a wo-waro ra ngene, la ngene wu nana'o Ma Jou'ongu Madutu ga'a banari. Ngene wo 'ahu marimoi ra Ma Jou'ongu Madutu ga'a banari re wo 'ahu marimoi Rai Ngowa'a Nau'u, Yesus Kristus. Unanga gena-ge mode-mode'e ma tero Ma Jou'ongu Madutu re Unanga masiretene 'ahu kasingado-ngadolo i'a ma cimi.