Yohanes 4:34 - Jaji ma Su-sungi

³⁴ Yesus 'o kanau ra ananga, “Mete'e Ma Jou'ongu Madutu ga'a Ro 'utusu Ngoi, Unanga 'ai mau re siḏuanga munara ga'a Unanga ro pula'a ra Ngoi, gena-ge Ngoi 'ari ngo-ngoromo!

Yohanes 4:34 Iomraidhean Croise

Matias 26:39

Gena ḏua, Yesus 'o tagi i'a da'a masai'i i'a ra ananga kiḏanga siḏi ua kara 'O ruba paga-pagara 'Ai biono tala toma tana'a, sababu 'Ai 'akala re sinyingara 'i kangela masala, re 'O manyiata ma betongo so'o ne: “ 'Ari Baba, na'o No nyengara sangisara nena-ne Na silalo'o ra Ngoi. Mada'a awa mete'e Ngoi 'ari mau, ḏuga-ḏuga mete'e Baba 'ani mau ḇato.”

Matias 3:15

Mada'a Yesus 'a sangoro, “Nange-ne sieanga ḇato so'o gena sababu wa si'a'a so'o nena-ne ngene wo 'a'a mete'e Ma Jou'ongu Madutu 'ai 'akala ma mau.” Dadi 'a Yohanes 'o baptis Yesus.

Matias 9:19

Yesus 'o te'oso re 'o tagi mamete'e reo wala puji ma sae'e gena-ge re 'Ai me-mete'e mamete'e ḏi'i.

Lukas 15:10

Ngoi to siajele ra ngini nena-ne: So'o gena ḏi'i, Ma Jou'ongu Madutu re 'Ai mala'ekata 'aḏi monere na'o ngowa'a baraḏosa matengo ro maḏibo toma ngo'omo boloto.”

Lukas 19:10

Ngoi, Manusia ma Ngowa'a Nau'u to sapolo di'a To disa re To sisalamata ngowa'a ga'a 'aḏi iranga ngo'omo.”

Lukas 2:49

Yesus 'a sangoro, “I'a sa'olo baba re meme ni disa Ngoi toma ngi'i lelegu? Baba re meme ni waro ua mangale Ngoi balasu to tegoro Tari Ḇaḇa 'ai wala?”

Yohanes 17:4

Baba, Ngoi tini simulia ḏua toma dungia nena-ne, sababu Ngoi ta siḏuanga 'Ani munara ga'a Baba no siwatasa ra Ngoi.

Yohanes 19:28

Gena ḏua, Yesus ra waro mangale mo-moini gena-ge 'i ḏu-ḏuanga ḏua re la mo-moini 'oru ga'a 'i silefo ḏua toma Boku 'Ofi-'Ofi ri sitotomo, Unanga 'o kanau, “Ngoi 'Ari camala dudungu.”

Yohanes 19:30

Yesus 'a ḇowisi ma 'anggur gena-ge togumu i'a, Unanga 'o kanau, “Togumu ḏua!” Gena ḏua, Unanga 'a ruku tala 'Ai sae'e re 'Ai sangagara 'i togumu.

Yohanes 4:32

Mada'a Yesus 'a sangoro, “Ra Ngoi rema ngo-ngoromo ga'a ngini na waro ua.”

Yohanes 5:30

“Ngoi masiretene To 'a'a 'ori i'a mete'e 'Ari mau yoḏu'u. Ngoi pa'i to sijuruhakimi mete'e sa'olo 'Ari Ḇaḇa 'o siajele ra Ngoi. 'Ari putusanga gena-ge 'i 'adili, sababu Ngoi ta mete'e 'Ari mau masiretene ua, mada'a To mete'e 'Ari Ḇaḇa 'Ai mau, Unanga ga'a Ro 'utusu Ngoi.

Yohanes 5:36

Mada'a 'age sakisi ga'a lebe lamo'o i'a rea Yohanes. Gena-ge 'Ari munara ga'a Ngoi ta si'a'a nange-ne re 'Ari Ḇaḇa ro sipula'a munara gena-ge ra Ngoi di'a Ta siḏuanga. Munara gena-ge masiretene 'i pula'a sakisi mangale 'Ari Ḇaḇa Ro 'utusu Ngoi.

Yohanes 6:33

Sababu roti ga'a Ma Jou'ongu Madutu 'a pula'a, gena-ge Ngoi nena-ne, ga'a To 'uci da'u soroga tala re To pula'a 'ahu kasingado-ngadolo i'a toma manusia.”

Yohanes 6:38

Sababu Ngoi reto 'uci da'u soroga tala mete'e Ngoi 'ari mau masiretene ua, mada'a mete'e Unanga ga'a Ro 'utusu Ngoi, Unanga gena-ge 'ai mau.

Yohanes 8:29

Re Unanga ga'a Ro 'utusu Ngoi mamete'e ra Ngoi. Sanga ua, Unanga sieanga i'a Ngoi to matengo, sababu Ngoi ta si'a'a tau-taunu 'oru ga'a sisanangi Unanga 'ai 'akala re sinyingara.”

Yesus 'ai so-soma'a 20:35

Toma munara 'oru ḇato, ngoi to sijumu ngo'omo pasala ḏua ra ngini, toma munara ma kangela 'oru ḇato ngene balasu riono ngowa'a ma dinga'unu ua. Sababu gena-ge, ngene balasu wa 'elingi Ma Jou Yesus masiretene 'o kanau pasala ḏua, ‘Lebe bara'utungu wo pula'a reo wo dawongo.’ ”

'Ibrani 12:2

Ino ngene wo tatamo tau-taunu pa'i ra Yesus ḇato. Sababu Unanga nena-ne 'o welanga salamata ma ngo'omo di'a ngene sababu 'Ai ngo-ngaku ra Ma Jou'ongu Madutu. Re ḏi'i sababu Unanga si'a'a nanga salamata 'i ti-tiai sababu nanga ngo-ngaku ra Unanga. Unanga 'o tahana wakutu sanga sangisara toma ngowa'a ga'a 'U salib. Re kalaha Unanga 'o sengene toma salib, gena-ge ga'a 'i sipula'a mara'a ngowa'a, Unanga 'a kalesanga ua sababu Unanga pa'i 'o 'elingi tau-taunu nena-ne: Togumu i'a 'O sanga roanga. Nange-ne Unanga 'o tegoro ra Ma Jou'ongu Madutu 'ai giama ma kuwiḏa, re 'O parenta mamete'e ra Unanga.