Yohanes 4:21 - Jaji ma Su-sungi

²¹ Yesus 'o kanau, “No ngaku Ngoi. Ḏuanga i'a ma 'orasa 'i ngadolo wakutu ngowa'a 'aḏi silamo'o re siḏubuso Ma Jou'ongu Madutu toma ngi'i le'a ḇato; pa'i toma kie nena-ne ḇato ua bolo pa'i toma limau Yerusalem ḇato ua ḏi'i.

Yohanes 4:21 Iomraidhean Croise

Matias 18:20

Sababu toma ngi'i le'a ḇato 'age nga muḏiḏi bolo nga ḏu'ange 'aḏi malomu sababu Ngoi, Ngoi 'age tamanga sigolona.”

Matias 28:19

Sababu gena-ge, ni tagi toma bangsa mo-moini toma dungia sitabi donga, ni singadolo Habari mangale Ngoi, la ngowa'a 'aḏi dadi 'Ari me-mete'e. Ni baptis ananga gena-ge re siterongo Ḇaḇa 'ai lomanga, Ma Ngowa'a Nau'u 'ai lomanga, re Ma Ngagara 'Ofi-'Ofi ma lomanga.

Lukas 21:24

Ananga ḏuanga i'a ngowa'a ya'u sisengene sanga samaranga re 'age ḏi'i rema ananga ḏuanga i'a ngowa'a ya'u gasa toma bangsa lelegu, ananga mo-moini sa'olo manga dawana. Re ngowa-ngowa'a ga'a nana'o ua Ma Jou'ongu Madutu, ananga ḏuanga i'a 'aḏi sisikisa limau Yerusalem manga manusia singadolo Ma Jou'ongu Madutu 'a sitantukanga ma 'orasa gena-ge 'i togumu.

Yohanes 14:6

Yesus 'o sangoro, “Ngoi nena-ne ngo'omo di'a ni sapolo ra Tari Ḇaḇa. Ngoi nena-ne to sijumu 'oru ga'a 'i banari mangale 'Ari Ḇaḇa. Re ḏi'i Ngoi nena-ne to pula'a 'ahu kasingado-ngadolo i'a. Pa'i Ngoi nena-ne ḇato to dadi ngo'omo ga'a sigasa ngowa'a Tari Ḇaḇa.

Yohanes 16:2

Ngowa'a ḏuanga i'a 'aḏi dusu'u ngini toma wala-wala puji. Ma nyonyata enanga ma 'orasa ḏuanga i'a 'i ngadolo wakutu ngowa'a ga'a 'aḏi sisengene ngini, ananga 'aḏi ta'ajiri 'aḏi siḏagi Ma Jou'ongu Madutu 'ai 'akala ma mau.

Yohanes 16:32

Mada'a ma 'orasa 'i ngadolo re nange-ne 'i ngadolo ḏua, wakutu ngini ni matai are ni maḏibo taninga wala matengo-matengo re ni sisoi'i tala Ngoi masiretene. Mada'a Ngoi to matengo ua, sababu 'Ari Ḇaḇa 'o mamete'e ra Ngoi.

Yohanes 4:23

Mada'a enanga ma 'orasa ḏuanga i'a 'i ngadolo - re nange-ne ma 'orasa gena-ge 'i ngadolo ḏua - wakutu ngowa-ngowa'a ga'a mau 'aḏi silamo'o re siḏubuso Ma Jou'ongu Madutu manga Ḇaḇa ananga gena-ge balasu 'aḏi pake Ma Ngagara 'Ofi-'Ofi re pa'i 'aḏi mete'e Ma Jou'ongu Madutu 'ai ba-banari ḇato. Sababu ananga ga'a 'aḏi silamo'o re siḏubuso so'o gena-ge 'aḏi sisanangi Ma Jou'ongu Madutu 'ai 'akala re sinyingara.

Yohanes 5:25

Ni ngaku mode-mode'e 'Ari demo-demo nena-ne: Ḏuanga i'a ma 'orasa 'i ngadolo - re nange-ne 'orasa gena-ge 'i ngadolo ḏua - wakutu ngowa'a ga'a ma tero sa'olo ngowa'a senge-sengene, ananga gena-ge 'aḏi 'isene Ma Jou'ongu Madutu 'ai Ngowa'a Nau'u 'ai iḏingi. Re ngowa'a ga'a ya totoho, ananga ḏuanga i'a 'aḏi 'ahu.

Yohanes 5:28

Awa ni heranga ni 'isene so'o gena-ge, sababu ḏuanga i'a ma 'orasa 'i ngadolo wakutu ngowa-ngowa'a raḏi sengene mo-moini ananga 'aḏi 'isene 'Ari iḏingi.

Yesus 'ai so-soma'a 6:14

Ngomi mi 'isene unanga 'o siajele mangale Yesus, ngowa'a Nazaret, 'a ruba Ma Jou'ongu Madutu 'ai Wala nena-ne re 'a ngali nanga 'adata re 'atoranga mo-moini ga'a 'a Musa ra sisoi'i tala ra ngene.”

Efesus 2:18

Dadi sababu Kristus, nange-ne ngene mo-moini: bae ngowa'a Yahudi, bae Yahudi ua, nyengara wo sapolo tananga Ḇaḇa. Gena-ge ri dadi sababu kuasa toma Ma Ngagara 'Ofi-'Ofi, pa'i rimoi ḇato, ga'a 'i riono ngene mo-moini.

Efesus 3:14

Sababu mo-moini gena-ge, ngoi to maḏipolono di'a to manyiata ra Ma Jou'ongu Madutu, nanga Ḇaḇa.

1 Timotius 2:8

Sababu gena-ge, le'a ḇato ngini malomu di'a ni silamo'o re siḏubuso Ma Jou'ongu Madutu, ngoi to golo'o 'o na-nau'u 'aḏi manyiata. Mada'a na-nau'u balasu manga 'ahu mete'e Ma Jou'ongu Madutu 'ai do-doto'o re wakutu ananga 'aḏi manyiata kamanga ruta ua, bolo kamanga gogono 'akala ua toma ngowa'a lelegu tamanga 'akala re sinyingara ma dara.

1 Petrus 1:17

Wakutu ngini ni manyiata ra Ma Jou'ongu Madutu, ngini terongo Unanga ninga Ḇaḇa. Mada'a balasu ni 'elingi Unanga gena-ge 'o pa'ala kaci moi ua! Unanga masiretene 'a sitantukanga hukumu 'oru mete'e ananga manga ga'a matengo re matengo. Sababu gena-ge, ngini balasu ni silamo'o re mojongo Ma Jou'ongu Madutu wakutu ni 'ahu-'ahu toma dungia moju, ma tero sa'olo ngowa'a tagi-tagi ino 'aḏi tegoro toma ngowa'a lelegu manga nagara.

Tingoýi 21:22

Toma limau gena-ge ma dara, ngoi to oḏi'i ua Ma Jou'ongu Madutu 'ai Wala, sababu 'age Ma Jou ga'a Ma Jou'ongu Madutu, Unanga ga'a 'Ai kuasa ma pari cua, re Doba ma Ngowa toma limau gena-ge ma dara. Dadi Wala gena-ge 'i paralu riwara.