Yohanes 4:10 - Jaji ma Su-sungi

¹⁰ Yesus 'a sangoro, “Na'o ngana na waro mangale Ma Jou'ongu Madutu 'ai bu-bula'a re Ngoi nena-ne 'a guna ga'a to golo'o ka'e ra ngana, tantu ḏua, ngana masiretene ḏuanga i'a no golo'o ka'e ḇanyo ra Ngoi, re Ngoi to pula'a ḇanyo 'ahu ra ngana.”

Yohanes 4:10 Iomraidhean Croise

Lukas 11:13

Kalaha ngini ngowa'a baraḏosa, ngini mai ni waro ḏi'i ni pula'a 'ori i'a ma la-la taninga ngowa-ngowa'a. Ma la-lamo'o i'a ḏi'i, ninga Ḇaḇa toma soroga! Tantu ḏua, Unanga 'o pula'a Ma Ngagara 'Ofi-'Ofi ra ananga ga'a 'aḏi golo'o ra Unanga!”

Yohanes 16:3

Mada'a ananga 'aḏi 'a'a so'o gena-ge, sababu ananga 'aḏi nana'o ua 'Ari Ḇaḇa bolo Ngoi.

Yohanes 17:3

'Ahu kasingado-ngadolo i'a ma ngale so'o ne: Ngowa'a 'aḏi nana'o 'Ari Ḇaḇa, 'aḏi nana'o Ngoi ḏi'i. 'Ari Ḇaḇa pa'i matengo ḇato ga'a Ma Jou'ongu Madutu mode-mode'e; re Ngoi, Yesus Kristus ga'a 'Ari Ḇaḇa Ri 'utusu.

Yohanes 3:16

Ma Jou'ongu Madutu 'o dadalara manusia toma dungia ma tero so'o ne: Unanga ro 'utusu 'Ai Ngowa'a Nau'u pa'i matengo, la 'a guna ḇato 'o ngaku 'Ai Ngowa'a Nau'u gena-ge, 'o iranga ua kasingado-ngadolo i'a, mada'a 'o sanga 'ahu kasingado-ngadolo i'a.

Yohanes 4:14

Mada'a 'a guna 'o ka'e ḇanyo ga'a Ngoi to pula'a, ananga manga camala dudungu riwara nena re si'a. Sababu ḇanyo ga'a Ngoi to pula'a gena-ge enanga 'i dadi ḇanyo ma la'o tamanga lese ma dara ga'a 'i sipula'a ḇanyo 'ahu re 'ahu kasingado-ngadolo i'a.”

Yohanes 6:35

Yesus 'o kanau ra ananga, “Ngoi nena-ne roti ga'a sigasa 'ahu. Ngowa'a ga'a sapolo ra Ngoi, ananga kama sawini riwara re ngowa'a ga'a ngaku Ngoi, ananga manga camala kama dudungu riwara.

Yohanes 6:51

Ngoi nena-ne roti 'ahu ga'a 'i 'uci da'u soroga tala. Na'o 'a guna ḇato oromo roti gena-ge, ḏuanga i'a 'o 'ahu kasingado-ngadolo i'a. Roti gena-ge 'Ari lese ga'a ḏuanga i'a ta sidoa'a, la manusia nyengara sanga 'ahu.”

Yesus 'ai so-soma'a 9:11

Ma Jou Yesus 'o kanau, “Ino no tagi so'o nena ḏua. Tagi ra Yudas 'ai wala toma Ngo'omo Boloto. I'a da'a, ngana no sano, ‘le'a ngowa'a matengo 'ai lomanga Saulus, unanga gena-ge ngowa'a Tarsus’. Toma 'orasa gena-ge, Saulus 'o manyiata re 'o sanga tingoḏi'i.

Roma 8:32

'Ai Ngowa'a Nau'u masiretene Unanga 'a sidoa'a toma ngowa'a ma jira, la ananga 'U sisengene di'a sisalamata ngene mo-moini ga'a ngowa'a baraḏosa. Dadi, tantu ḏua Unanga 'o pula'a 'oru ḇato ga'a ngene wo paralu!

1 Korintus 1:30

Ma Jou'ongu Madutu masiretene 'O sirimoi ngini ra Kristus. Re Kristus gena-ge 'o dadi ma tero sa'olo Ma Jou'ongu Madutu 'ai 'akala ma soro'unu ra ngene. Re sababu ngene rewo marimoi ra Kristus, ngene wo dadi loasa re banari re wo dadi Ma Jou'ongu Madutu 'ai ngowa-ngowa'a 'ofi-'ofi re Unanga 'O tuusu ngene.

1 Korintus 10:4

re mo-moini 'aḏi ka'e ḇanyo da'u soroga tala. Ḇanyo gena-ge Ma Jou'ongu Madutu 'a sisupu toma maḏi ino, re maḏi gena-ge 'a Kristus ga'a ma'u mete'e ra ananga.

2 Korintus 9:15

Ino, ngene wo sibere ie murasa ma la ra Ma Jou'ongu Madutu, sababu Unanga 'ai bu-bula'a ma pari cua ra ngene.

Efesus 2:8

I'a sa'olo Unanga ro sisalamata ngini?! Sababu ngini reni madaga'a 'ori i'a ma la-la?! So'o gena-ge ua! Mada'a sababu Unanga 'ai mura re dadalara ra ngini. Ma sababu gena-ge, Unanga ro sisalamata ngini sababu ngini reni ngaku Yesus. Ngini ni sanga salamata sababu ninga de'oso re ḏegoro ma la?! So'o gena-ge ua! Mada'a ngini reni sanga salamata pa'i Ma Jou'ongu Madutu 'ai cocatu ḇato. Dadi matengo i'a mai ua 'o mahie 'ai diri mangale sanga salamata gena-ge,

'Ibrani 6:4

Sababu na'o ngowa'a 'aḏi ngaku ra Yesus riwara, sanga ua ananga gena-ge 'aḏi siḏibo toma ngo'omo boloto moju! Ma siḏa, ananga gena-ge 'aḏi 'ahu toma tarangi ra Ma Jou'ongu Madutu, re ya basono ḏua Unanga 'ai cocatu re 'aḏi dawongo ḏi'i Ma Ngagara 'Ofi-'Ofi ma tero sa'olo ngowa'a lelegu.

1 Yohanes 5:20

Ngene rewo waro ḏi'i mangale Ma Jou'ongu Madutu 'ai Ngowa'a Nau'u ro sapolo re Ro pula'a wo-waro ra ngene, la ngene wu nana'o Ma Jou'ongu Madutu ga'a banari. Ngene wo 'ahu marimoi ra Ma Jou'ongu Madutu ga'a banari re wo 'ahu marimoi Rai Ngowa'a Nau'u, Yesus Kristus. Unanga gena-ge mode-mode'e ma tero Ma Jou'ongu Madutu re Unanga masiretene 'ahu kasingado-ngadolo i'a ma cimi.

Tingoýi 21:6

Ḏua Unanga 'o kanau ra ngoi, “Togumu ḏua! Ngoi nena-ne 'Alfa re 'Omega, Ngoi nena-ne Ma Mulaingi re Ma Ḏo-ḏogumu. 'A guna ḇato basono madanga dudungu Ngoi to pula'a ḇanyo kama fangu ua toma ḇanyo ma cimi ga'a 'i pula'a 'ahu.

Tingoýi 22:17

Ma Ngagara 'Ofi-'Ofi re geri molo'ara we-were'a 'aḏi kanau, “Ino!” 'A guna ḇato 'a 'isene 'Ari habari nena-ne, unanga ḏi'i 'o kanau, “Ino!” 'A guna ḇato 'a basono 'ai camala dudungu re 'o mau ka'e, unanga balasu 'o sapolo 'o ka'e ḇanyo 'ahu-'ahu gena-ge, kama ijana ua.

Tingoýi 7:17

Sababu Doba ma Ngowa gena-ge ga'a 'o tegoro sebanga ra Ma 'Olana 'ai ḏe-ḏegoro 'o dadi ananga manga sowohi. Unanga ḏuanga i'a ya'u sigasa toma ḇanyo 'ahu ma utu'u. Re Ma Jou'ongu Madutu 'a singi-ngiranga manga la'o ma 'ongoro mo-moini.”