Yohanes 3:8 - Jaji ma Su-sungi

⁸ Si'ade-'ade: Karawiana 'i hoa le'a ḇato, mete'e enanga ma mau. Ngene wa 'isene ma rurusu, mada'a 'i sapolo le'a ino wa waro ua, re 'i tagi le'a i'a ngene wa waro ua ḏi'i. So'o gena ḏi'i, matengo i'a ga'a Ma Ngagara 'Ofi-'Ofi ma kuasa 'u sibuoro.”

Yohanes 3:8 Iomraidhean Croise

Yohanes 1:13

Ananga gena-ge 'aḏi dadi ua Ma Jou'ongu Madutu 'ai ngowa-ngowa'a, sababu manga ete re dotumu, bolo manusia manga nyafusu, bolo nau'u 'ai nyafusu. Mada'a ananga gena-ge 'aḏi dadi Ma Jou'ongu Madutu 'ai ngowa-ngowa'a sababu 'ahu su-sungi ga'a ma 'asala ra Unanga.

Yohanes 3:7

No heranga awa na'o Ngoi to kanau so'o ne: ‘Ngini mo-moini balasu dadunu sibuoro moju.’

Yohanes 3:9

Ḏua Nikodemus 'o sano, “Ma duhu sa'olo enanga gena-ge 'i dadi?”

Yesus 'ai so-soma'a 2:2

Kage-kage, ananga 'aḏi 'isene sa'olo karawiana ma rurusu da'u diwanga tala. Ngowa-ngowa'a 'aḏi tego-tegoro toma wala gena-ge ya 'isene mo-moini.

Yesus 'ai so-soma'a 4:31

Ananga 'aḏi manyiata togumu i'a, ngi'i gena-ge 'i elala. Re ananga mo-moini Ma Ngagara 'Ofi-'Ofi ya'u ḏegoro re ananga 'aḏi singadolo Ma Jou'ongu Madutu 'ai demo kama mojongo ua.

1 Korintus 12:11

Mo-moini gena-ge Ma Ngagara 'Ofi-'Ofi pa'i rimoi ḇato, Enanga ma munara. Ananga matengo re matengo sanga kuasa toma Ngagara 'Ofi-'Ofi mete'e Enanga gena-ge ma mau masiretene.

1 Korintus 2:11

Sababu matengo i'a mai ua 'a waro ngowa'a lelegu manga 'akala re sinyingara ma dara, pa'i unanga masiretene 'ai roh ḇato. So'o gena ḏi'i mangale Ma Jou'ongu Madutu: Pa'i 'Ai Ngagara 'Ofi-'Ofi masiretene ḇato ya waro 'Ai 'akala re sinyingara ma dara.

1 Yohanes 2:29

Ngini na waro ḏua mangale Kristus 'ai de'oso re ḏegoro mete'e Ma Jou'ongu Madutu 'ai 'akala ma mau. Re ngini na waro ḏua ḏi'i 'a guna ḇato 'ai de'oso re ḏegoro mete'e Ma Jou'ongu Madutu 'ai 'akala ma mau, ngowa'a gena-ge Ma Jou'ongu Madutu 'ai ngowa-ngowa'a.