Yohanes 3:6 - Jaji ma Su-sungi

⁶ Manusia mo-moini manga ngina ya'u sibuoro. Mada'a 'ahu su-sungi tananga nyawa, Ma Ngagara 'Ofi-'Ofi ya sibuoro.

Yohanes 3:6 Iomraidhean Croise

Yohanes 1:13

Ananga gena-ge 'aḏi dadi ua Ma Jou'ongu Madutu 'ai ngowa-ngowa'a, sababu manga ete re dotumu, bolo manusia manga nyafusu, bolo nau'u 'ai nyafusu. Mada'a ananga gena-ge 'aḏi dadi Ma Jou'ongu Madutu 'ai ngowa-ngowa'a sababu 'ahu su-sungi ga'a ma 'asala ra Unanga.

Yohanes 3:7

No heranga awa na'o Ngoi to kanau so'o ne: ‘Ngini mo-moini balasu dadunu sibuoro moju.’

Roma 7:18

Ngoi to waro mangale tari diri nena-ne, 'ori i'a ma la-la 'i cua sababu 'ari tabeata baraḏosa. Sababu ngoi to nyafusu to 'a'a 'ori i'a ma la-la, mada'a ta nga'unu ua.

Roma 7:5

Sababu ma siḏa ngene wo 'ahu wo mete'e nanga nyafusu ga'a ma 'asala toma tabeata manusia baraḏosa. Re sababu wo waro Musa 'ai hukumu, nyafusu gena-ge 'i ganapu baolo tananga 'akala re sinyingara ma dara, singadolo enanga gena-ge 'i kuasa nanga lese. Dadi ngene wo patasa di'a sanga sengene kasingado-ngadolo i'a.

Roma 8:13

Sababu na'o ngini 'ahu mete'e manusia ma tabeata baraḏosa, tantu ḏua ḏuanga i'a ngini ni sengene kasingado-ngadolo i'a. Mada'a na'o Ma Ngagara 'Ofi-'Ofi 'i sinyanyasele ninga 'ahu, ngini nga'unu ni 'ahu mete'e riwara manusia ma tabeata baraḏosa re ḏuanga i'a ni sanga 'ahu kasingado-ngadolo i'a.

1 Korintus 6:17

Mada'a matengo i'a ga'a 'o marimoi ra Ma Jou Yesus, unanga 'o marimoi ra Ma Jou 'ai Roh ga'a Ma Ngagara 'Ofi-'Ofi.

2 Korintus 5:17

Sababu gena-ge, na'o 'age rema ngowa'a ga'a raḏi marimoi ra Kristus, ananga gena-ge raḏi dadi manusia su-sungi. Manusia manga 'ahu ma siḏa ri cua. 'Orasa nange-ne, ananga manga 'ahu 'i dadi su-sungi.

Galatia 5:24

Ngowa-ngowa'a ga'a raḏi osama nyo-nyoimi ra Kristus Yesus, ananga gena-ge raḏi sisengene manusia manga de'oso re ḏegoro ma jira re manga nyafusu ma jira tamanga 'akala re sinyingara.

Efesus 2:3

'Au nga'ene, ngene mo-moini wo ma tero sa'olo ananga gena-ge: Nanga 'ahu mete'e dungia ma nyafusu, wo 'a'a 'oru ḇato di'a sisanangi nanga lese re 'akala re sinyingara. Toma 'orasa gena-ge, ngene wo osama nyo-nyoimi ra ananga ga'a ḏuanga i'a sanga hukumu ra Ma Jou'ongu Madutu, ma tero sa'olo ngowa'a lelegu ga'a 'aḏi ngaku Yesus ua.

Kolose 2:11

Sababu ngini ni marimoi ra Kristus, enanga 'i ma tero sa'olo ngini ni sanga suna. Suna gena-ge manusia ya 'a'a ua, mada'a Kristus 'a 'a'a taninga 'akala re sinyingara, wakutu Unanga 'o sibebasa ngini toma ḏosa ga'a 'i parenta ninga 'ahu.

1 Yohanes 3:9

Ngowa'a ga'a raḏi dadi Ma Jou'ongu Madutu 'ai ngowa-ngowa'a 'aḏi 'a'a ḏosa tau-taunu ua sababu Ma Jou'ongu Madutu 'ai de'oso re ḏegoro 'i waiti tamanga 'ahu ma dara. Ananga gena-ge 'a'a ḏosa tau-taunu 'i yoḏu'u, sababu Ma Jou'ongu Madutu ya'u sidadi 'Ai ngowa-ngowa'a.