Yohanes 3:5 - Jaji ma Su-sungi

⁵ Yesus 'a sangoro: “No ngaku mode-mode'e 'Ari demo-demo nena-ne: Na'o matengo i'a mau 'o osama nyo-nyoimi ra Ma Jou'ongu Madutu 'ai Pareta, unanga gena-ge balasu dadunu sibuoro moju. Enanga gena-ge 'i dadi sababu Ma Ngagara 'Ofi-'Ofi ma kuasa re 'i sijumu wakutu ananga 'aḏi sanga baptis.

Yohanes 3:5 Iomraidhean Croise

Matias 18:3

Ḏua Unanga 'o kanau, “Ni ngaku mode-mode'e 'Ari demo-demo nena-ne: Na'o ngini ni dadi ua ma tero sa'olo ngowa 'olo nena-ne, ngini ni osama nyo-nyoimi yoḏu'u toma Soroga ma Pareta.

Matias 19:24

Re Ngoi to siajele ra ngini nena-ne ḏi'i: Lebe gapanga 'o 'unta rimoi 'i osama toma j̱aiti ma duso'o reo ngowa'a rema-enanga 'aḏi osama nyo-nyoimi ra Ma Jou'ongu Madutu 'ai Pareta.”

Matias 21:31

Nah tai ngowa'a nga muḏiḏi gena-ge 'a guna ga'a 'a mete'e manga ḇaḇa 'ai mau?” Ananga gena-ge ya sangoro, “Ngowa'a nau'u ma ioro.” Ḏua, Yesus 'o kanau ra ananga, “Ni ngaku mode'e 'Ari demo nena-ne: Ngowa'a golo-golo'o balastengi re we-were'a su-sudala, ananga gena-ge 'aḏi osama nyo-nyoimi ra Ma Jou'ongu Madutu 'ai Pareta; mada'a ngini ua!

Matias 28:19

Sababu gena-ge, ni tagi toma bangsa mo-moini toma dungia sitabi donga, ni singadolo Habari mangale Ngoi, la ngowa'a 'aḏi dadi 'Ari me-mete'e. Ni baptis ananga gena-ge re siterongo Ḇaḇa 'ai lomanga, Ma Ngowa'a Nau'u 'ai lomanga, re Ma Ngagara 'Ofi-'Ofi ma lomanga.

Matias 3:11

Ngoi to baptis ngini reo ḇanyo sa'olo nana'o rimoi mangale ngini reni maḏibo toma ngo'omo boloto. Mada'a togumu i'a Unanga ga'a ḏuanga i'a 'O sapolo di'a baptis ngini rema Ngagara 'Ofi-'Ofi re u'u. Unanga lebe la-lamo'o ra ngoi, ta gasa 'Ai tarupa mai patasa ua.

Matias 5:20

Dadi, Ngoi to siajele ra ngini nena-ne: Ngini balasu ni mete'e “Musa 'ai hukumu lebe cufala i'a reo guru-guru 'agama re ngowa'a Farisi. Na'o so'o gena-ge ua, ngini ni osama nyo-nyoimi yoḏu'u toma Soroga ma Pareta.”

Markus 10:14

Yesus 'o oḏi'i so'o gena, Unanga 'o ngamo 'ai me-mete'e, “Sieanga i'a ḇato, ngowa 'olo nena-ne 'aḏi sapolo ra Ngoi. Awa ni dola'aku ananga, sababu ngowa'a ga'a 'aḏi dadi ma tero sa'olo ngowa 'olo-ngowa 'olo nena-ne, pa'i ananga gena-ge nyengara 'aḏi osama nyo-nyoimi ra Ma Jou'ongu Madutu 'ai Pareta.

Markus 16:16

Ngowa'a 'aḏi ngaku ua, ananga gena-ge 'aḏi osama naraka, mada'a ngowa'a 'aḏi ngaku Ngoi re 'aḏi sanga baptis, ananga gena-ge 'aḏi osama soroga.

Markus 9:47

Re ngini ninga la'o kaci moi 'i sigasa ngini ni madaga'a ḏosa, ni cuḇulenge 'o la'o gena-ge! Jobilaha, ngini ni osama nyo-nyoimi ra Ma Jou'ongu Madutu 'ai Pareta reninga la'o kaci moi ḇato, reo reninga la'o kaci ḏiḏi ni osama toma naraka ma dara.

Lukas 13:24

“Ni makutale ni osama mete'e ngalana ga'a 'i peletoro. Sababu Ngoi to siajele ra ngini nena-ne: 'Age rema ngowa'a manga repe ḏuanga i'a 'aḏi makutale 'aḏi osama, mada'a sanga osama ua.

Lukas 13:3

So'o gena ua! Mada'a Ngoi to siajele ra ngini nena-ne: Na'o ngini ni maḏibo toma ngo'omo boloto ua, ngini mo-moini ḏi'i ḏuanga i'a ni sanga sengene kasingado-ngadolo i'a.

Lukas 13:5

So'o gena ua! Soi moi moju ngoi to kanau ra ngini. Na'o ngini ni maḏibo toma ngo'omo boloto ua, ngini mo-moini ḏi'i ḏuanga i'a ni sanga sengene kasingado-ngadolo i'a.”

Yohanes 1:13

Ananga gena-ge 'aḏi dadi ua Ma Jou'ongu Madutu 'ai ngowa-ngowa'a, sababu manga ete re dotumu, bolo manusia manga nyafusu, bolo nau'u 'ai nyafusu. Mada'a ananga gena-ge 'aḏi dadi Ma Jou'ongu Madutu 'ai ngowa-ngowa'a sababu 'ahu su-sungi ga'a ma 'asala ra Unanga.

Yohanes 3:3

Yesus 'a sangoro, “No ngaku mode-mode'e 'Ari demo-demo nena-ne: Na'o ngowa'a matengo i'a dadunu sibuoro ua, unanga 'o osama nyo-nyoimi yoḏu'u ra Ma Jou'ongu Madutu 'ai Pareta.”

Yohanes 3:4

Nikodemus 'o kanau, “Ma duhu sa'olo ngowa'a ga'a ro bi-biri'i 'ai ngina dadunu mu sibuoro moju?! Sanga ua, unanga 'o osama tai ngina mi po'olo, kara dadunu mu sibuoro moju!”

Yesus 'ai so-soma'a 2:38

'A Petrus 'a sangoro i'a ra ananga, “Ngini matengo re matengo balasu ni maḏibo toma ngo'omo boloto, kara ni sanga baptis ra Yesus Kristus 'ai lomanga, la Ma Jou'ongu Madutu 'o singi-ngiranga ninga ḏosa re ni dawongo Ma Ngagara 'Ofi-'Ofi.

Yesus 'ai so-soma'a 3:19

Sababu gena-ge, ngini balasu ni maḏibo toma ngo'omo boloto re ni ngali ninga de'oso re ḏegoro re ni mete'e Ma Jou'ongu Madutu, la Unanga 'a singi-ngiranga ninga ḏosa-ḏosa,

Roma 14:17

Sababu ra Ma Jou'ongu Madutu 'ai parenta ma dara, 'oru ga'a matengo i'a 'a oromo bolo 'a ka'e, gena-ge 'i la-lamo'o ua. Mada'a enanga ga'a lebe la-lamo'o ma re'u i'a so'o ne: Ngene balasu wo 'ahu sa'olo ngowa'a loasa re banari, re ngene wo ma'u dame matengo re matengo, re ḏi'i ngene balasu wo maroanga sababu Ma Ngagara 'Ofi-'Ofi taninga 'akala re sinyingara.

Roma 8:2

Ma Ngagara 'Ofi-'Ofi ma kuasa ri sibebasa ngene toma ḏosa ma kuasa re sengene kasingado-ngadolo i'a re pula'a 'ahu su-sungi ra ngene, sababu ngene rewo marimoi ra Kristus Yesus.

1 Korintus 15:50

Ioronongoḏu ngo-ngaku rimoi, nange-ne ngoi to siajele ra ngini, lese toma tana'a 'i osama yoḏu'u ra Ma Jou'ongu Madutu 'ai dungia su-sungi ga'a Unanga 'o parenta sa'olo 'Olana. Sababu ngene nanga lese ḏuanga i'a 'i sengene re 'i wejere. Dadi sanga ua 'i osama toma ngi'i ga'a 'ahu kasingado-ngadolo i'a.

1 Korintus 2:12

Re ngene wo sanga ua dungia ma 'akala; mada'a wo sanga Ma Ngagara 'Ofi-'Ofi ra Ma Jou'ongu Madutu tala, la nga'unu wa sahe mo-moini ga'a Unanga ro pula'a ra ngene sababu 'Ai mura re dadalara.

1 Korintus 6:11

'Au nga'ene, 'age mamuni'a taninga sigolona ga'a manga de'oso re ḏegoro so'o gena-ge ḏi'i. Mada'a 'orasa nange-ne Ma Jou'ongu Madutu 'o si'ofi ngini taninga ḏosa mo-moini re Unanga 'o sidadi ngini sa'olo 'Ai ngowa'a 'ofi-'ofi re ngowa'a kamanga sala ua ra Unanga 'ai momina. Mo-moini gena-ge sababu ngini reni marimoi ra Ma Jou Yesus Kristus re sababu ḏi'i Ma Ngagara 'Ofi-'Ofi tananga Jou'ongu Madutu tala.

Galatia 6:15

Bae sanga suna bae sanga suna ua, gena-ge 'i 'oru ua. Mada'a ma la-lamo'o ma re'u i'a so'o ne: Ngowa'a matengo balasu dadi ma tero sa'olo manusia su-sungi sababu ro dawongo 'ahu su-sungi toma Ngagara 'Ofi-'Ofi ino.

Efesus 5:26

Kristus 'o 'a'a so'o gena, la Unanga 'a sidadi ngene 'Ai 'umata. Unanga gena-ge ro si'ofi 'Ai jama'ata reo 'Ai do-doto'o re ḇanyo na'o wo sanga baptis.

1 Petrus 3:21

Dadi sibere ḇanyo sa'olo didina'o rimoi mangale ananga sanga salamata ra Ma Jou'ongu Madutu 'ai hukumu. So'o gena-ge ḏi'i, nange-ne baptis sa'olo nana'o rimoi mangale ngini ni sanga salamata Tai hukumu. Baptis gena-ge ma maksudu di'a si'ofi ua ninga lese, mada'a mangale ngini reni golo'o ra Ma Jou'ongu Madutu di'a si'ofi ninga 'akala re sinyingara ma kanau. Ḏua sababu Ma Jou'ongu Madutu dadunu 'o si'ahu moju Yesus Kristus, ngini nga'unu ni ngaku ninga 'akala re sinyingara ma dara ri 'ofi re reni sanga salamata.

1 Yohanes 2:29

Ngini na waro ḏua mangale Kristus 'ai de'oso re ḏegoro mete'e Ma Jou'ongu Madutu 'ai 'akala ma mau. Re ngini na waro ḏua ḏi'i 'a guna ḇato 'ai de'oso re ḏegoro mete'e Ma Jou'ongu Madutu 'ai 'akala ma mau, ngowa'a gena-ge Ma Jou'ongu Madutu 'ai ngowa-ngowa'a.

1 Yohanes 5:1

'A guna ḇato 'aḏi ngaku mangale Yesus gena-ge 'O Kristus ga'a Ma Jou'ongu Madutu 'o sijaji pasala ḏua, ananga gena-ge Ma Jou'ongu Madutu 'ai ngowa-ngowa'a. 'A guna ḇato 'aḏi dadalara Ma Jou'ongu Madutu manga Ḇaḇa, 'aḏi dadalara ḏi'i 'Ai ngowa-ngowa'a.