Yohanes 3:18 - Jaji ma Su-sungi

¹⁸ 'A guna ḇato 'o ngaku Ma Jou'ongu Madutu 'ai Ngowa'a Nau'u, Ma Jou'ongu Madutu ḏuanga i'a 'u sihukumu ua. Mada'a 'a guna ḇato 'o ngaku ua Ma Jou'ongu Madutu 'ai Ngowa'a Nau'u, unanga pa'i totoma ḇato di'a Ma Jou'ongu Madutu 'u sihukumu, sababu unanga gena-ge 'o ngaku ua Ma Jou'ongu Madutu 'ai Ngowa'a Nau'u, pa'i matengo.

Yohanes 3:18 Iomraidhean Croise

Markus 16:16

Ngowa'a 'aḏi ngaku ua, ananga gena-ge 'aḏi osama naraka, mada'a ngowa'a 'aḏi ngaku Ngoi re 'aḏi sanga baptis, ananga gena-ge 'aḏi osama soroga.

Yohanes 1:12

Mada'a 'a guna ḇato 'o dawongo re 'o ngaku Unanga, Unanga 'o pula'a haku ra ananga di'a 'aḏi dadi Ma Jou'ongu Madutu 'ai ngowa-ngowa'a.

Yohanes 1:18

Matengo i'a mai nyangu ro oḏi'i Ma Jou'ongu Madutu, mada'a pa'i 'Ai Ngowa'a Nau'u matengo, ga'a 'O marimoi rai Ḇaḇa. Unanga gena-ge ra sibaiti re Ra sitarangi mangale Ma Jou'ongu Madutu ra ngene.

Yohanes 20:31

Mada'a mo-moini gena-ge ri silefo toma boku nena-ne, la nyengara ngini ni ngaku mangale Yesus gena-ge 'O Kristus, Ma Jou'ongu Madutu 'ai Ngowa'a Nau'u re na'o ni ngaku Unanga, ngini sanga 'ahu kasingado-ngadolo i'a.

Yohanes 3:16

Ma Jou'ongu Madutu 'o dadalara manusia toma dungia ma tero so'o ne: Unanga ro 'utusu 'Ai Ngowa'a Nau'u pa'i matengo, la 'a guna ḇato 'o ngaku 'Ai Ngowa'a Nau'u gena-ge, 'o iranga ua kasingado-ngadolo i'a, mada'a 'o sanga 'ahu kasingado-ngadolo i'a.

Yohanes 3:36

'A guna ga'a ngaku Ma Jou'ongu Madutu 'ai Ngowa'a Nau'u, unanga 'o sanga 'ahu kasingado-ngadolo i'a. Mada'a 'a guna ga'a 'o ngaku ua, unanga 'o sanga ua 'ahu kasingado-ngadolo i'a, mada'a ḏuanga i'a 'o sanga hukumu kasingado-ngadolo i'a.

Yohanes 5:24

Ni ngaku mode-mode'e 'Ari demo-demo nena-ne: 'A guna ga'a 'a totoho mode-mode'e 'Ari demo-demo gena-ge re 'o ngaku Unanga ga'a Ro 'utusu Ngoi, unanga gena-ge 'o sanga hukumu ua mada'a 'o sanga 'ahu kasingado-ngadolo i'a. Unanga gena-ge ro malage toma ngowa'a senge-sengene ma ngi'i re ro sanga 'ahu kasingado-ngadolo i'a.

Yohanes 6:40

Nena-ne 'Ari Ḇaḇa 'ai mau: ngowa'a mo-moini ga'a oḏi'i Ngoi, Manusia ma Ngowa'a Nau'u, re 'aḏi ngaku Ngoi, ananga gena-ge 'aḏi sanga 'ahu kasingado-ngadolo i'a, re toma Kiamata ma Wangere, Ngoi dadunu ta'u si'ahu moju ananga gena-ge.”

Yohanes 6:47

Ni ngaku mode-mode'e 'Ari demo-demo nena-ne: 'A guna ga'a ngaku Ngoi, unanga gena-ge ro sanga 'ahu kasingado-ngadolo i'a.

Roma 5:1

Sababu gena-ge, nange-ne ngene wo 'ahu dame ra Ma Jou'ongu Madutu sababu 'oru ga'a nanga Jou Yesus Kristus ra 'a'a di'a ngene. Gena-ge 'i dadi sababu ngene nanga ngo-ngaku ra Yesus Kristus, dadi ngene rewo dadi ngowa'a kamanga sala ua Tai momina.

Roma 8:1

Sababu gena-ge, ngowa'a ga'a manga 'ahu ri marimoi ra Kristus Yesus, ananga sanga hukumu riwara.

Roma 8:34

'A guna nga'unu 'o singe-ngeta'a hukumu ra ngene?! Tantu ḏua matengo i'a mai ua! Sababu Yesus Kristus masiretene ro sengene di'a tuusu ngene tananga ḏosa. Sidogo ḏi'i, Unanga dadunu 'o 'ahu moju toma ngowa'a senge-sengene manga sigolona re Ro tegoro ra Ma Jou'ongu Madutu 'ai giama ma kuwiḏa i'a. Re Unanga gena-ge masiretene nanga lese to golona.

'Ibrani 12:25

Sababu gena-ge, ngini balasu ni ma'istiari ino, awa ni dawongo ua Ma Jou'ongu Madutu 'ai demo. 'Ua re 'au wali, toma dungia ananga ga'a 'aḏi dawongo ua Musa 'ai demo ra Ma Jou'ongu Madutu tala, raḏi sanga hukumu. Tantu ḏua hukumu lebe ḏubuso na'o ngene ḏi'i wo dawongo ua Unanga 'ai demo, Unanga gena-ge ga'a 'o kanau toma soroga!

'Ibrani 2:3

Dadi na'o ngene wo gare 'akala re sinyingara ua tananga salamata gena-ge, tantu ḏua ngene wo wiḏi yoḏu'u toma sanga hukumu sababu salamata gena-ge lebe la-lamo'o reo Musa 'ai hukumu. Re ngowa'a ma siḏa ga'a siajele habari mangale salamata toma ngowa-ngowa'a, Unanga gena-ge Ma Jou Yesus masiretene! Ḏi'i ananga gena-ge ya isene ḏua Unanga 'ai habari Tai 'uḏu ma betu'u, ananga raḏi dadi sakisi re ya sijarita ḏua ra ngene. Dadi ngene rewa waro habari gena-ge 'i banari.

'Ibrani 3:19

Sababu gena-ge, ngene rewa waro mangale ananga gena-ge ga'a 'aḏi osama yoḏu'u toma daeraha ga'a Ma Jou'ongu Madutu 'o sitantukanga 'o pula'a ra ananga, sababu ananga 'aḏi ngaku ua Ma Jou'ongu Madutu.

1 Yohanes 3:23

Unanga 'ai parenta ra ngene so'o ne: Ngene balasu ngaku mangale Ma Jou'ongu Madutu 'ai Ngowa'a Nau'u, Unanga gena-ge Yesus Kristus, re ngene ḏi'i balasu wo ma'u dadalara matengo re matengo.

1 Yohanes 4:9

Ma Jou'ongu Madutu ro sijumu 'ai dadalara ra ngene so'o ne: Unanga gena-ge 'o 'utusu 'Ai Ngowa'a Nau'u pa'i matengo ḇato toma dungia nena-ne, la ngene nga'unu wo sanga 'ahu ra Unanga

1 Yohanes 5:10

Sababu gena-ge, 'a guna ḇato 'aḏi ngaku Ma Jou'ongu Madutu 'ai Ngowa'a Nau'u, ananga gena-ge raḏi waro tamanga 'akala re sinyingara ma dara mangale Ma Jou'ongu Madutu 'ai sakisi gena-ge 'i banari. Mada'a 'a guna ḇato 'aḏi ngaku ua Ma Jou'ongu Madutu 'ai sakisi, ananga gena-ge 'aḏi kanau Ma Jou'ongu Madutu ngowa'a sa-sakala; sababu ananga 'aḏi ngaku sakisi ua ga'a Ma Jou'ongu Madutu ro kanau mangale 'Ai Ngowa'a Nau'u.

1 Yohanes 5:12

Ngowa'a ga'a 'aḏi marimoi Rai Ngowa'a Nau'u, ananga gena-ge sanga 'ahu kasingado-ngadolo i'a re ngowa'a ga'a 'aḏi marimoi ua ra Unanga gena-ge, ananga gena-ge sanga 'ahu kasingado-ngadolo i'a ua.