Yohanes 3:13 - Jaji ma Su-sungi

¹³ Matengo i'a mai nyangu ro pere da'u toma soroga. Pa'i Ngoi, Manusia ma Ngowa'a Nau'u, ga'a reto 'uci ḏua toma dungia, To waro 'oru 'i dadi toma soroga.

Yohanes 3:13 Iomraidhean Croise

Matias 28:20

Re ni doto'o 'Ari me-mete'e gena-ge di'a 'aḏi 'ahu mete'e 'Ari parenta mo-moini ga'a Ngoi reta siajele pasala ḏua ra ngini. Re 'elingi nena-ne: Ngoi ḏuanga i'a tini sieanga i'a ua ngini, singadolo dungia nena-ne ma ḏo-ḏogumu.”

Matias 8:20

Yesus 'a sangoro ra unanga, “Serigala rema aḏu'u, re namo diwanga rema ngi'i, mada'a Ngoi, Manusia ma Ngowa'a Nau'u kari ngi'i ua di'a to masibatongo.”

Yohanes 1:18

Matengo i'a mai nyangu ro oḏi'i Ma Jou'ongu Madutu, mada'a pa'i 'Ai Ngowa'a Nau'u matengo, ga'a 'O marimoi rai Ḇaḇa. Unanga gena-ge ra sibaiti re Ra sitarangi mangale Ma Jou'ongu Madutu ra ngene.

Yohanes 13:3

Yesus ro waro mangale 'ai Ḇaḇa ro pula'a kuasa mo-moini ra Unanga. Unanga 'a waro ḏi'i mangale Unanga ro sapolo ra Ma Jou'ongu Madutu tala, re ḏuanga i'a 'o maḏibo ie ḏi'i ra Ma Jou'ongu Madutu.

Yohanes 17:5

Baba, nange-ne Ngoi to golo'o ra Baba nena-ne, No simulia Ngoi nena-ne, wakutu Ngoi dadunu to ḏibo ra Baba moju, ma tero Baba no simulia Ngoi wakutu dungia nena-ne 'i dadi nyangu.”

Yohanes 3:12

Ngini ni ngaku ua na'o Ngoi to sijarita ra ngini, mangale 'oru ga'a ri dadi toma dungia nena-ne. Dadi, na'o Ngoi to sijarita ra ngini mangale 'ori i'a ga'a 'i dadi toma soroga, tantu ḏua ngini ni ngaku ua ḏi'i!

Yohanes 3:31

Unanga ngowa'a matengo ga'a 'o sapolo da'u soroga tala, lebe la-lamo'o reo ngowa'a mo-moini. Mada'a matengo ga'a 'ai 'asala toma dungia nena-ne pa'i manusia ḇato, re 'o siajele dungia ma ngale-ngale. Mada'a ngowa'a matengo ga'a 'o sapolo da'u soroga tala lebe la-lamo'o reo ngowa'a mo-moini.

Yohanes 6:33

Sababu roti ga'a Ma Jou'ongu Madutu 'a pula'a, gena-ge Ngoi nena-ne, ga'a To 'uci da'u soroga tala re To pula'a 'ahu kasingado-ngadolo i'a toma manusia.”

Yohanes 6:38

Sababu Ngoi reto 'uci da'u soroga tala mete'e Ngoi 'ari mau masiretene ua, mada'a mete'e Unanga ga'a Ro 'utusu Ngoi, Unanga gena-ge 'ai mau.

Yohanes 6:42

Ananga 'aḏi kanau matengo re matengo, “Yesus nena-ne 'a Yusuf 'ai ngowa'a nau'u! Ngomi mi nana'o 'Ai ḇaḇa re 'Ai ngina. I'a sa'olo Unanga 'o kanau mangale Unanga 'uci da'u soroga tala!”

Yohanes 6:46

Matengo i'a mai ua 'o oḏi'i 'Ari Ḇaḇa, ḏuga-ḏuga pa'i Ngoi ga'a to sapolo da'u ra Ma Jou'ongu Madutu tala; pa'i Ngoi gena-ge ḇato to oḏi'i 'Ari Ḇaḇa.

Yohanes 6:51

Ngoi nena-ne roti 'ahu ga'a 'i 'uci da'u soroga tala. Na'o 'a guna ḇato oromo roti gena-ge, ḏuanga i'a 'o 'ahu kasingado-ngadolo i'a. Roti gena-ge 'Ari lese ga'a ḏuanga i'a ta sidoa'a, la manusia nyengara sanga 'ahu.”

Yohanes 6:62

Na'o so'o gena-ge, ḏuanga i'a enanga ma dadi sa'olo na'o ngini ni oḏi'i Manusia ma Ngowa'a Nau'u 'o pere maḏibo Tai ngi'i ma siḏa?!

Yohanes 8:42

Ḏua Yesus 'o kanau ra ananga, “Na'o mode-mode'e Ma Jou'ongu Madutu ngini ninga Ḇaḇa, ngini ni dadalara Ngoi, sababu Ngoi reto sapolo ra Ma Jou'ongu Madutu ino re nange-ne Ngoi 'ane. Ngoi reto sapolo mete'e Ngoi 'ari 'akala ma mau masiretene ua, mada'a Unanga ga'a Ro 'utusu Ngoi, Unanga gena-ge 'Ai 'akala ma mau.

Yesus 'ai so-soma'a 2:34

Daud masiretene 'o pere ua da'u toma soroga, mada'a unanga 'o kanau, ‘Ma Jou'ongu Madutu 'o kanau rari Ma Jou:

Yesus 'ai so-soma'a 20:28

Ngini balasu ni ma'istiari ninga 'ahu ma dara re ni sioḏi'i ngowa'a ngaku Yesus mo-moini ga'a Ma Ngagara 'Ofi-'Ofi 'i siwatasa re 'i sitede ngini ni dadi jama'ata ma bi-biri'i. Ngini balasu ni sioḏi'i ngowa-ngowa'a ngaku Yesus sa'olo sowohi 'o jaga 'ai doba sababu jama'ata-jama'ata gena-ge ananga 'aḏi dadi Ma Jou'ongu Madutu 'ai 'umata sababu Ma Jou 'ai se-sengene.

Roma 10:6

Mada'a mangale ngowa'a ga'a sababu manga ngo-ngaku raḏi dadi ngowa'a loasa re banari ra Ma Jou'ongu Madutu 'ai momina, gena-ge ḏi'i toma Boku 'Ofi-'Ofi 'i silefo so'o ne: “Awa no kanau tani 'akala re sinyingara ma dara, ‘ 'A guna ḏuanga i'a 'o pere da'u soroga?’ (ma ngale: 'A guna ḏuanga i'a 'o siguci Kristus?)

1 Korintus 15:47

Adam ma mulaingi sidadi reo tana'a. Mada'a Adam ma soi ḏiḏi, Kristus, unanga gena-ge 'ai 'asala toma soroga tala.

Efesus 1:23

Jama'ata gena-ge 'a Kristus 'ai lese. 'Ai jama'ata gena-ge, 'oru ḇato re ngi'i le'a ḇato, Unanga 'a sitomoto reo 'Ai 'ahu.