Yohanes 3:11 - Jaji ma Su-sungi

¹¹ No ngaku mode-mode'e 'Ari demo-demo nena-ne: Ngomi kanau pa'i mangale 'oru ga'a Ngomi ma waro, re mi pula'a sakisi pa'i mangale 'oru ga'a ngomi rema oḏi'i. Mada'a ngini ni dawongo ua ngomi minga sakisi.

Yohanes 3:11 Iomraidhean Croise

Matias 11:27

Ḏua Yesus 'o kanau, “ 'Ori i'a mo-moini, 'Ari Ḇaḇa ra sidoa'a ra Ngoi. Matengo i'a mai ua 'o nana'o Ngoi ḏuga-ḏuga pa'i 'Ari Ḇaḇa ḇato. Matengo i'a mai ua 'o nana'o 'ari Ḇaḇa ḏuga-ḏuga pa'i Ngoi, 'Ai Ngowa'a Nau'u, re ra guna ḇato ga'a Ngoi to sinana'o 'Ari Ḇaḇa.

Matias 23:37

“Yerusalem, Yerusalem! Ngini, ngowa'a Yerusalem ga'a 'aḏi sisengene nabi-nabi re ni poini reo maḏi Ma Jou'ongu Madutu 'ai 'utusana singadolo 'aḏi sengene! Soi muḏuo i'a ḏua, Ngoi mau tini saolo ngini ma tero sa'olo namo ma ngina ya worongo ma ngowa-ngowa toma kalatu'u ma 'aḏu, mada'a ngini ni oḏu'u!

Lukas 10:22

'Ori i'a mo-moini, 'Ari Ḇaḇa ra sidoa'a ra Ngoi. Matengo i'a mai ua 'o nana'o Ngoi ḏuga-ḏuga pa'i 'Ari Ḇaḇa ḇato. Matengo i'a mai ua 'o nana'o 'Ari Ḇaḇa ḏuga-ḏuga pa'i Ngoi re ra guna ḇato ga'a Ngoi to siajele mangale 'Ari Ḇaḇa.”

Yohanes 1:11

Kalaha Unanga 'O sapolo Tai ji'o re 'Ai gamu, 'Ai herapongo 'aḏi oḏu'u dawongo Unanga.

Yohanes 1:18

Matengo i'a mai nyangu ro oḏi'i Ma Jou'ongu Madutu, mada'a pa'i 'Ai Ngowa'a Nau'u matengo, ga'a 'O marimoi rai Ḇaḇa. Unanga gena-ge ra sibaiti re Ra sitarangi mangale Ma Jou'ongu Madutu ra ngene.

Yohanes 12:49

Sababu Ngoi to kanau mete'e 'Ari mau masiretene ua, mada'a 'Ari Ḇaḇa ga'a Ro 'utusu Ngoi, Unanga gena-ge ro soma'a 'oru ga'a balasu ta singadolo re ta sikanau ra ngini.

Yohanes 14:24

Unanga ga'a 'o dadalara Ngoi ua, unanga 'a mete'e ua 'Ari do-doto'o. Re Do-doto'o gena-ge pa'i ra Ngoi ḇato ua, mada'a Tari Ḇaḇa ga'a Ro 'utusu Ngoi.

Yohanes 3:12

Ngini ni ngaku ua na'o Ngoi to sijarita ra ngini, mangale 'oru ga'a ri dadi toma dungia nena-ne. Dadi, na'o Ngoi to sijarita ra ngini mangale 'ori i'a ga'a 'i dadi toma soroga, tantu ḏua ngini ni ngaku ua ḏi'i!

Yohanes 3:13

Matengo i'a mai nyangu ro pere da'u toma soroga. Pa'i Ngoi, Manusia ma Ngowa'a Nau'u, ga'a reto 'uci ḏua toma dungia, To waro 'oru 'i dadi toma soroga.

Yohanes 3:3

Yesus 'a sangoro, “No ngaku mode-mode'e 'Ari demo-demo nena-ne: Na'o ngowa'a matengo i'a dadunu sibuoro ua, unanga 'o osama nyo-nyoimi yoḏu'u ra Ma Jou'ongu Madutu 'ai Pareta.”

Yohanes 3:5

Yesus 'a sangoro: “No ngaku mode-mode'e 'Ari demo-demo nena-ne: Na'o matengo i'a mau 'o osama nyo-nyoimi ra Ma Jou'ongu Madutu 'ai Pareta, unanga gena-ge balasu dadunu sibuoro moju. Enanga gena-ge 'i dadi sababu Ma Ngagara 'Ofi-'Ofi ma kuasa re 'i sijumu wakutu ananga 'aḏi sanga baptis.

Yohanes 5:43

Ngoi to sapolo rari Ḇaḇa 'Ai kuasa, mada'a ngini ni dawongo Ngoi ua. Mada'a na'o ngowa'a lelegu 'aḏi sapolo remanga kuasa masiretene, ngini na'u dawongo ananga!

Yohanes 7:16

Yesus 'a sangoro, “Ngoi to doto'o 'Ari do-doto'o ua, mada'a do-doto'o ra Unanga ga'a Ro 'utusu Ngoi.

Yohanes 8:14

Yesus 'o sangoro, “Kalaha Ngoi to pula'a sakisi mangale 'Ari diri masiretene, enanga gena-ge 'i banari moju, sababu Ngoi ta waro le'a ino Ngoi to sapolo re le'a i'a Ngoi to tagi. Ngini waro ua le'a ino Ngoi to sapolo re le'a i'a Ngoi to tagi.

Yohanes 8:26

Ma repe moju 'ori i'a ga'a To mau Ta sikanau, la to sijuruhakimi ngini. Mada'a Ngoi to kanau ua Ngoi masiretene 'Ari demo, mada'a To kanau Unanga ga'a Ro 'utusu Ngoi, Unanga gena-ge 'Ai demo. Re Unanga 'ai demo 'i banari. Ngoi to siajele toma ngowa'a dungia nena-ne, 'oru ga'a Ngoi to 'isene ra Unanga ino.”

Yohanes 8:38

'Oru ga'a Ngoi ta oḏi'i Tari Ḇaḇa, gena-ge ta siajele ra ngini, mada'a ngini ni 'a'a 'oru ga'a ninga ḇaḇa nu doto'o.”

Yesus 'ai so-soma'a 22:18

Ngoi to sanga tingoḏi'i re to oḏi'i Ma Jou Yesus re Unanga 'o kanau ino ra ngoi, ‘Capati na sisoi'i tala limau Yerusalem, sababu ngowa-ngowa'a 'ane-ne ananga 'aḏi dawongo ua 'ani sakisi mangale Ngoi.’

2 Korintus 4:4

'Iblisi ga'a 'i kuasa dungia ya kuci ngowa'a manga fikirana singadolo ananga 'aḏi ngaku awa, re 'aḏi oḏi'i yoḏu'u Habari Roanga ma cahaya ga'a 'i waiti ra Kristus 'ai mulia. Unanga gena-ge ma tero Ma Jou'ongu Madutu 'ai gabara.

Tingoýi 1:5

Yesus Kristus gena-ge Sakisi ma cufala re Unanga ma mulaingi dadunu 'O 'ahu moju toma ngowa'a senge-sengene manga sigolona, ma tero sa'olo ngowa'a nau'u ma jomolo. Re Unanga 'o dadi 'Olana ma Sae'e toma 'olana-'olana mo-moini toma dungia nena-ne. Yesus gena-ge 'o dadalara ngene re Unanga 'o sengene, la ngene sanga bebasa tananga ḏosa-ḏosa.

Tingoýi 3:14

Yesus gena-ge 'o kanau ra ngoi ḏi'i, “Toma jama'ata Laodikia ma mala'ekata, na lefo so'o ne: Nena-ne habari ra Ngoi ga'a si'aro'o 'a 'Amin. Ngoi gena-ge Sakisi ma cufala ga'a Ta sijumu tau-taunu 'ori i'a ba-banari ra Ma Jou'ongu Madutu ino, re Ngoi Unanga 'Ai do-dadi ma cimi.