Yohanes 3:10 - Jaji ma Su-sungi

¹⁰ Yesus 'a sangoro, “Ngana nena-ne no dadi guru toma bangsa Israel, i'a sa'olo ngana na waro ua?!

Yohanes 3:10 Iomraidhean Croise

Matias 11:25

Toma 'orasa gena-ge Yesus 'o kanau, “Baba, Ma Jou'ongu Madutu 'o kuasa toma diwanga re dungia, Ngoi to puji re silamo'o 'Ani lomanga sababu mo-moini gena-ge Baba na gogono toma ngowa'a pahe re ngowa'a 'akala soro'unu, mada'a Baba na sijumu toma ngowa-ngowa'a ga'a manga de'oso re ḏegoro ma tero sa'olo ngowa 'olo.

Matias 15:14

Dadi awa ni kalesanga ngowa'a gena-ge, ananga gena-ge 'o bi-biri'i—bi-biri'i ga'a masihafu. Re na'o ngowa'a hafu matengo 'o tuda ngowa'a hafu, ma ḏo-ḏogumu tala ananga nga muḏiḏi 'aḏi masieta'a toma koti'i ma dara.”

Matias 22:29

Yesus 'a sangoro, “Ngini ni rapu masala, sababu ni sahe ua do-doto'o toma Boku 'Ofi-'Ofi ma dara. Re so'o gena-ge ḏi'i, ni sahe ua Ma Jou'ongu Madutu 'ai kuasa.

Lukas 2:46

Ananga 'aḏi disa ma di'ara wange ro'ange, kara 'aḏi sanga Unanga ra Ma Jou'ongu Madutu 'ai Wala ma soana. Unanga 'o tegoro 'O sigi-gisene re 'O sano toma guru-guru 'agama.

Lukas 5:17

Toma wangere rimoi wakutu Yesus 'o doto'o, 'age rema ngowa'a Farisi nga muḏuo i'a, re guru-guru 'agama 'aḏi tegoro 'isene. Ananga 'aḏi sapolo da'a limau Yerusalem ino, re limau-limau toma daeraha Galilea re Yudea ino. Kuasa ra Ma Jou'ongu Madutu 'i marimoi ra Yesus di'a 'O si-la ngowa'a siḏi.

Yohanes 3:9

Ḏua Nikodemus 'o sano, “Ma duhu sa'olo enanga gena-ge 'i dadi?”

Yesus 'ai so-soma'a 5:34

Mada'a, toma Mahkamah 'Agama 'age rema ngowa'a Farisi matengo 'ai lomanga 'a Gamaliel, unanga 'o dadi guru 'agama, re 'o sayanga ma jingi'i. Unanga 'o te'oso re 'o soma'a ngowa'a 'aḏi sisupu ceka'a ua Yesus 'ai so-soma'a.

Roma 2:28

Ngowa'a matengo 'o dadi ua ngowa'a Yahudi mode-mode'e ra Ma Jou'ongu Madutu 'ai momina sababu 'ori i'a ga'a ngowa'a nyengara ya oḏi'i so'o ne: bae ngowa'a lelegu ro suna unanga, bae unanga 'o mete'e Musa 'ai hukumu.

Filipi 3:3

Momongolo ua, ngene nena-ne ga'a sanga ḏua suna 'i banari ga'a rewo dadi mode-mode'e Ma Jou'ongu Madutu 'ai ngowa-ngowa'a sababu rewo ngaku Kristus Yesus. Ngene nena-ne ga'a Ma Ngagara 'Ofi-'Ofi na sinyanyasele wakutu wo silamo'o re siḏubuso Ma Jou'ongu Madutu. Re ḏi'i ngene sibere ie nanga murasa ma la sababu ngene nanga 'ahu marimoi ra Kristus Yesus. Ngene nena-ne ga'a wo sigare ua nanga ngo-nganono mete'e 'agama ma 'atoranga di'a sisalamata ngene.

Kolose 2:11

Sababu ngini ni marimoi ra Kristus, enanga 'i ma tero sa'olo ngini ni sanga suna. Suna gena-ge manusia ya 'a'a ua, mada'a Kristus 'a 'a'a taninga 'akala re sinyingara, wakutu Unanga 'o sibebasa ngini toma ḏosa ga'a 'i parenta ninga 'ahu.