Yohanes 21:7 - Jaji ma Su-sungi

⁷ Ḏua Yesus 'ai me-mete'e matengo ga'a Unanga 'o dadalara, 'o kanau ra Petrus, “Unanga gena-ge Ma Jou!” Wakutu Simon Petrus 'a 'isene, “Unanga gena-ge Ma Jou,” unanga jau-jau 'o pake 'ai juba 'a sipiri'u tai golona (sababu 'au nange unanga 'a woi'i 'ai baju) kara 'o masipoini toma ḇanyo.

Yohanes 21:7 Iomraidhean Croise

Markus 11:3

Na'o matengo i'a 'o sano ra ngini, ‘I'a sa'olo ngini na pasala keledai gena-ge?’ ni sangoro, ‘Ma Jou 'a paralu, re Unanga 'a ca-caiti siḏibo.’ ”

Lukas 12:35

Ni ma'istiari re ninga poci balasu ni silejanga tau-taunu re ni mapake ḏu-ḏuanga ḏua di'a ni de-de'oso

Lukas 2:11

Wangere nange-ne toma limau ga'a 'Olana Daud 'ai dola'a ututu ma ngi'i, sibuoro ḏua ninga Salamata ma Cimi, Unanga gena-ge 'O Kristus, Ma Jou.

Lukas 7:47

Sababu gena-ge, Ngoi to siajele ra ngini nena-ne: Mode-mode'e munanga masijumu 'ami dadalara lebe lamo'o i'a sababu Ngoi ta singi-ngiranga ḏua 'ami ḏosa-ḏosa. Na'o ngowa'a manga ḏosa pa'i ceka'a ua ya singi-ngiranga, unanga ḏuanga i'a 'ai dadalara pa'i ceka'a ua ḏi'i.”

Yohanes 13:23

Yesus 'ai me-mete'e matengo ga'a Unanga 'o dadalara madutu, 'o majoreke ra Yesus 'ai gumuḏu'u.

Yohanes 19:26

Wakutu Yesus 'o oḏi'i 'Ai ngina re 'Ai me-mete'e ga'a Unanga ya'u dadalara, ananga gena-ge 'aḏi made-de'oso toma ngi'i gena-ge, Unanga 'o kanau i'a Tai ngina, “Ngina, nena-ne 'ani ngowa'a nau'u.”

Yohanes 20:2

Dadi munanga mo maḏibo mo la-lalara mo disa 'a Simon Petrus re Yesus 'ai me-mete'e ga'a Unanga 'o dadalara. Maria mo kanau ra ananga, “Ngowa'a raḏi 'oro Ma Jou 'ai mayeti toma kubu ma aḏu'u re ngomi ma waro ua ananga 'U gare le'a.”

Yohanes 20:20

Unanga 'o kanau so'o gena togumu i'a, 'A sijumu ra ananga 'Ai giama re 'Ai gagoro ma nyaboto. Wakutu ananga ya oḏi'i 'Ai nyaboto, ananga 'aḏi waro Unanga mode-mode'e Ma Jou, re ananga 'aḏi maroanga masala.

Yohanes 20:28

Tomas 'o kanau i'a ra Yesus, “ 'Ari Jou re 'Ari Jou'ongu Madutu!”

Yohanes 21:20

Petrus 'o magelelo tai ḏuḏunu, unanga 'o oḏi'i Yesus 'ai me-mete'e ga'a 'o dadalara 'o tagi tuu'u ra ananga. (Wakutu ananga 'aḏi oromo Paskah, unanga gena-ge ro majoreke ra Yesus 'ai gumuḏu'u re 'o sano ra Unanga, “Ma Jou, 'a guna ga'a sipula'a Ma Jou Tani lawana?”)

Yohanes 21:24

Unanga me-mete'e ga'a 'o pula'a sakisi mangale 'ori i'a mo-moini gena-ge ga'a unanga ra lefo toma boku nena-ne ma dara. Re ngene wa waro 'ai sakisi gena-ge 'i banari.

Yohanes 21:8

Yesus 'ai me-mete'e ma lelegu ananga 'aḏi amono sisa talaga ma 'uḏu 'aḏi siduu'u 'a Petrus re ya taba'a manga j̱ala 'i romanga reo nyao'o. Ananga 'aḏi kiḏanga ua toma talaga ma 'uḏu ma giḏanga ḏa metere latu moi.

Yesus 'ai so-soma'a 10:36

Ioronongoḏu ngowa'a Yahudi, ngini ni waro ḏua mangale Ma Jou'ongu Madutu 'ai habari 'i singadolo toma bangsa Israel. Habari Roanga gena-ge mangale ma duhu sa'olo ngowa-ngowa'a nyengara sanga dame ra Ma Jou'ongu Madutu tala sababu Yesus Kristus ga'a 'Ai kuasa toma ngowa'a mo-moini: bae ngowa'a Yahudi bae ngowa'a Yahudi ua.

Yesus 'ai so-soma'a 2:36

Petrus dadunu 'o kanau moju, “Sababu gena-ge, ngowa-ngowa'a Yahudi, ngini re ngowa'a Israel ma lelegu mo-moini balasu na waro mode-mode'e mangale Yesus ga'a ngini nu salib, Unanga gena-ge Ma Jou'ongu Madutu 'o sidadi nanga Jou re 'O Kristus.”

1 Korintus 15:47

Adam ma mulaingi sidadi reo tana'a. Mada'a Adam ma soi ḏiḏi, Kristus, unanga gena-ge 'ai 'asala toma soroga tala.

2 Korintus 5:14

Ngomi mi 'a'a so'o gena-ge sababu Kristus 'ai dadalara 'i sinyanyasele minga 'akala re sinyingara. Sababu ngomi mi ngaku mode-mode'e ga'a ngowa'a matengo 'O sengene di'a ngowa'a mo-moini. Sababu gena-ge, ma tero sa'olo ngowa'a mo-moini raḏi sengene.

Yakobus 2:1

'Ari ioronongoḏu ngo-ngaku rimoi, sababu ngini rini ngaku ra Yesus Kristus nanga Jou, Unanga ga'a tegoro toma mulia ma pari cua, awa ngini na'u siwola-wola ngowa-ngowa'a mete'e pa'i manga rupa re jamani, la awa ni pa'ala kaci moi