Yohanes 21:5 - Jaji ma Su-sungi

⁵ Yesus 'o sano i'a ra ananga, “ 'Ari ḏagilomu, ngini ni kate bolo moa?” Ananga ya sangoro, “Moa!”

Yohanes 21:5 Iomraidhean Croise

Matias 14:15

Ma 'orasa wangere so'o ne'o ḏua, Yesus 'ai me-mete'e 'aḏi sapolo ra Unanga re 'aḏi kanau, “Sa'i ri lobi'i re ngi'i ne 'i tiwongo i'a. Jobilaha Jou no soma'a ngowa'a repe nena-ne 'aḏi maḏibo, la 'aḏi tibo manga ngo-ngoromo toma gamu ga'a co-cori ngi'i nena-ne.”

Markus 8:7

Ananga remanga nyao'o ngai muḏuo i'a mada'a i'a 'alusu. Yesus 'o sibere ie murasa ma la ra Ma Jou'ongu Madutu ḏi'i, kara 'O soma'a 'Ai me-mete'e ya sibalangu nyao'o gena-ge ra ananga mo-moini.

Filipi 4:19

Re 'ari Jou'ongu Madutu, Unanga ga'a kai kuranga 'oru ua. Unanga gena-ge ḏuanga i'a 'o pula'a 'oru ḇato ga'a ngini ni paralu sababu ni marimoi ra Kristus Yesus.

'Ibrani 13:5

Awa ngini ni dadi pipisi ma budaka. Siḏibo ḏi'i, ngini balasu basono sanangi reo 'oru ga'a 'age ra ngini ḏua. Sababu Ma Jou'ongu Madutu ro kanau so'o ne: “Ngoi to sieanga i'a ngana ua, Ngoi to sisoi'i tala ngana ua.”

1 Yohanes 2:13

Ngoi to lefo surata nena-ne ra ngini ga'a ninga ngo-ngaku ma tero sa'olo ḇaḇa-ḇaḇa, sababu ngini reni nana'o Unanga ga'a 'ua re 'au wali moju, rema enanga ḏua wakutu dungia 'i sidadi nyangu. Ngoi to lefo surata nena-ne ra ngini ga'a ninga ngo-ngaku ma tero sa'olo ngowa-ngowa'a tubaie, sababu ninga ngo-ngaku kama elala ua toma 'Iblisi ma bo-baja.

1 Yohanes 2:18

'Ari ngowa-ngowa'a, Kiamata ma Wangere sa'i ri co-cori! 'Au wali, siajele pasala ḏua ra ngini mangale unanga ga'a lawana Kristus, Kristus Sa-sakala ḏuanga i'a 'o sapolo. Nange-ne ḏi'i, ri waiti ngowa'a manga repe ga'a 'aḏi lawana Kristus. Gena-ge 'i dadi sa'olo didina'o rimoi mangale Kiamata ma Wangere ri co-cori.