Yohanes 21:2 - Jaji ma Su-sungi

² Toma 'orasa gena-ge, Simon Petrus, Tomas (ga'a si'aro'o Ngowa'a Sa-salanga), Natanael toma limau Kana ino daeraha Galilea, 'a Zebedeus 'ai ngowa'a nau'u nga muḏiḏi re Yesus 'ai me-mete'e ma lelegu nga muḏiḏi, ananga mo-moini gena-ge 'aḏi malomu.

Yohanes 21:2 Iomraidhean Croise

Matias 10:3

Ḏua 'a Filipus re 'a Bartolomeus; 'a Tomas re 'a Matius golo-golo'o balastengi; 'a Yakobus Alfeus 'ai ngowa'a nau'u, re 'a Tadeus.

Markus 1:19

Wakutu Yesus 'a dowanga 'Ai ḏo-ḏagi, Unanga 'o oḏi'i 'a Zebedeus 'ai ngowa'a nga muḏiḏi. Manga lomanga, 'a Yakobus re 'a Yohanes, ananga gena-ge gia nongoḏu. Ananga 'aḏi sidiai manga j̱ala toma oti ma dara.

Lukas 5:10

So'o gena ḏi'i 'a Yakobus, re 'a Yohanes, ananga gena-ge Zebedeus 'ai ngowa'a ga'a ma oti rimoi ra Simon. Yesus 'o kanau ra Simon, “Mojongo awa! Mulaingi nange-ne Ngoi to doto'o ngana di'a no disa ngowa'a, la 'aḏi mete'e Ngoi ma tero sa'olo nange-ge ngana no j̱ala nyao'o.”

Yohanes 1:45

Filipus 'o tagi 'o ma'u sanga ra Natanael re 'o kanau, “Ngomi remi ma'u sanga 'O Kristus ga'a silefo ḏua ra Musa 'ai hukumu, re nabi-nabi manga boku: Unanga gena-ge 'a Yesus toma limau Nazaret, 'a Yusuf 'ai ngowa'a nau'u!”

Yohanes 11:16

Ḏua 'a Tomas, ga'a ngowa'a 'o si'aro'o unanga 'ngowa'a sasalanga, 'o kanau Tai ḏagilomu-ḏagilomu Yesus 'ai me-mete'e, “Ino, ngene wo mete'e Yesus dadi ngene wo sengene mamete'e ra Unanga.”

Yohanes 2:1

Toma wangere ma soi ro'ange toma limau Kana daeraha Galilea, 'age rema laya molo'ara. Toma laya gena-ge, Yesus 'ai ngina 'age ḏi'i.

Yohanes 2:11

Gena-ge Yesus 'ai didina'o heranga ma mulaingi re 'O 'a'a toma limau Kana, daeraha Galilea. Tai didina'o heranga gena-ge Unanga 'a sijumu 'Ai kuasa, dadi Unanga 'ai me-mete'e ananga 'aḏi ngaku Unanga.

Yohanes 20:28

Tomas 'o kanau i'a ra Yesus, “ 'Ari Jou re 'Ari Jou'ongu Madutu!”

Yohanes 4:46

Gena ḏua, Yesus dadunu 'o maḏibo toma limau Kana, daeraha Galilea, ngi'i ga'a Unanga ro si'a'a ḇanyo 'i dadi 'anggur. 'Age toma limau Kapernaum pegawe kadato matengo 'ai ngowa'a nau'u siḏi lai siḏi.