Yohanes 21:1 - Jaji ma Su-sungi

¹ Togumu i'a, Yesus 'o masijumu soi moi moju Tai me-mete'e toma talaga Tiberias.

Yohanes 21:1 Iomraidhean Croise

Matias 26:32

Mada'a wakutu Ngoi dadunu To 'ahu moju, Ngoi to tagi siḏa toma daeraha Galilea.”

Matias 28:16

Yesus 'ai me-mete'e nga nyagi moi re matengo, ananga 'aḏi tagi toma Galilea ma polono rimoi, mete'e Yesus ro siajele ra ananga.

Matias 28:7

kara ni tagi ca-cautu ni siajele ra Unanga 'ai me-mete'e: ‘Unanga dadunu ro 'ahu moju re nange-ne Unanga ro tagi siḏa i'a da'a toma Galilea. I'a da'a kara ngini ni oḏi'i Unanga!’ 'Elingi 'ari habari gena-ge 'oru ga'a ngoi to kanau ra ngini nange-ne.”

Markus 16:12

Gena-ge togumu i'a, Yesus 'o masibaiti Tai me-mete'e nga muḏiḏi re 'O matuhu sa'olo ngowa'a lelegu. Gena-ge 'i dadi wakutu ananga 'aḏi tagi toma gamu rimoi.

Markus 16:14

Siḏo-ḏogumu, Yesus 'o masibaiti Tai me-mete'e ngowa'a nga nyagi moi re matengo. Toma 'orasa gena-ge, ananga 'aḏi oromo. Unanga 'o ḇangata ananga, sababu manga 'akala re sinyingara lai te'e singadolo ananga ngaku ua ngowa'a 'aḏi oḏi'i Yesus dadunu 'o 'ahu moju.

Markus 16:7

Ngini ni tagi ni singadolo habari nena-ne ra Unanga 'ai me-mete'e sidogo ra Petrus ḏi'i, ni siajele, ‘Unanga ro siḏa da'a toma daeraha Galilea. I'a da'a, ngini ni oḏi'i Unanga ma tero sa'olo Unanga ro siajele ḏua ra ngini nga'ene.’ ”

Yohanes 21:14

Dadi Yesus 'o masijumu ma soi ro'ange Unanga dadunu ro 'ahu moju toma ngowa'a senge-sengene manga sigolona.

Yohanes 6:1

Gena-ge pasala i'a, Yesus 'a dowanga 'ai ḏo-ḏagi da'a talaga Galilea kaci moi ga'a ngowa'a ya silomanga talaga Tiberias.

Yohanes 6:23

Ḏua ngowa-ngowa'a toma limau Tiberias da'a kaci moi 'aḏi sapolo remanga oti 'ane, co-cori ngi'i ga'a Ma Jou ro sibere ie murasa ma la ra Ma Jou'ongu Madutu, kara 'o sibalangu roti re nyao'o toma ngowa'a repe di'a 'aḏi oromo.

Yesus 'ai so-soma'a 1:3

Unanga 'o sanga sangisara re 'o sengene pasala i'a, Unanga 'o masijumu re pula'a nana'o ma repe Tai so-soma'a ma di'ara wangere nyagi rata ma dara, la ananga ya waro Unanga mode-mode'e dadunu 'o 'ahu moju. Re Unanga 'o siajele Tai so-soma'a mangale Ma Jou'ongu Madutu 'ai Pareta ḏi'i.