Yohanes 20:9 - Jaji ma Su-sungi

⁹ Kalaha toma Boku 'Ofi-'Ofi 'i silefo ḏua mangale Unanga dadunu 'o 'ahu moju, singadolo 'orasa gena-ge ananga ya sahe ua moju, Yesus balasu dadunu 'o 'ahu moju toma ngowa'a senge-sengene manga sigolona.

Yohanes 20:9 Iomraidhean Croise

Matias 22:29

Yesus 'a sangoro, “Ngini ni rapu masala, sababu ni sahe ua do-doto'o toma Boku 'Ofi-'Ofi ma dara. Re so'o gena-ge ḏi'i, ni sahe ua Ma Jou'ongu Madutu 'ai kuasa.

Lukas 24:26

Tantu ḏua, 'O Kristus balasu 'a basono ma sangisara kara nga'unu 'o osama Tai mulia.”

Lukas 9:45

Mada'a Yesus 'ai me-mete'e ya sahe ua ma ngale Yesus 'ai demo-demo gena-ge. Demo-demo gena-ge 'i sigogono ra ananga, la ananga ya sahe awa. Mada'a ananga 'aḏi mojongo dadi ya sano ua ra Unanga.

Yohanes 2:22

Ḏuanga i'a wakutu Ma Jou'ongu Madutu dadunu ro si'ahu Yesus moju, pasala i'a 'Ai me-mete'e ananga ya si'elingi ie Unanga 'ai demo-demo gena-ge. Sababu gena-ge, ananga 'aḏi ngaku 'oru ga'a 'i silefo toma Boku 'Ofi-'Ofi ma dara re 'oru ga'a Unanga ro siajele ra ananga.

Yesus 'ai so-soma'a 17:3

Paulus 'o sitarangi re 'o pula'a bukiti toma Boku 'Ofi-'Ofi mangale 'O Kristus balasu 'o basono sangisara re Unanga dadunu 'o 'ahu moju da'a toma ngowa'a senge-sengene manga sigolona. Re Paulus 'o kanau, “Ngoi to siajele ra ngini mangale Yesus, Unanga gena-ge 'O Kristus ga'a Ma Jou'ongu Madutu 'U sijaji pasala ḏua.”

Yesus 'ai so-soma'a 2:24

Mada'a, Ma Jou'ongu Madutu dadunu 'o si'ahu moju Yesus toma ngowa'a senge-sengene manga sigolona. Mete'e Ma Jou'ongu Madutu 'ai 'akala ma mau, Yesus balasu 'o basono sangisara singadolo 'O sengene, mada'a mete'e Ma Jou'ongu Madutu 'ai 'akala ma mau ḏi'i, sanga ua Unanga 'o sieanga i'a Yesus 'o sengene sikiḏanga.

1 Korintus 15:4

Unanga 'u siotomo mada'a pasala i'a toma wangere ma soi ro'ange dadunu 'O 'ahu moju. Gena-ge ḏi'i 'i silefo pasala ḏua toma Boku 'Ofi-'Ofi.