Yohanes 20:1 - Jaji ma Su-sungi

¹ Toma migu ma wangere cori wangere i'a, ngo Maria Magdalena mo tagi toma kubu ma aḏu'u. Munanga mo oḏi'i maḏi kubu ma da-damunu enanga ri lage.

Yohanes 20:1 Iomraidhean Croise

Matias 27:56

Tamanga sigolona, 'age ngo Maria Magdalena, Maria 'a Yakobus re 'a Yusuf manga ngina, re Zebedeus 'ai were'a.

Matias 27:60

kara 'a sigare Yesus 'ai mayeti gena-ge ra Yusuf masiretene 'ai kubu ma su-sungi ma 'aḏu'u. Kubu gena-ge ga'a ngowa'a 'aḏi tuso'o maḏi toma bawata ma gagoro. Togumu i'a, unanga lulu maḏi lamo'o rimoi di'a 'a sidaku kubu ma ngalana, kara 'o tagi sisoi'i tala ngi'i gena-ge.

Matias 27:64

Sababu gena-ge, no soma'a sordado 'aḏi tagi di'a dadanu kubu gena-ge singadolo wangere ro'ange, la awa 'Ai me-mete'e ya tori'i 'Ai mayeti. Ḏua ananga gena-ge 'aḏi siajele toma ngowa-ngowa'a, ‘Unanga dadunu ro 'ahu moju toma ngowa'a senge-sengene manga sigolona.’ Dadi 'Ai sa-sakala ma ḏo-ḏogumu gena-ge lebe cira reo 'Ai sa-sakala ma siḏa.”

Matias 27:66

Ḏua ananga mamete'e reo sordado gena-ge, ananga 'aḏi tagi toma kubu. Re ananga ya segele kubu ma da-damunu maḏi re 'aḏi soma'a sordado di'a dadanu kubu ma biono gena-ge, la ngowa'a ya 'oro Yesus 'ai mayeti yoḏu'u.

Matias 28:1

Sabata ma wangere palisi i'a migu ma wangere da-daini i'a moju, ngo Maria Magdalena re ngo Maria ma lelegu 'aḏi tagi ya oḏi'i kubu gena-ge.

Matias 28:2

Kage-kage 'i dadi wusu lai siḏi madutu re Ma Jou'ongu Madutu 'ai mala'ekata 'o 'uci da'u soroga tala. Ḏua unanga 'o tagi 'a lulu maḏi 'o kubu ma da-damunu, re 'o tegoro toma re'u.

Markus 15:46

Ḏua, Yusuf 'o tibo ḇa'a lenan kara 'u siguci Yesus 'ai maiyeti re 'U sisao rema ḇa'a gena-ge. Gena ḏua, unanga 'U singosama maiyeti gena-ge toma kubu ma aḏu'u. [Nyangu moju ananga 'aḏi tuso'o maḏi toma bawata ma gagoro.] Togumu i'a, unanga 'o lulu maḏi rimoi 'a sidaku.

Markus 16:9

Yesus dadunu 'o 'ahu pasala i'a, toma migu ma wangere, da-daini i'a moju, Unanga 'o masibaiti siḏa-siḏa ra ngo Maria Magdalena. Munanga gena-ge, Yesus 'o dusu'u roh ma jira tumudingi.

Yohanes 11:38

Sababu gena-ge, Yesus 'ai ruta 'i momoto moju, Unanga re ananga mo-moini 'aḏi tagi toma kubu ma aḏu'u ga'a ananga 'o sigare 'a Lazarus 'ai mayeti. Kubu ma aḏu'u gena-ge sidamunu reo maḏi lamo'o.

Yohanes 11:41

Dadi ananga ya silage ma maḏi kubu ma da-damunu. Gena ḏua, Yesus 'o talaḏi ie diwanga re 'O kanau: “Murasa ma la Baba, sababu Baba rena dawongo ḏua 'Ari go-golo'o.

Yohanes 19:25

Co-cori Yesus 'ai salib, 'age rema we-were'a nga muḏuo i'a 'aḏi made-de'oso: Yesus 'ai ngina, re 'Ai ngina 'ami nongoḏu, Maria 'a Klopas 'ai were'a, re ngo Maria Magdalena.

Yohanes 20:26

Toma migu soi moi palisi i'a, Yesus 'ai me-mete'e ananga dadunu 'aḏi malomu toma wala gena-ge ḏi'i. Toma 'orasa gena-ge, 'age 'a Tomas ḏi'i. Kalaha wala ma ngalana mo-moini ya kuci, kage-kage Yesus 'o sapolo re 'O made-de'oso tamanga sigolona re 'O kanau, “Dame ra ngini!”

Yesus 'ai so-soma'a 20:7

Wangere ma mulaingi toma migu gena-ge, wakutu ngomi mi malomu di'a sibalangu roti, Paulus 'o maja-jarita ra ananga singadolo utu golona sababu ma ḇiḇini ino ro tagi.

1 Korintus 16:2

Migu ma wangere ma jelele i'a ioronongoḏu ngo-ngaku rimoi balasu na wola i'a ninga pipisi mete'e 'oru ga'a ngini na sanga. Pipisi gena-ge na gogono, la wakutu to sapolo ra ngini pipisi gena-ge 'i lomu ḏua.

Tingoýi 1:10

Toma wangere gena-ge, Ma Jou 'ai Wangere, ngoi Ma Ngagara 'Ofi-'Ofi ri ḏegoro singadolo to 'isene iḏingi lai siḏi tari ḏuḏunu ma tero sa'olo ngowa'a 'aḏi wusu terompet.