Yohanes 2:6 - Jaji ma Su-sungi

⁶ Toma ngi'i gena-ge 'age tampayanga maḏi rarama, ga'a rimoi re rimoi nyengara sigonyo'o ḇanyo ḏa litere latu moi. Ḇanyo gena-ge ya sidodahe di'a ya sisoso'o manga giama re rou, mete'e Yahudi manga 'atoranga, la Ma Jou'ongu Madutu ya'u dawongo ananga.

Yohanes 2:6 Iomraidhean Croise

Lukas 16:6

Ngowa'a gena-ge 'a sangoro, ‘Goroho zaitun tampayanga latu moi.’ Falalomu ma sae'e 'o kanau, ‘Ne 'ani banyatoro ma surata, tegoro re capati na lefo tampayanga nyagi romotoa.’

Yohanes 2:7

Yesus 'o kanau toma falalomu-falalomu gena-ge, “Tampayanga-tampayanga na sigare ḇanyo.” Ḏua ananga ya sigare ḇanyo singadolo roma-romanga.

Yohanes 3:25

'A Yohanes 'ai me-mete'e nga muḏuo i'a 'aḏi ma'u tolabe reo ngowa'a Yahudi mangale sigofi mete'e 'agama ma 'atoranga, la 'aḏi najis ua.

Efesus 5:26

Kristus 'o 'a'a so'o gena, la Unanga 'a sidadi ngene 'Ai 'umata. Unanga gena-ge ro si'ofi 'Ai jama'ata reo 'Ai do-doto'o re ḇanyo na'o wo sanga baptis.

'Ibrani 10:22

Sababu gena-ge ino ngene wo maco-cori ra Ma Jou'ongu Madutu renanga 'akala re sinyingara ma dara bo-boloto re nanga ngo-ngaku mode-mode'e. Gena-ge 'i nyengara sababu nanga 'akala re sinyingara ri si'ofi Rai ngaunu dadi ngene wo basono nanga sala riwara re nanga lese mai ri sigofi reo ḇanyo na'o wo sanga baptis.

'Ibrani 6:2

bae wo madoto'o mangale baptis, bae wo madoto'o mangale jama'ata ma bi-biri'i 'aḏi siteru manga giama toma ngowa'a manga sae'e, bae madoto'o mangale Ma Jou'ongu Madutu dadunu 'o si'ahu ngowa-ngowa'a sengene re Unanga 'o pula'a hukumu kasingado-ngadolo i'a.

'Ibrani 9:10

Sababu 'atoranga-'atoranga gena-ge pa'i mangale ngo-ngoromo re ka'e re ḏi'i ma duhu sa'olo ngowa'a nyengara 'aḏi sigofi manga lese masiretene ḇato. Mo-moini gena-ge enanga 'i si'a'a singadolo Ma Jou'ongu Madutu 'ai jaji ma su-sungi 'i ngadolo.

'Ibrani 9:19

Dadi wakutu 'a Musa 'o singadolo Ma Jou'ongu Madutu 'ai parenta mo-moini toma bangsa Israel togumu i'a unanga 'o 'oro sapi ma ngowa ma ngaunu re 'abingi ma nau'u ma ngaunu, kara 'a sicapuru reo ḇanyo. Togumu gena-ge, unanga 'o 'oro rurubu-rurubu hisop ga'a 'i piri'u reo doba ma gogo ko-kolili, kara 'a tono toma ngaunu gena-ge ga'a ra capuru reo ḇanyo, kara 'a siji-jiri toma ngowa'a Israel re ḏi'i kartasi lo-lolo ga'a ri silefo hukumu ra Ma Jou'ongu Madutu tala.