Yohanes 2:18 - Jaji ma Su-sungi

¹⁸ Mada'a Yahudi manga bi-biri'i 'aḏi tuntutu ra Unanga 'aḏi kanau, “Sijumu ga'a hera-heranga rimoi ra ngomi, la ngomi ma waro mangale Ngana rani kuasa di'a no 'a'a mo-moini gena-ge.”

Yohanes 2:18 Iomraidhean Croise

Matias 21:23

Gena ḏua, Yesus dadunu 'o maḏibo re 'o osama ra Ma Jou'ongu Madutu 'ai Wala ma soana, di'a 'O doto'o. Wakutu Unanga 'o doto'o ngowa'a moju, 'imam-'imam ma sae'e re Yahudi manga bi-biri'i 'aḏi sapolo ra Unanga re 'aḏi sano, “No sanga 'Ani kuasa le'a ino, singadolo Ngana no 'a'a mo-moini gena-ge? Re 'a guna 'o pula'a kuasa ra Ngana?”

Markus 8:11

Ngowa'a Farisi nga muḏuo i'a mau 'aḏi disa Yesus 'ai sala. Sababu gena-ge 'aḏi sapolo ra Yesus re 'aḏi sano Unanga. Ananga 'aḏi golo'o Yesus 'o 'a'a didina'o da'u diwanga tala, la ananga ya waro Unanga gena-ge mode-mode'e 'o sapolo da'u ra Ma Jou'ongu Madutu tala.

Lukas 11:29

Wakutu ngowa'a repe 'aḏi sigoloḏi Yesus, Unanga 'o kanau, “Ngowa-ngowa'a 'orasa nange-ne, ngowa'a ma jira. Ngini ni golo'o Ngoi to 'a'a didina'o heranga mada'a rimoi i'a mai ua To pula'a ra ngini, pa'i ḏuga-ḏuga ga'a 'age ra ngini ḏua gena-ge didina'o heranga mangale nabi Yunus.

Yohanes 1:19

Yohanes 'o pula'a sakisi mangale unanga masiretene so'o ne: Toma wangere rimoi, Yahudi manga bi-biri'i toma limau Yerusalem 'aḏi soma'a 'imam-'imam re ngowa'a Lewi mamuni'a 'aḏi tagi ra Yohanes. Ananga gena-ge 'aḏi sano ra unanga: “Ngana ne 'a guna?”

Yohanes 1:25

'aḏi sano, “Ngana 'O Kristus ua, 'a Elia ua, bolo 'o nabi ga'a sijaji pasala ḏua mai ua, dadi i'a sa'olo ngana no baptis ngowa'a?”

Yohanes 6:30

Dadi ananga 'aḏi kanau, “Na'o so'o gena, no 'a'a ga'a hera-heranga, la ngomi ma oḏi'i re mi ngaku Ma Jou'ongu Madutu 'o 'utusu Ngana.

Yesus 'ai so-soma'a 4:7

Ananga 'aḏi gasa 'a Petrus re 'a Yohanes sitalaḏi toma Mahkamah 'Agama. I'a da'a ananga 'aḏi sano, “Ma duhu sa'olo ngini ni si-la ngowa ḇolo gena-ge? Ni sipake 'oru bolo 'a guna 'ai kuasa singadolo ngini ni si-la unanga gena-ge?”

Yesus 'ai so-soma'a 5:28

Unanga 'o kanau, “Ngomi simaha ua, awa ngini ni doto'o ngowa-ngowa'a ra Yesus 'ai do-doto'o. Tai'i ngini ni oḏi'i nange-ne 'oru 'i dadi: Ninga do-doto'o toma limau Yerusalem sitabi donga re ni sikalaki ngomi mangale ngowa'a gena-ge ga'a ro sengene, ma sababu ngomi!”