Yohanes 2:11 - Jaji ma Su-sungi

¹¹ Gena-ge Yesus 'ai didina'o heranga ma mulaingi re 'O 'a'a toma limau Kana, daeraha Galilea. Tai didina'o heranga gena-ge Unanga 'a sijumu 'Ai kuasa, dadi Unanga 'ai me-mete'e ananga 'aḏi ngaku Unanga.

Yohanes 2:11 Iomraidhean Croise

Yohanes 1:14

'Idini gena-ge ri dadi manusia, re Unanga 'o tegoro tananga sigolona re wa oḏi'i ḏua 'Ai kabasarana. Kabasarana gena-ge ma 'asala ra Ma Jou'ongu Madutu sababu Unanga 'Ai Ngowa'a Nau'u pa'i matengo. Sababu Unanga, ngene wa basono tala Ma Jou'ongu Madutu 'ai mura re dadalara masala ra ngene, re Unanga 'o sijumu ma ba-banari mangale Ma Jou'ongu Madutu ra ngene.

Yohanes 1:17

Sababu Ma Jou'ongu Madutu 'ai hukumu, gena-ge ma barakati siḏa ga'a ngene wa dawongo ra Musa. Mada'a Ma Jou'ongu Madutu 'ai ba-banari re 'Ai mura re dadalara, gena-ge ma barakati su-sungi ga'a ngene wa basono tala sababu Yesus Kristus.

Yohanes 1:43

Ma ḇiḇini ino, Yesus 'a putusu 'o tagi toma daeraha Galilea. Wakutu Unanga 'o tagi nyangu, unanga 'o ma'u sanga ra Filipus re 'o kanau, “Ino mete'e Ngoi.”

Yohanes 1:50

Yesus 'o kanau, “Ngana no ngaku pa'i sababu Ngoi to kanau Ngoi reto oḏi'i ngana toma ate 'ara ma 'aḏu ḇato?! 'Ori i'a lebe la-lamo'o i'a reo gena-ge, ḏuanga i'a ngana na oḏi'i!”

Yohanes 10:41

re ngowa'a manga repe 'aḏi sapolo ra Unanga re 'aḏi kanau, “Kalaha Yohanes kai ga'a hera-heranga ua, mada'a mo-moini ga'a unanga 'o kanau mangale Yesus nena-ne 'i banari.”

Yohanes 11:15

Ngoi to sanangi sababu ngoi to cua da'a ra Lazarus. Sababu 'oru ga'a 'i dadi donga rimoi di'a ngini ni ngaku Ngoi. Ino ngene wo tagi wo si'a da'a ra Lazarus.”

Yohanes 11:47

Sababu gena-ge ngowa-ngowa'a Farisi, 'imam-'imam ma sae'e re 'agama ma bi-biri'i lelegu ga'a osama nyo-nyoimi toma Mahkamah 'Agama, ananga 'aḏi malomu re 'aḏi ma'u sano, “Ngene balasu wo 'a'a sa'olo toma Unanga gena-ge? Unanga ro 'a'a ga'a hera-heranga ma repe.

Yohanes 12:18

Sababu gena-ge, ngowa'a manga repe matai tagi ma'u sanga ra Yesus, sababu ananga ya 'isene Yesus 'a 'a'a ga'a hera-heranga gena-ge.

Yohanes 12:37

Kalaha Yesus 'o 'a'a ga'a hera-heranga lai repe tamanga sigolona, ananga 'U ngaku ua moju.

Yohanes 12:41

Yesaya 'o kanau so'o gena-ge sababu unanga ro oḏi'i Yesus 'ai kuasa, dadi 'o kanau mangale Unanga.

Yohanes 14:13

Re 'oru ḇato ga'a ngini golo'o ra Ngoi ni pake 'Ari lomanga, Ngoi ta si'a'a di'a ngini, la Ngoi to sigasa puji re silamo'o Tari Ḇaḇa.

Yohanes 16:27

sababu 'Ari Ḇaḇa masiretene 'o dadalara ngini. Unanga 'o dadalara ngini sababu ngini ni dadalara Ngoi, re ni ngaku mangale Ngoi to sapolo da'u Tari Ḇaḇa tala.

Yohanes 16:30

Nange-ne ngomi ma waro, Jou na waro mo-moini. Dadi paralu ua di'a matengo i'a mai ua 'o sano ra Jou mangale 'oru ḇato, sababu Jou reno waro 'oru ḇato ga'a ngomi mau mi sano. Sababu gena-ge, ngomi ngaku Jou reno sapolo ra Ma Jou'ongu Madutu tala.”

Yohanes 2:1

Toma wangere ma soi ro'ange toma limau Kana daeraha Galilea, 'age rema laya molo'ara. Toma laya gena-ge, Yesus 'ai ngina 'age ḏi'i.

Yohanes 2:23

Wakutu Paskah ma Wangere, Yesus 'age toma limau Yerusalem, ngowa'a manga repe 'aḏi ngaku Unanga sababu ananga 'aḏi oḏi'i 'Ai ga'a hera-heranga.

Yohanes 3:2

Toma utu moi 'o sapolo ra Yesus re 'o kanau, “Rabi, ngoi to waro Jou guru ga'a Ma Jou'ongu Madutu 'U 'utusu. Sababu matengo i'a mai ua nga'unu 'o 'a'a ga'a hera-heranga ma tero sa'olo Jou, na'o Ma Jou'ongu Madutu 'o mamete'e ra unanga ua.”

Yohanes 4:3

Wakutu Ma Jou 'a waro mangale ngowa'a Farisi raḏi isene habari gena-ge, Unanga 'a sisoi'i tala daeraha Yudea re 'O tagi toma daeraha Galilea.

Yohanes 4:46

Gena ḏua, Yesus dadunu 'o maḏibo toma limau Kana, daeraha Galilea, ngi'i ga'a Unanga ro si'a'a ḇanyo 'i dadi 'anggur. 'Age toma limau Kapernaum pegawe kadato matengo 'ai ngowa'a nau'u siḏi lai siḏi.

Yohanes 4:54

Gena-ge didina'o heranga ma soi ḏiḏi ga'a Yesus 'a si'a'a toma daeraha Galilea wakutu Unanga 'o maḏibo da'a daeraha Yudea ino.

Yohanes 5:23

'Ari Ḇaḇa 'a si'a'a so'o gena, la ngowa'a mo-moini 'aḏi silamo'o Ngoi ma tero sa'olo ananga 'aḏi silamo'o Unanga. 'A guna ḇato ga'a silamo'o ua 'Ai Ngowa'a Nau'u, silamo'o ua ḏi'i 'Ai Ḇaḇa ga'a 'utusu ḏua Unanga gena-ge.

Yohanes 6:14

Ngowa'a repe ga'a ya oḏi'i Yesus 'o 'a'a ga'a hera-heranga gena-ge, ananga 'aḏi kanau, “Mode-mode'e Unanga nena-ne Nabi ga'a ngene wo singanono 'O sapolo toma dungia nena-ne.”

Yohanes 6:2

Wakutu Yesus ngadolo da'a talaga kaci moi, ngowa'a manga repe 'aḏi mete'e Unanga, sababu ananga ya oḏi'i ḏua Unanga 'o 'a'a didina'o heranga: Unanga 'o si-la ngowa-ngowa'a siḏi.

Yohanes 6:26

Yesus 'a sangoro, “Ni ngaku mode-mode'e 'Ari demo-demo nena-ne: I'a sa'olo ngini ni disa Ngoi? Sababu ni oḏi'i Ngoi to 'a'a ga'a hera-heranga re ni sahe ga'a gena-ge ma ngale 'oru?! Ua! Ngini ni disa Ngoi sababu ngini reni oromo singadolo reni wunusu!

Yohanes 6:30

Dadi ananga 'aḏi kanau, “Na'o so'o gena, no 'a'a ga'a hera-heranga, la ngomi ma oḏi'i re mi ngaku Ma Jou'ongu Madutu 'o 'utusu Ngana.

Yohanes 7:31

Ngowa'a repe tamanga sigolona ga'a 'aḏi ngaku Unanga, ananga 'aḏi kanau, “Unanga gena-ge 'O Kristus ga'a ro sapolo! Sababu Unanga nga'unu 'o 'a'a ga'a hera-heranga lebe repe.”

Yohanes 9:16

Ngowa'a Farisi nga muḏuo i'a 'aḏi kanau, “Unanga gena-ge 'ai 'asala ua ra Ma Jou'ongu Madutu tala, sababu 'o silamo'o ua Sabata ma wangere.” Mada'a ngowa'a Farisi ma lelegu ḏi'i 'aḏi kanau, “Tantu ḏua, ngowa'a baraḏosa 'a nga'unu ua 'o 'a'a didina'o heranga so'o gena-ge?” Gena ḏua, ananga mulaingi 'aḏi ma'u tolabe i'a re ino.

2 Korintus 3:18

'Orasa nange-ne, enanga ma tero sa'olo Ma Jou ra woi'i jujuwurungu ra ngene mo-moini tananga fikirana. Dadi ngene wo basono Ma Jou 'ai mulia, gena-ge 'Ai kuasa. Sababu gena-ge, ngene nanga 'ahu 'i ngali 'i dadi ma tero sa'olo Unanga; lebe ti'ara lebe sijumu 'Ai kuasa tananga 'ahu. Kuasa gena-ge da'u ra Ma Jou tala, ga'a Ma Ngagara 'Ofi-'Ofi.

2 Korintus 4:17

Nange-ne ngomi basono sangisara mada'a gena-ge 'i ti'ara ua re ḏubuso woḏi ua. Ḏuanga i'a ngomi mi sanga ngogele lai lamo'o. Re na'o site-tero ngogele gena-ge reo sangisara ga'a mi basono, ngogele gena-ge ma pari cua re kama ḏo-ḏogumu ua.

2 Korintus 4:6

Sababu Ma Jou'ongu Madutu ga'a 'o kanau, “Toma hafu-hafu, balasu 'i waiti tarangi,” Unanga gena-ge ro sigare 'Ai tarangi tananga 'akala re sinyingara ma dara. Ma Jou'ongu Madutu ro si'a'a so'o gena-ge, la ngene nyengara wa sahe Unanga 'ai mulia. Unanga 'ai mulia gena-ge 'i ma tero sa'olo ma tarangi ga'a wa oḏi'i ra Kristus 'ai biono. Dadi Unanga 'a siwaiti Ma Jou'ongu Madutu 'ai mulia ra ngene.

1 Yohanes 5:13

Ngoi to lefo surata nena-ne ra ngini ga'a rini ngaku ḏua Unanga, Ma Jou'ongu Madutu 'ai Ngowa'a Nau'u, la ngini na waro mangale ngini reni sanga 'ahu kasingado-ngadolo i'a.