Yohanes 19:9 - Jaji ma Su-sungi

⁹ Dadi Pilatus dadunu 'o osama tai Kadato re wakutu ananga dadunu siosama Yesus. Pilatus 'o sano ra Yesus, “Ngana 'ani 'asala le'a ino?” Mada'a Yesus 'o sangoro ua.

Yohanes 19:9 Iomraidhean Croise

Matias 26:63

Mada'a Yesus pa'i 'o masiogoro ḇato. Soi moi moju 'imam 'agung 'o sano ra Yesus, “Ra Ma Jou'ongu Madutu ga'a 'ahu-'ahu, sikanau ino ra ngomi mode-mode'e Ngana nena-ne 'O Kristus, Ma Jou'ongu Madutu 'ai Ngowa'a Nau'u, bolo ua?”

Matias 27:27

Gena ḏua, gubernur Pilatus 'ai sordado-sordado gasa Yesus osama ra gubernur 'ai kadato. Ḏua ananga 'aḏi 'aro'o sordado mo-moini malomu sigoloḏi Unanga.

Lukas 23:9

Sababu gena-ge 'a Herodes 'a singadolo 'ai so-sano ma repe ra Yesus, mada'a Yesus kama sangoro i'a mai ua unanga 'ai so-sano gena-ge.

Yohanes 18:28

Da-daini i'a moju ananga raḏi 'oro 'a Yesus ra Kayafas 'ai wala, kara 'U gasa Unanga ra gubernur Roma 'ai kadato. Ngowa-ngowa'a Yahudi manga bi-biri'i masiretene 'aḏi osama ua toma kadato ma dara, la awa manga diri 'i faja mete'e 'agama ma 'atoranga, sababu ananga mau 'aḏi mete'e oromo toma Paskah ma Wangere ma laya.

Yohanes 18:33

Pilatus dadunu 'o osama tai Kadato ma dara re 'o 'aro'o Yesus, kara 'o sano, “Ngana ngowa'a Yahudi manga 'Olana bolo ua?”

Yohanes 18:34

Yesus 'o sangoro, “Mete'e 'ani 'akala ma sanga masiretene bolo ngowa'a lelegu 'aḏi siajele ra ngana mangale Ngoi?”

Yohanes 18:37

Ḏua Pilatus dadunu sano moju, “Na'o so'o gena, Ngana nena-ne 'olana?” Yesus 'o sangoro, “Ngana masiretene no aje, Ngoi nena-ne 'Olana, re 'ani demo 'i banari. 'Ari ngina sibuoro Ngoi re ngoi to sapolo toma dungia nena-ne, di'a maksudu rimoi ḇato: di'a To pula'a sakisi mangale 'ori i'a ga'a ba-banari. Ngowa'a mo-moini ga'a 'aḏi disa ba-banari, ananga gena-ge 'aḏi mete'e Ngoi 'ari do-doto'o.”

Yohanes 19:10

Pilatus 'o kanau ra Yesus, “Ngana no waro bolo ua? Ngoi rari kuasa di'a sibebasa Ngana, re di'a rari kuasa di'a Tini sisalib!”

Yohanes 19:8

Wakutu Pilatus 'o isene manga demo so'o gena-ge, unanga 'o ganapu mojongo.

Yohanes 8:14

Yesus 'o sangoro, “Kalaha Ngoi to pula'a sakisi mangale 'Ari diri masiretene, enanga gena-ge 'i banari moju, sababu Ngoi ta waro le'a ino Ngoi to sapolo re le'a i'a Ngoi to tagi. Ngini waro ua le'a ino Ngoi to sapolo re le'a i'a Ngoi to tagi.

Filipi 1:28

Ni mojongo ceka'a i'a mai awa taninga lawana. Gena-ge 'i dadi didina'o ra ananga mangale ḏuanga i'a Ma Jou'ongu Madutu 'o sihukumu ananga. Mada'a ngini Ma Jou'ongu Madutu masiretene nu sisalamata.