Yohanes 19:4 - Jaji ma Su-sungi

⁴ Pilatus dadunu 'o supu moju re 'o kanau i'a toma ngowa'a Yahudi manga repe, “Oḏi'i! Ngoi to sisupu Unanga ra ngini, la ngini ni waro mangale Ngoi to sanga Unanga kai sala ceka'a i'a mai ua.”

Yohanes 19:4 Iomraidhean Croise

Matias 27:19

Wakutu Pilatus 'o tegoro toma kursi juruhakimi moju, 'ai were'a mo siḏingoto bererongo ra unanga: “Awa ngana no macapuru toma parkara gena-ge mangale ngowa'a matengo gena-ge ga'a kai sala ua. Sababu mangale Unanga, ngoi to sanga nanele cira singadolo 'ari 'akala re sinyingara 'i kangela.”

Matias 27:24

Ma ḏo-ḏogumu tala, Pilatus 'a basono tala 'ai demo-demo ma faeda ri cua toma ngowa'a kawasa, re ananga ganapu 'aḏi manyiwere singadolo sa'i 'aḏi 'a'a kaco. Dadi unanga 'o 'oro ḇanyo re 'a soso'o 'ai giama toma mandan. Re unanga 'o kanau, “Unanga 'ai se-sengene pa'i ngini masiretene ninga 'urusana ḇato! Ngoi kari sala ua!”

Matias 27:4

Unanga 'o kanau, “Ngoi to baraḏosa sababu to sipula'a ngowa'a kama sala ua, singadolo Unanga sanga hukumu sengene!” Mada'a ananga ya sangoro, “Ngomi mi faduli ua, gena-ge ngana 'ani 'urusana!”

Matias 27:54

Sordado ma sae'e remanga sordado-sordado ga'a dadanu Yesus, ananga 'aḏi matai mojongo sababu 'aḏi basono wusu re raḏi oḏi'i 'ori i'a i'a 'i dadi. Ḏua ananga 'aḏi kanau, “Unanga nena-ne mode-mode'e Ma Jou'ongu Madutu 'ai Ngowa'a Nau'u!”

Lukas 23:4

Ḏua 'a Pilatus 'o kanau toma 'imam-'imam ma sae'e re toma ngowa'a kawasa, “Ngoi ta sanga 'Ai sala rimoi i'a mai ua di'a to singe-ngeta'a hukumu ra Unanga.”

Lukas 23:41

Pa'i ngene nga muḏiḏi ḇato patasa wo sanga hukumu sengene mete'e ngene nanga ga'a. Mada'a Unanga 'ai sala ceka'a i'a mai ua!”

Lukas 23:47

Sordado ma sae'e 'o oḏi'i 'oru ga'a 'i dadi ḏua, unanga 'o puji re silamo'o Ma Jou'ongu Madutu re 'o kanau, “Mode-mode'e Unanga nena-ne ngowa'a loasa re banari!”

Yohanes 18:33

Pilatus dadunu 'o osama tai Kadato ma dara re 'o 'aro'o Yesus, kara 'o sano, “Ngana ngowa'a Yahudi manga 'Olana bolo ua?”

Yohanes 19:6

Wakutu 'imam-'imam ma sae'e re Ma Jou'ongu Madutu 'ai Wala ma ja-jaga 'aḏi oḏi'i Yesus, ananga 'aḏi poa'a, “Sisalib Unanga! Sisalib Unanga!” Mada'a Pilatus 'o kanau ra ananga, “Ngini masiretene 'oro Unanga, re ni sisalib Unanga. Mete'e ngoi, ngoi ta sanga Unanga kai sala ceka'a i'a mai ua.”

2 Korintus 5:21

Kristus 'o 'a'a ḏosa ua, mada'a Ma Jou'ongu Madutu 'o 'a'a Unanga 'a doiti ngene nanga ḏosa. Ma Jou'ongu Madutu 'o 'a'a so'o gena, la ngene nyengara marimoi ra Unanga re kananga ḏosa ua ra Unanga 'ai momina.

'Ibrani 7:26

Dadi ngene wo paralu Yesus gena-ge sa'olo nanga 'Imam 'Agung. Unanga ngowa'a 'ofi-'ofi, kai sala re ḏosa ua. Ma Jou'ongu Madutu 'o siwola i'a Unanga toma ngowa-ngowa'a baraḏosa, re Unanga ro pere singadolo ma ngi'i ga'a lebe kau'u reo diwanga ma gau'u.

1 Petrus 1:19

Mada'a Kristus 'a fangu rai ngaunu masiretene. Enanga gena-ge lai hali ma pari cua. Unanga gena-ge 'o dadi ma tero sa'olo 'o doba ma ngowa, kama faja ceka'a i'a mai ua, sa'olo jou-jou di'a ngini.

1 Petrus 2:22

Unanga kama 'a'a ḏosa ua re matengo i'a mai ua 'aḏi 'isene Unanga 'o kanau 'Ai demo ma sa-sakala.

1 Petrus 3:18

Sababu kalaha Kristus kai ḏosa ua, Unanga ro basono sangisara. Unanga ro basono sengene soi moi di'a 'a doiti manusia nanga ḏosa. Unanga 'a si'a'a so'o gena, la ngene manusia nyengara wo marimoi ra Ma Jou'ongu Madutu. Manusia wo sisengene Unanga pa'i 'ai lese ḇato, mada'a sababu Ma Ngagara 'Ofi-'Ofi ma kuasa, Ma Jou'ongu Madutu dadunu 'o si'ahu Unanga moju.

1 Yohanes 3:5

Ngini na waro Kristus masiretene kai ḏosa ua, re Unanga 'o sapolo toma dungia di'a 'a singi-ngiranga manusia manga ḏosa.