Yohanes 19:11 - Jaji ma Su-sungi

¹¹ Yesus 'o sangoro, “Na'o Ma Jou'ongu Madutu 'o pula'a kuasa ua ra ngana, ngana no kuasa Ngoi yoḏu'u. Sababu gena-ge, matengo ga'a sipula'a Ngoi ra ngana, unanga 'ai ḏosa lebe lamo'o i'a.”

Yohanes 19:11 Iomraidhean Croise

Roma 13:1

Ngene matengo re matengo balasu ta'aloko toma pamarenta, sababu pamarenta rimoi i'a mai ua ga'a sanga kuasa ua ra Ma Jou'ongu Madutu tala. Re pamarenta ya siḏagi manga kuasa mete'e Ma Jou'ongu Madutu 'ai 'akala ma mau.

Yohanes 3:27

Yohanes 'a sangoro: “Mo-moini ga'a manusia ya sanga, enanga gena-ge ma 'asala ra Ma Jou'ongu Madutu tala.

Yesus 'ai so-soma'a 2:23

Kalaha Ma Jou'ongu Madutu 'a waro ḏua 'oru ḏuanga i'a 'i dadi, Unanga 'o sipula'a Yesus ra ngini: Enanga gena-ge 'i mete'e Ma Jou'ongu Madutu 'ai 'akala ma mau. Wakutu gena-ge, ngini nu sisengene Unanga sababu ngini nu sipula'a Unanga toma ngowa-ngowa'a ga'a 'aḏi mete'e ua Ma Jou'ongu Madutu 'ai hukumu, kara ananga 'U salib Unanga.

Yesus 'ai so-soma'a 3:13

Na 'isene! Abraham, Ishak re 'a Yakub re ngene nanga ete re dotumu 'aḏi silamo'o re siḏubuso Ma Jou'ongu Madutu. Unanga gena-ge 'o silamo'o Yesus, Unanga 'Ai falalomu. Mada'a 'a Yesus ne, ngini nu sipula'a ra Pilatus. Re kalaha 'a Pilatus mau 'U sibebasa Unanga, ngini ni golo'o Pilatus 'o soma'a 'ai sordado-sordado 'aḏi sisalib Unanga!

Yohanes 7:30

Toma 'orasa gena-ge, ananga 'aḏi tai'i cako'o 'a Yesus, mada'a matengo i'a mai ua nga'unu 'o gu'u Unanga sababu 'Ai 'orasa 'i ngadolo nyangu.

Yakobus 1:17

Bu-bula'a ma la-la bolo ti-tiai mo-moini, gena-ge ma 'asala toma soroga ino 'i 'uci da'u ra Ma Jou'ongu Madutu tala. 'Ori i'a ga'a ta-tarangi toma diwanga gena-ge Ma Jou'ongu Madutu 'ai do-dadi. 'Ori i'a ta-tarangi gena-ge 'i ngali tau-taunu, mada'a Ma Jou'ongu Madutu kama ngali-ngali ua. Unanga gena-ge sou moi nyangu 'o pula'a bu-bula'a ma jira.

Matias 6:13

Re awa No sieanga i'a ngomi mi sanga bo-baja, mada'a Na siwoi'i ngomi toma jira. [Sababu Baba 'ani Pareta, Kuasa re Mulia kasingado-ngadolo i'a. 'Amin]’

Yakobus 4:17

Sababu gena-ge, matengo i'a ga'a 'a waro 'ori i'a ma la-la 'oru ḇato balasu 'a si'a'a mada'a 'a si'a'a ua, unanga gena-ge 'o madaga'a ḏosa.

Roma 11:36

Sababu mo-moini toma diwanga re dungia ma dara, Ma Jou'ongu Madutu ra sidadi. Mo-moini gena-ge ma 'asala ra Ma Jou'ongu Madutu tala re di'a Unanga ḏi'i. Dadi, ino ngene wo puji re silamo'o Ma Jou'ongu Madutu, nena re si'a kasingado-ngadolo i'a. 'Amin.

Yesus 'ai so-soma'a 4:28

Ananga 'aḏi marimoi 'aḏi 'a'a so'o gena sababu Ma Jou'ongu Madutu 'au wali moju 'a sitantukanga pasala ḏua enanga balasu 'i dadi so'o gena mete'e 'Ai kuasa re 'Ai mau masiretene.

Matias 27:2

Ananga 'aḏi piri'u Unanga 'ai giama, kara 'U sigasa re 'U sipula'a ra Pilatus, gubernur daeraha Yudea.

Markus 14:44

Nyangu moju, 'a Yudas 'o pula'a nana'o rimoi ra ananga re 'o kanau, “Ngowa'a ga'a ngoi tu dume, Unanga gena-ge ngini nu cako'o, nu gasa, re nu jaga la-la ino.”

Yohanes 18:3

Dadi Yudas 'o sapolo toma guḏa gena-ge. Unanga gena-ge 'o gasa sordado-sordado Roma regu rimoi re Ma Jou'ongu Madutu 'ai Wala ma ja-jaga nga muḏuo i'a. Ananga gena-ge 'aḏi gasa dare, lantera re 'oboro. Re ananga gena-ge, 'imam-'imam ma sae'e re ngowa-ngowa'a Farisi ya'u 'utusu.

Yohanes 9:41

Yesus 'o kanau ra ananga, “Na'o ngini ni fikiri mode-mode'e ni hafu sababu ni waro ua 'oru ga'a banari, ngini ni sala ua ra Ma Jou'ongu Madutu 'ai momina. Mada'a sababu ngini ni kanau, ‘Ngomi nga'unu mi oḏi'i,’ gena-ge ma ngale: tantu ḏua ngini ni sala moju ra Ma Jou'ongu Madutu 'ai momina.”

Lukas 22:53

Ma wangere ma jelele gena, Ngoi 'age taninga sigolona ra Ma Jou'ongu Madutu 'ai Wala, mada'a ngini ni cako'o Ngoi ua. Mada'a nena-ne enanga ma 'orasa 'i ngadolo ngini na si'a'a sababu 'Iblisi ma kuasa 'i ḏegoro manusia.”

Matias 26:65

Gena ḏua, 'imam 'agung 'a 'acingi 'ai juba masiretene sababu 'o porata re 'o kanau, “Unanga 'o je-jengere Ma Jou'ongu Madutu sababu Unanga 'o kanau ‘Unanga re Ma Jou'ongu Madutu marimoi!’ Dadi paralu riwara sakisi. Nange-ne ngini mo-moini na 'isene masiretene 'Ai demo-demo ga'a sije-jengere Ma Jou'ongu Madutu.

Yohanes 18:13

Siḏa-siḏa ananga 'U gasa sitalaḏi ra Hanas, Kayafas 'ai dedono na-nau'u. Toma musungu gena-ge, Kayafas 'o dadi 'imam 'agung.

Yohanes 19:10

Pilatus 'o kanau ra Yesus, “Ngana no waro bolo ua? Ngoi rari kuasa di'a sibebasa Ngana, re di'a rari kuasa di'a Tini sisalib!”