Yohanes 18:8 - Jaji ma Su-sungi

⁸ Yesus 'o sangoro, “Ngoi reto kanau ḏua, ‘Ngoi nena-ne Unanga.’ Re na'o ngini ni disa Ngoi ḇato, ni sieanga i'a 'Ari me-mete'e 'aḏi tagi.”

Yohanes 18:8 Iomraidhean Croise

Matias 26:56

Mada'a balasu so'o nena-ne ḏua, la 'i mete'e 'oru ga'a nabi-nabi ya silefo pasala ḏua toma Boku 'Ofi-'Ofi ma dara.” Togumu i'a, 'Ai me-mete'e mo-moini matai wiḏi sisoi'i tala Unanga.

Yohanes 10:28

Ngoi to pula'a 'ahu kasingado-ngadolo i'a ra ananga, re kasingado-ngadolo i'a ananga kama binasa ua. Ananga Tari giama ma sata re matengo i'a mai ua nga'unu 'u ra-rabasa.

Yohanes 13:1

Wakutu Paskah ma Wangere ma laya sa'i ri ngadolo, Yesus 'a waro mangale 'ai 'orasa 'i ngadolo di'a Unanga 'a sisoi'i tala dungia nena-ne re 'O maḏibo Tai Ḇaḇa. Unanga 'o dadalara 'Ai me-mete'e, re 'o dadalara ti-tiai ananga gena-ge singadolo 'Ai 'ahu ma ḏo-ḏogumu.

Yohanes 13:36

Simon Petrus 'o sano ra Yesus, “Ma Jou, mau no tagi le'a?” Yesus 'a sangoro, “Nange-ne, toma ngi'i Ngoi to tagi, ngana no mete'e Ngoi yoḏu'u. Mada'a ngana ḏuanga i'a no mete'e Ngoi.”

Yohanes 16:32

Mada'a ma 'orasa 'i ngadolo re nange-ne 'i ngadolo ḏua, wakutu ngini ni matai are ni maḏibo taninga wala matengo-matengo re ni sisoi'i tala Ngoi masiretene. Mada'a Ngoi to matengo ua, sababu 'Ari Ḇaḇa 'o mamete'e ra Ngoi.

Yohanes 18:7

Soi moi moju Yesus dadunu 'o sano ra ananga, “Ngini ni disa 'a guna?” Ananga ya sangoro, “Yesus ngowa'a Nazaret.”

Yohanes 18:9

Wakutu Yesus 'o kanau so'o gena, Unanga 'o sitotomo 'oru ga'a Unanga 'o manyiata 'au nga'ene: “Baba, ngowa-ngowa'a ga'a Baba no sidoa'a ra Ngoi, matengo i'a mai ua ananga 'aḏi iranga.”

1 Korintus 10:13

Bo-baja ga'a ngini ni sanga, gena-ge ma tero sa'olo ngowa'a mo-moini ya sanga ḏi'i. Mada'a Ma Jou'ongu Madutu 'o sidaioranga 'Ai jaji ua. Unanga 'o simaha ua ngini ni sanga bo-baja ga'a kangela woḏi di'a ngini nga'unu ni tahana. Wakutu ni sanga bo-baja, Unanga 'o pula'a ngo'omo, la ngini ni dogo te'e dadi ni eta'a ua toma bo-baja.

2 Korintus 12:9

Mada'a Unanga gena-ge 'a sangoro, “Ngoi tini singi-ngiranga ua 'ani sangisara gena-ge mada'a Ngoi tini riono Rari mura re dadalara. Enanga gena-ge ngana na paralu! Sababu wakutu ngana no basono tala lamahana, 'Ari kuasa nga'unu 'i si'a'a lebe ganapu tani 'ahu.” Sababu gena-ge ngoi to mahie 'ari diri sababu 'ari lamahana, sababu wakutu ngoi to lamahana, Kristus 'ai kuasa 'i sioḏi'i tari 'ahu.

Efesus 5:25

Nau'u balasu ni dadalara ninga were'a ma tero sa'olo Kristus 'o dadalara 'Ai jama'ata, singadolo 'A sidoa'a 'Ai diri di'a ngowa'a 'U sisengene, la 'O sisalamata 'Ai jama'ata

1 Petrus 5:7

Sidoa'a ninga dodato mo-moini ra Ma Jou'ongu Madutu, Unanga gena-ge 'a sitotomo ninga 'ahu ma paralu sababu Unanga 'o kadiarata ngini.