Yohanes 18:3 - Jaji ma Su-sungi

³ Dadi Yudas 'o sapolo toma guḏa gena-ge. Unanga gena-ge 'o gasa sordado-sordado Roma regu rimoi re Ma Jou'ongu Madutu 'ai Wala ma ja-jaga nga muḏuo i'a. Ananga gena-ge 'aḏi gasa dare, lantera re 'oboro. Re ananga gena-ge, 'imam-'imam ma sae'e re ngowa-ngowa'a Farisi ya'u 'utusu.

Yohanes 18:3 Iomraidhean Croise

Matias 25:1

“Toma 'orasa gena-ge wakutu Ngoi, Manusia ma Ngowa'a Nau'u, dadunu To sapolo moju, Soroga ma Pareta ma tero sa'olo 'ade-'ade nena-ne: Geri molo'ara were'a 'ami me-mete'e 'o mosolese nga nyagi moi, matengo re matengo remanga 'oboro, 'aḏi tagi totoma geri molo'ara na-nau'u.

Yohanes 13:2

Toma lobi'i gena-ge, Yesus re 'Ai me-mete'e ananga 'aḏi oromo mamete'e. 'Iblisi ri osama ra Yudas 'ai 'akala re sinyingara. Unanga gena-ge 'a Simon Iskariot 'ai ngowa'a nau'u. Dadi unanga mau 'o sipula'a Yesus Tai lawana.

Yohanes 18:12

Ḏua sordado-sordado Roma regu rimoi re manga sae'e re ḏi'i Ma Jou'ongu Madutu 'ai Wala ma ja-jaga, ananga 'aḏi cako'o 'a Yesus re 'U piri'u.

Yohanes 18:18

Utu gena-ge 'alo. Dadi budaka-budaka re ngowa-ngowa'a ja-jaga, ananga 'aḏi 'a'a u'u reo konu'u. Gena ḏua, ananga 'aḏi marasu'u re 'aḏi made-de'oso sigoloḏi u'u gena-ge. Petrus 'o masebanga i'a ra ananga toma u'u, la 'o marasu'u ḏi'i mamete'e ra ananga.

Yohanes 18:22

Wakutu Yesus 'o kanau so'o gena, 'imam 'agung 'ai ngowa'a ja-jaga matengo 'U sata Yesus re 'o kanau, “No nau'u masala No kanau so'o gena-ge toma 'imam 'agung!”

Yohanes 19:6

Wakutu 'imam-'imam ma sae'e re Ma Jou'ongu Madutu 'ai Wala ma ja-jaga 'aḏi oḏi'i Yesus, ananga 'aḏi poa'a, “Sisalib Unanga! Sisalib Unanga!” Mada'a Pilatus 'o kanau ra ananga, “Ngini masiretene 'oro Unanga, re ni sisalib Unanga. Mete'e ngoi, ngoi ta sanga Unanga kai sala ceka'a i'a mai ua.”

Yohanes 7:32

Ngowa'a Farisi nga muḏuo i'a 'aḏi 'isene ngowa'a repe 'aḏi majujuḏu mangale 'a Yesus. Dadi ngowa'a Farisi re 'imam-'imam ma sae'e ananga 'aḏi soma'a Ma Jou'ongu Madutu 'ai Wala ma ja-jaga 'aḏi tagi cako'o 'a Yesus.

Yesus 'ai so-soma'a 1:16

“Ioronongoḏu ngo-ngaku rimoi, 'oru ga'a silefo pasala ḏua toma Boku 'Ofi-'Ofi, gena-ge balasu 'i dadi. Ma siḏa moju Ma Ngagara 'Ofi-'Ofi 'i sigaraki 'a Daud 'ai 'akala re sinyingara, la unanga 'a siajele mangale 'a Yudas ga'a 'o sigasa ngo'omo ngowa-ngowa'a ga'a 'aḏi cako'o 'a Yesus.

Yesus 'ai so-soma'a 10:1

Toma limau Kaisarea, 'age rema na-nau'u matengo, ngowa'a Yahudi ua 'ai lomanga Kornelius, unanga gena-ge 'o kapiteng toma sordado Italia ma balangu.