Yohanes 17:9 - Jaji ma Su-sungi

⁹ Ngoi to manyiata di'a ananga gena-ge. Ngoi to manyiata ua di'a ngowa'a mo-moini toma dungia nena-ne, mada'a di'a ngowa-ngowa'a ga'a Baba reno pula'a ra Ngoi, sababu ananga gena-ge Baba reno cumutu.

Yohanes 17:9 Iomraidhean Croise

Lukas 22:32

Mada'a Ngoi to manyiata di'a ngana Simon, la 'ani ngo-ngaku enanga 'i elala awa re wakutu ngana reno maḏibo ra Ngoi, ngana balasu na'u site'e 'ani ioronongoḏu manga ngo-ngaku ḏi'i.”

Lukas 23:34

Ḏua Yesus 'o manyiata, “Baba, singi-ngiranga manga ḏosa, sababu 'oru ga'a ananga ya 'a'a 'i mete'e tamanga waro ua ma dara.” Gena ḏua, sordado-sordado 'aḏi 'a'a loterei, la 'a guna 'o sanga Unanga 'ai pakeanga.

Lukas 8:34

Wakutu sowohi-sowohi soto ya oḏi'i 'oru ri dadi pasala ḏua, ananga 'aḏi lalara sihabari toma limau re toma gamu ma sebanga.

Yohanes 14:16

Ngoi ḏuanga i'a to golo'o Tari Ḇaḇa re Unanga ḏuanga i'a 'O pula'a ra ngini Ri-riono ma lelegu, ga'a ḏuanga i'a 'i mamete'e ra ngini kasingado-ngadolo i'a.

Yohanes 17:2

Baba reno pula'a kuasa Tani Ngowa'a Nau'u di'a 'O parenta ngowa'a mo-moini toma dungia nena-ne, la Unanga 'o pula'a 'ahu kasingado-ngadolo i'a toma ngowa'a mo-moini ga'a Reno pula'a ḏua ra Ngoi.

Yohanes 17:20

“Ngoi to manyiata pa'i 'Ari me-mete'e nena-ne ḇato ua, mada'a di'a ngowa-ngowa'a ḏi'i ga'a ḏuanga i'a 'aḏi ngaku Ngoi sababu ananga nena-ne manga habari.

Yohanes 17:6

“Baba, ngowa'a mo-moini toma dungia nena-ne ga'a Baba reno pula'a ra Ngoi, Ngoi ta siajele ra ananga gena-ge mangale Baba, la 'aḏi nana'o Baba. Ananga gena-ge 'Ani 'umata ga'a reno pula'a ra Ngoi, re raḏi mete'e 'Ani 'Idini.

Yohanes 6:37

Mada'a ngowa'a mo-moini 'Ari Ḇaḇa 'o sidoa'a ra Ngoi, ananga gena-ge ḏuanga i'a 'aḏi sapolo ra Ngoi. Re 'a guna ḇato ga'a sapolo ra Ngoi, Ngoi ta'u itomo ua.

Yohanes 6:39

Re Unanga ga'a Ro 'utusu Ngoi, Unanga 'ai mau nena-ne: Ngowa'a mo-moini ga'a Unanga sipula'a ra Ngoi, matengo i'a mai ua 'aḏi iranga. Siḏibo ḏi'i, Ngoi ḏuanga i'a dadunu Ta'u si'ahu moju ananga gena-ge toma Kiamata ma Wangere.

'Ibrani 7:25

Sababu gena-ge, Yesus nyengara 'o sisalamata kasingado-ngadolo i'a ngowa'a mo-moini ga'a 'aḏi sapolo ra Ma Jou'ongu Madutu. Gena-ge 'i dadi sababu ananga gena-ge 'aḏi ngaku Yesus sa'olo manga 'imam, re sababu ḏi'i Unanga 'o 'ahu kasingado-ngadolo i'a 'o manyiata ra Ma Jou'ongu Madutu di'a ananga.

'Ibrani 9:24

Sababu Kristus 'o osama ua toma suyu'u ga'a manusia ya 'a'a re enanga gena-ge pa'i gabara ḇato toma suyu'u ma banari, mada'a Unanga 'o osama toma soroga. Re nange-ne Unanga 'o talaḏi ra Ma Jou'ongu Madutu, la 'O manyiata di'a ngene.

1 Yohanes 5:19

Ngene rewo waro mangale ngene nange-ne Ma Jou'ongu Madutu 'ai ngowa-ngowa'a, re dungia sitabi donga nena-ne 'i tegoro toma 'Iblisi ma kuasa.

Tingoýi 12:9

Naga lamo'o re ma mala'ekata-mala'ekata gena-ge siupa'a toma dungia. Naga gena-ge 'o ngorana ma biri'i, ma lomanga 'Iblisi bolo Roh ma Jira ma 'Olanaga'a 'i sihaga ngowa'a toma dungia.

Tingoýi 13:8

Haiwani gena-ge, ngowa'a mo-moini toma dungia sitabi donga ḏuanga i'a ya silamo'o re siḏubuso ḏuga-ḏuga ananga ga'a manga lomanga 'i silefo ḏua toma ngowa'a 'ahu-'ahu manga boku wakutu dungia 'i sidadi nyangu. Boku gena-ge Doba ma Ngowa ma boku, Doba ma Ngowa ga'a ya tola'a ḏua.

Tingoýi 20:15

Ngowa'a mo-moini ga'a manga lomanga 'i silefo ua toma ngowa'a 'ahu-'ahu manga boku, ananga gena-ge 'aḏi siupa'a toma ngoloto u'u ma dara.