Yohanes 17:8 - Jaji ma Su-sungi

⁸ 'Ani demo ga'a Baba reno pula'a ra Ngoi, Ngoi ta siajele ḏua ra ananga. Re ananga gena-ge ya dawongo ḏua re raḏi waro mangale Ngoi mode-mode'e to sapolo ra Baba ino re ananga raḏi ngaku Baba reno 'utusu Ngoi ḏua.

Yohanes 17:8 Iomraidhean Croise

Matias 13:11

Yesus 'a sangoro, “Ngini reni sanga cocatu di'a ni sahe 'ori i'a go-gogono mangale Soroga ma Pareta, mada'a toma ngowa'a lelegu so'o gena ua.

Yohanes 12:49

Sababu Ngoi to kanau mete'e 'Ari mau masiretene ua, mada'a 'Ari Ḇaḇa ga'a Ro 'utusu Ngoi, Unanga gena-ge ro soma'a 'oru ga'a balasu ta singadolo re ta sikanau ra ngini.

Yohanes 14:10

Ngana no ngaku bolo ua mangale Ngoi to marimoi Tari Ḇaḇa re 'Ari Ḇaḇa 'o marimoi ra Ngoi?! 'Oru ga'a to kanau ra ngini pa'i 'Ari demo masiretene ua. 'Ari Ḇaḇa ga'a 'O marimoi ra Ngoi, Unanga gena-ge 'O pake Ngoi di'a 'a'a 'Ai munara masiretene.

Yohanes 15:15

Ngoi to si'aro'o ngini 'Ari budaka riwara, sababu budaka ya waro ua manga tuanga 'ai munara. Siḏibo ḏi'i ngini, Ngoi tini si'aro'o ḏagilomu, sababu 'oru ḇato ga'a Ngoi reto 'isene tari Ḇaḇa, reta siajele ḏua ra ngini.

Yohanes 16:27

sababu 'Ari Ḇaḇa masiretene 'o dadalara ngini. Unanga 'o dadalara ngini sababu ngini ni dadalara Ngoi, re ni ngaku mangale Ngoi to sapolo da'u Tari Ḇaḇa tala.

Yohanes 16:30

Nange-ne ngomi ma waro, Jou na waro mo-moini. Dadi paralu ua di'a matengo i'a mai ua 'o sano ra Jou mangale 'oru ḇato, sababu Jou reno waro 'oru ḇato ga'a ngomi mau mi sano. Sababu gena-ge, ngomi ngaku Jou reno sapolo ra Ma Jou'ongu Madutu tala.”

Yohanes 17:14

Ngoi reta siajele ḏua ra ananga 'Ani demo-demo singadolo ngowa'a toma dungia nena-ne ya'u emono ananga, sababu ananga 'aḏi marimoi ua reo ngowa'a toma dungia nena-ne, ma tero Ngoi ḏi'i to marimoi ua reo ngowa'a toma dungia nena-ne.

Yohanes 17:18

Ma tero sa'olo 'Ari Baba reno 'utusu Ngoi toma dungia nena-ne, so'o gena ḏi'i Ngoi ta'u 'utusu ananga toma dungia nena-ne.

Yohanes 17:21

Ngoi to golo'o ra Baba mangale ananga mo-moini gena-ge 'aḏi marimoi ma tero Baba marimoi ra Ngoi, re Ngoi to marimoi ra Baba. Na'o nyengara gari'a ananga 'aḏi marimoi ra Ngene, la ngowa'a toma dungia nena-ne ananga ḏuanga i'a 'aḏi ngaku mangale Baba reno 'utusu Ngoi.

Yohanes 17:23

Ngoi to marimoi ra ananga re Baba no marimoi ra Ngoi, la ananga mode-mode'e 'aḏi marimoi. Ḏua ngowa'a toma dungia ḏuanga i'a ya waro mangale Baba masiretene Reno 'utusu Ngoi, re Baba no dadalara ananga ma tero Baba no dadalara Ngoi.

Yohanes 17:3

'Ahu kasingado-ngadolo i'a ma ngale so'o ne: Ngowa'a 'aḏi nana'o 'Ari Ḇaḇa, 'aḏi nana'o Ngoi ḏi'i. 'Ari Ḇaḇa pa'i matengo ḇato ga'a Ma Jou'ongu Madutu mode-mode'e; re Ngoi, Yesus Kristus ga'a 'Ari Ḇaḇa Ri 'utusu.

Yohanes 3:17

Sababu Ma Jou'ongu Madutu 'o 'utusu 'Ai Ngowa'a Nau'u di'a sihukumu ua manusia toma dungia nena-ne, mada'a di'a sisalamata ananga gena-ge.

Yohanes 3:33

Mada'a 'a guna ḇato ga'a 'a dawongo Unanga 'ai sakisi, ananga 'aḏi 'akoru mangale Ma Jou'ongu Madutu 'ai demo-demo 'i banari.

Yohanes 6:68

Simon Petrus 'o kanau, “Ma Jou, ra guna moju ngomi mi mete'e? Ma Jou, pa'i 'Ani demo-demo ḇato 'i sigasa ngomi toma 'ahu kasingado-ngadolo i'a;

Yohanes 8:42

Ḏua Yesus 'o kanau ra ananga, “Na'o mode-mode'e Ma Jou'ongu Madutu ngini ninga Ḇaḇa, ngini ni dadalara Ngoi, sababu Ngoi reto sapolo ra Ma Jou'ongu Madutu ino re nange-ne Ngoi 'ane. Ngoi reto sapolo mete'e Ngoi 'ari 'akala ma mau masiretene ua, mada'a Unanga ga'a Ro 'utusu Ngoi, Unanga gena-ge 'Ai 'akala ma mau.

1 Korintus 11:23

Sababu do-doto'o mangale Ma Jou 'ai perjamuan ga'a ngoi ta singadolo ra ngini, ngoi nena-ne ta dawongo ra Ma Jou masiretene so'o ne: Toma lobi'i ga'a 'a Yudas 'o sipula'a Yesus toma ngowa'a ma jira, Yesus 'o 'oro roti

1 Korintus 15:1

Ioronongoḏu ngo-ngaku rimoi, nange-ne ngoi to si'elingi ngini mangale Habari Roanga ga'a 'au nga'ene ngoi reta singadolo ra ngini. Re ngini rena dawongo Habari Roanga gena-ge singadolo 'i dadi ma tero sa'olo ninga ngo-ngaku ma ba-bangini.

1 Tesalonika 2:13

'Age fara moi moju 'i si'a'a ngomi mi sibere ie minga murasa ma la tau-taunu ra Ma Jou'ongu Madutu, sababu wakutu ngomi mi singadolo habari ra Ma Jou'ongu Madutu ino, ngini ni 'isene re ni ngaku habari gena-ge ma tero ua manusia manga demo, mada'a sa'olo demo ra Ma Jou'ongu Madutu ino, ga'a 'i banari. Unanga 'o munara tau-taunu sipake habari gena-ge taninga 'akala re sinyingara ma dara, ngini gena-ge ga'a reni ngaku Kristus.

1 Tesalonika 4:1

Ioronongoḏu ngo-ngaku rimoi, ma ḏo-ḏogumu ngomi ma siajele re masijumu pasala ḏua ra ngini mangale ma duhu sa'olo ninga 'ahu balasu mete'e Ma Jou Yesus 'ai mau, la taninga 'ahu 'i sisanangi Ma Jou'ongu Madutu 'ai 'akala re sinyingara. Ngomi ma waro, ngini rena si'a'a mada'a nange-ne sababu ngene wo marimoi ra Ma Jou Yesus, ngomi mi golo'o mode-mode'e ngini lebe cufala i'a ḏi'i.

1 Yohanes 4:14

Ngomi masiretene mi oḏi'i ḏua Ma Jou'ongu Madutu 'ai Ngowa'a Nau'u, re ngomi ma sisakisi mangale Unanga gena-ge 'O sanga 'utusu Tai Ḇaḇa di'a sapolo toma dungia nena-ne, la 'O dadi dungia ma Salamata ma Cimi.

Tingoýi 1:1

Boku nena-ne 'i silefo mangale Yesus Kristus 'o siajele mangale 'oru ga'a tantu ḏua ḏuanga i'a 'i dadi ti'ara riwara. Ma Jou'ongu Madutu 'a siajele ra Kristus so'o gena-ge, la Unanga 'o sijumu toma ngowa-ngowa'a ga'a ta Ma Jou'ongu Madutu ma tero sa'olo 'Ai budaka-budaka, mangale 'ori i'a i'a ḏuanga i'a 'i dadi. Yesus Kristus 'o cumutu 'Ai mala'ekata sapolo di'a siajele mangale gena-ge ra ngoi, Yohanes ga'a ta Ma Jou'ongu Madutu ma tero sa'olo 'Ai budaka.