Yohanes 17:7 - Jaji ma Su-sungi

⁷ Nange-ne ananga raḏi waro ḏua mangale 'oru ḇato ga'a Baba reno pula'a ra Ngoi, ma 'asala ra Baba.

Yohanes 17:7 Iomraidhean Croise

Yohanes 14:20

Wakutu ma wangere enanga 'i ngadolo ḏua ga'a Ngoi dadunu to 'ahu moju, ngini ḏuanga i'a ni waro mangale Ngoi re 'Ari Ḇaḇa, ngomi mi marimoi. Re ngini ni marimoi ra Ngoi, re Ngoi to marimoi ra ngini.

Yohanes 16:15

Ba-banari mo-moini ma 'asala Tari Ḇaḇa gena-ge, re Ngoi reta waro ḏi'i. Ma sababu gena-ge Ngoi to kanau, 'oru ga'a Ma Ngagara 'Ofi-'Ofi 'i siajele ra ngini, gena-ge ma 'asala ra Ngoi.”

Yohanes 17:10

Ngowa'a mo-moini ga'a ta Ngoi, gena-ge ḏi'i ta Baba. Re ngowa'a mo-moini ga'a ta Baba, gena-ge ḏi'i ta Ngoi. Re Ngoi reto sanga mulia sababu ananga gena-ge.

Yohanes 17:6

“Baba, ngowa'a mo-moini toma dungia nena-ne ga'a Baba reno pula'a ra Ngoi, Ngoi ta siajele ra ananga gena-ge mangale Baba, la 'aḏi nana'o Baba. Ananga gena-ge 'Ani 'umata ga'a reno pula'a ra Ngoi, re raḏi mete'e 'Ani 'Idini.

Yohanes 17:8

'Ani demo ga'a Baba reno pula'a ra Ngoi, Ngoi ta siajele ḏua ra ananga. Re ananga gena-ge ya dawongo ḏua re raḏi waro mangale Ngoi mode-mode'e to sapolo ra Baba ino re ananga raḏi ngaku Baba reno 'utusu Ngoi ḏua.

Yohanes 8:28

Sababu gena-ge, Yesus 'o kanau ra ananga, “Maha ḏuanga i'a ngini ni sikau'u Ngoi, Manusia ma Ngowa'a Nau'u, kara ni waro mangale ‘Ngoi nena-ne Unanga ga'a 'o 'ahu kasingado-ngadolo i'a.’ Re ngini ḏuanga i'a ni waro mangale 'ori i'a rimoi i'a ua Ngoi ta si'a'a, mete'e Ngoi 'ari mau masiretene. Ngoi to siajele ra ngini, pa'i 'oru ḇato ga'a 'Ari Ḇaḇa 'O doto'o ra Ngoi.