Yohanes 17:6 - Jaji ma Su-sungi

⁶ “Baba, ngowa'a mo-moini toma dungia nena-ne ga'a Baba reno pula'a ra Ngoi, Ngoi ta siajele ra ananga gena-ge mangale Baba, la 'aḏi nana'o Baba. Ananga gena-ge 'Ani 'umata ga'a reno pula'a ra Ngoi, re raḏi mete'e 'Ani 'Idini.

Yohanes 17:6 Iomraidhean Croise

Yohanes 1:18

Matengo i'a mai nyangu ro oḏi'i Ma Jou'ongu Madutu, mada'a pa'i 'Ai Ngowa'a Nau'u matengo, ga'a 'O marimoi rai Ḇaḇa. Unanga gena-ge ra sibaiti re Ra sitarangi mangale Ma Jou'ongu Madutu ra ngene.

Yohanes 12:28

Dadi Ngoi to kanau so'o ne: ‘Baba, no simulia 'Ani lomanga!’ ” Ḏua iḏingi da'u diwanga tala ma betongo so'o ne: “Ngoi reta simulia re dadunu Ta simulia moju.”

Yohanes 15:19

Na'o ngini ni marimoi toma ngowa-ngowa'a ga'a toma dungia nena-ne, tantu ḏua ananga gena-ge 'aḏi dadalara ngini sa'olo manga ngowa-ngowa'a masiretene. Mada'a Ngoi reto cumutu ngini ḏua re siwola i'a tamanga sigolona. Sababu gena-ge, ananga gena-ge 'aḏi emono ngini.

Yohanes 15:3

Ngini reni 'ofi sababu ngini reni dawongo 'Ari do-doto'o.

Yohanes 15:7

Na'o ngini marimoi tau-taunu ra Ngoi re 'Ari do-doto'o ni gogono tau-taunu taninga 'akala re sinyingara ma dara, ni golo'o 'oru ḇato Tari Ḇaḇa, tantu ḏua Unanga nu pula'a ra ngini.

Yohanes 17:12

Wakutu Ngoi 'age ra ananga Ngoi nena-ne Ta'u kadiarata re Ta'u saolo Rani kuasa. Re matengo ua 'o iranga, ḏuga-ḏuga pa'i matengo ḇato, unanga gena-ge ga'a Baba reno sitantukanga ḏua di'a 'o sanga hukumu kasingado-ngadolo i'a. Gena-ge balasu 'i dadi ra unanga gena-ge, la sitotomo 'oru ga'a 'i silefo toma Boku 'Ofi-'Ofi ma dara.

Yohanes 17:14

Ngoi reta siajele ḏua ra ananga 'Ani demo-demo singadolo ngowa'a toma dungia nena-ne ya'u emono ananga, sababu ananga 'aḏi marimoi ua reo ngowa'a toma dungia nena-ne, ma tero Ngoi ḏi'i to marimoi ua reo ngowa'a toma dungia nena-ne.

Yohanes 17:16

Ngoi to marimoi ua toma ngowa'a dungia nena-ne, so'o gena ḏi'i ananga 'aḏi marimoi ua toma ngowa'a dungia nena-ne.

Yohanes 17:2

Baba reno pula'a kuasa Tani Ngowa'a Nau'u di'a 'O parenta ngowa'a mo-moini toma dungia nena-ne, la Unanga 'o pula'a 'ahu kasingado-ngadolo i'a toma ngowa'a mo-moini ga'a Reno pula'a ḏua ra Ngoi.

Yohanes 17:24

Baba, Ngoi to mau ngowa'a ga'a Baba reno pula'a ra Ngoi, ananga 'aḏi mamete'e ra Ngoi toma ngi'i ga'a Ngoi 'age, la ananga ya oḏi'i 'Ari mulia. Mulia gena-ge ga'a Baba reno pula'a ḏua ra Ngoi, sababu Baba no dadalara Ngoi wakutu dungia 'i dadi nyangu.

Yohanes 17:26

Ngoi reta siajele ḏua mangale Baba ra ananga, re Ngoi ḏuanga i'a ta siajele tau-taunu, la ananga 'aḏi basono tala 'Ani dadalara tamanga 'akala re sinyingara ma tero Ngoi to basono tala 'Ani dadalara Tari 'akala re sinyingara re dadi Ngoi ḏi'i to tegoro tamanga 'akala re sinyingara.”

Yohanes 17:7

Nange-ne ananga raḏi waro ḏua mangale 'oru ḇato ga'a Baba reno pula'a ra Ngoi, ma 'asala ra Baba.

Yohanes 18:9

Wakutu Yesus 'o kanau so'o gena, Unanga 'o sitotomo 'oru ga'a Unanga 'o manyiata 'au nga'ene: “Baba, ngowa-ngowa'a ga'a Baba no sidoa'a ra Ngoi, matengo i'a mai ua ananga 'aḏi iranga.”

Yohanes 6:37

Mada'a ngowa'a mo-moini 'Ari Ḇaḇa 'o sidoa'a ra Ngoi, ananga gena-ge ḏuanga i'a 'aḏi sapolo ra Ngoi. Re 'a guna ḇato ga'a sapolo ra Ngoi, Ngoi ta'u itomo ua.

Yohanes 6:39

Re Unanga ga'a Ro 'utusu Ngoi, Unanga 'ai mau nena-ne: Ngowa'a mo-moini ga'a Unanga sipula'a ra Ngoi, matengo i'a mai ua 'aḏi iranga. Siḏibo ḏi'i, Ngoi ḏuanga i'a dadunu Ta'u si'ahu moju ananga gena-ge toma Kiamata ma Wangere.

Yohanes 8:51

Ni ngaku mode-mode'e 'Ari demo-demo nena-ne: 'A guna ḇato ga'a 'o mete'e 'Ari demo, unanga kama sengene ua mada'a 'o 'ahu kasingado-ngadolo i'a.”

Yohanes 8:52

Ḏua ngowa'a Yahudi 'aḏi kanau ra Yesus, “Nange-ne ngomi ma waro ngana ne roh ma jira ni dungosama. Abraham masiretene ro sengene so'o gena-ge ḏi'i nabi-nabi mo-moini raḏi sengene. Dadi i'a sa'olo No kanau, ‘Na'o 'a guna ḇato 'o mete'e 'Ani demo, unanga kama sengene ua?’

Yesus 'ai so-soma'a 13:48

Wakutu ngowa-ngowa'a Yahudi ua ya 'isene demo-demo gena-ge, manga 'akala re sinyingara 'i sanangi masala, kara 'aḏi silamo'o Ma Jou'ongu Madutu 'ai lomanga. Re Ma Jou'ongu Madutu 'a sitatapu pasala ḏua ngowa-ngowa'a ga'a 'aḏi sanga 'ahu kasingado-ngadolo i'a, ananga gena-ge 'aḏi ngaku Yesus.

Roma 11:2

Dadi Ma Jou'ongu Madutu 'a upa'a ua 'Ai 'umata ga'a Unanga 'o cumutu ḏua 'ua re 'au wali moju. Ioronongoḏu ngo-ngaku rimoi, ngini ni 'elingi 'oru ga'a 'i silefo toma Boku 'Ofi-'Ofi ma dara mangale nabi Elia. Wakutu unanga 'o kalaki ra Ma Jou'ongu Madutu mangale ngowa'a Israel, unanga 'o kanau so'o ne:

2 Korintus 4:6

Sababu Ma Jou'ongu Madutu ga'a 'o kanau, “Toma hafu-hafu, balasu 'i waiti tarangi,” Unanga gena-ge ro sigare 'Ai tarangi tananga 'akala re sinyingara ma dara. Ma Jou'ongu Madutu ro si'a'a so'o gena-ge, la ngene nyengara wa sahe Unanga 'ai mulia. Unanga 'ai mulia gena-ge 'i ma tero sa'olo ma tarangi ga'a wa oḏi'i ra Kristus 'ai biono. Dadi Unanga 'a siwaiti Ma Jou'ongu Madutu 'ai mulia ra ngene.

Kolose 3:16

Ngini balasu ni 'elingi tau-taunu Kristus 'ai do-doto'o, la 'i parenta taninga de'oso re ḏegoro, demo re ganau. Dadi ngini ni mete'e ma duhu so'o ne: Ni ma'u doto'o, ni ma'u si'elingi di'a mete'e 'Ai do-doto'o reninga 'akala soro'unu. Re ni mete'e ma duhu so'o ne ḏi'i: Ni manyanyi Mazmur, puji-pujiana re manyanyi nyanyi ma lelegu. Re wakutu ngini manyanyi, ni sibere ie murasa ma la ra Ma Jou'ongu Madutu.

2 Timotius 1:13

Nange-ne, ngana balasu na mete'e rani 'akala re sinyingara mode-mode'e do-doto'o banari; enanga gena-ge 'i dadi nana'o rimoi ga'a ngoi to pula'a ra ngana. Ngana balasu no macako'o ḇato tani ngo-ngaku re no dadalara ngowa'a lelegu. Gena-ge 'i nyengara, sababu wo marimoi ra Kristus Yesus.

'Ibrani 2:12

Yesus 'o kanau ra Ma Jou'ongu Madutu so'o ne: “Ngoi ḏuanga i'a to sijarita Tari ioronongoḏu mangale Baba; Ngoi ḏuanga i'a to puji re silamo'o Baba ra ananga manga lo-lomu.”

'Ibrani 3:6

Mada'a Yesus sa'olo Ma Jou'ongu Madutu 'ai Ngowa'a Nau'u 'o cufala parenta ra Ma Jou'ongu Madutu 'ai Wala — gena-ge ma ngale: Ma Jou'ongu Madutu 'ai ngitu re ngale. Re ngene nena-ne wo osama nyo-nyoimi ra Unanga 'ai ngitu re ngale. Mada'a pa'i na'o ngene wo macako'o namo-namoto tananga ngo-ngaku re wo masinganono tau-taunu mangale 'oru ga'a ḏuanga i'a Ma Jou'ongu Madutu 'o pula'a ra ngene.

1 Petrus 1:1

Surata nena-ne ma 'asala ra ngoi 'a Petrus, 'a Yesus Kristus 'ai so-soma'a. Ioronongoḏu ngo-ngaku rimoi, ngini Ma Jou'ongu Madutu 'ai 'umata ga'a ni matai are re ni tegoro ma tero sa'olo ngowa-ngowa'a tagi-tagi ino toma daeraha Pontus, Galatia, Kapadokia, Asia re Bitinia. Ma Jou'ongu Madutu, nanga Ḇaḇa, 'o cumutu ngini ni dadi 'ai 'umata mete'e Unanga 'ai mau. Unanga 'o pake 'ai Ngagara 'Ofi-'Ofi di'a siwola i'a ngini ni dadi 'Ai 'umata, la ni mete'e mode-mode'e Ma Jou Yesus Kristus ga'a 'Ai ngaunu 'i si'ofi ngini. Ngoi to golo'o Ma Jou'ongu Madutu 'o pula'a mura re dadalara re pula'a ḏi'i dame lamo-lamo'o ra ngini.

1 Yohanes 5:20

Ngene rewo waro ḏi'i mangale Ma Jou'ongu Madutu 'ai Ngowa'a Nau'u ro sapolo re Ro pula'a wo-waro ra ngene, la ngene wu nana'o Ma Jou'ongu Madutu ga'a banari. Ngene wo 'ahu marimoi ra Ma Jou'ongu Madutu ga'a banari re wo 'ahu marimoi Rai Ngowa'a Nau'u, Yesus Kristus. Unanga gena-ge mode-mode'e ma tero Ma Jou'ongu Madutu re Unanga masiretene 'ahu kasingado-ngadolo i'a ma cimi.

Tingoýi 2:13

Ngoi ta waro ḏua ngini ni tegoro toma limau ga'a 'Iblisi 'i dadi 'olana, mada'a ngini ni ngaku Ngoi tau-taunu. Re kalaha taninga limau gena-ge ananga 'aḏi sisengene 'a Antipas 'Ari sakisi ga'a cufala madutu, ngini ni masoloto ua taninga ngo-ngaku ra Ngoi.

Tingoýi 3:10

Ngoi ta waro ḏi'i ga'a ngini ni mete'e mode-mode'e 'Ari parenta: Ni tahana re ni pake 'akala ḇanyo wakutu na sanga sikisa. Sababu gena-ge, toma dungia sitabi donga wakutu ngowa'a 'aḏi sanga ma susa re sangisara, Ngoi masiretene tini saolo ngini. Gena-ge 'i dadi wakutu Ngoi tunu tai'i ngowa'a mo-moini toma dungia sitabi donga.

Tingoýi 3:8

Ngoi reto waro mangale ngini ninga de'oso re ḏegoro: Kalaha ngini ni te'e siḏi nyangu ngini reni mete'e Ngoi 'ari do-doto'o mode-mode'e re ni masoloto ua nana'o Ngoi. Dadi oḏi'i, Ngoi to welanga ngalana ḏua di'a ngini. Ngalana gena-ge matengo i'a mai ua nga'unu ya kuci.