Yohanes 17:4 - Jaji ma Su-sungi

⁴ Baba, Ngoi tini simulia ḏua toma dungia nena-ne, sababu Ngoi ta siḏuanga 'Ani munara ga'a Baba no siwatasa ra Ngoi.

Yohanes 17:4 Iomraidhean Croise

Lukas 22:37

Sababu Ngoi to siajele ra ngini nena-ne: 'Oru ga'a 'i silefo ḏua toma Boku 'Ofi-'Ofi enanga balasu 'i dadi ra Ngoi. Bu-bula'a toma Boku 'Ofi-'Ofi enanga ma betongo so'o ne: ‘Ngowa'a 'aḏi 'a'a Unanga ma tero sa'olo ngowa'a ma jira.’ Nena-ne sa'i dadi toma 'orasa nange-ne.”

Yohanes 12:28

Dadi Ngoi to kanau so'o ne: ‘Baba, no simulia 'Ani lomanga!’ ” Ḏua iḏingi da'u diwanga tala ma betongo so'o ne: “Ngoi reta simulia re dadunu Ta simulia moju.”

Yohanes 14:13

Re 'oru ḇato ga'a ngini golo'o ra Ngoi ni pake 'Ari lomanga, Ngoi ta si'a'a di'a ngini, la Ngoi to sigasa puji re silamo'o Tari Ḇaḇa.

Yohanes 14:31

Mada'a mo-moini gena-ge balasu 'i dadi, la ngowa-ngowa'a ga'a toma dungia 'aḏi ma'insafu mangale Ngoi to dadalara 'Ari Ḇaḇa re Ta si'a'a 'oru ga'a Unanga 'o soma'a Ngoi. Ino ngene wa soi'i tala ngi'i nena-ne.”

Yohanes 15:10

Na'o ngini ni mete'e 'Ari parenta, ngini ni marimoi ra Ngoi tau-taunu re ni basono tala 'Ari dadalara. Gena-ge ma tero Ngoi reto mete'e 'Ari Ḇaḇa 'Ai parenta re To marimoi ra Unanga, re dadi Ngoi to basono tala 'Ai dadalara tau-taunu.

Yohanes 19:28

Gena ḏua, Yesus ra waro mangale mo-moini gena-ge 'i ḏu-ḏuanga ḏua re la mo-moini 'oru ga'a 'i silefo ḏua toma Boku 'Ofi-'Ofi ri sitotomo, Unanga 'o kanau, “Ngoi 'Ari camala dudungu.”

Yohanes 19:30

Yesus 'a ḇowisi ma 'anggur gena-ge togumu i'a, Unanga 'o kanau, “Togumu ḏua!” Gena ḏua, Unanga 'a ruku tala 'Ai sae'e re 'Ai sangagara 'i togumu.

Yohanes 4:34

Yesus 'o kanau ra ananga, “Mete'e Ma Jou'ongu Madutu ga'a Ro 'utusu Ngoi, Unanga 'ai mau re siḏuanga munara ga'a Unanga ro pula'a ra Ngoi, gena-ge Ngoi 'ari ngo-ngoromo!

Yohanes 5:36

Mada'a 'age sakisi ga'a lebe lamo'o i'a rea Yohanes. Gena-ge 'Ari munara ga'a Ngoi ta si'a'a nange-ne re 'Ari Ḇaḇa ro sipula'a munara gena-ge ra Ngoi di'a Ta siḏuanga. Munara gena-ge masiretene 'i pula'a sakisi mangale 'Ari Ḇaḇa Ro 'utusu Ngoi.

Yohanes 9:3

Yesus 'a sangoro, “Unanga 'o hafu ma sababu unanga masiretene 'ai ḏosa bolo 'ai ḇaḇa re ngina manga ḏosa ua. Mada'a gena-ge 'i dadi, la ngowa'a ya oḏi'i re waro mangale Ma Jou'ongu Madutu 'ai kuasa 'i waiti ra unanga.

Yesus 'ai so-soma'a 20:24

Mada'a ngoi ta kalesanga ua mangale ngoi 'ari 'ahu. Ngoi balasu ta siḏuanga 'ari munara nena-ne ga'a Ma Jou Yesus 'a siwatasa ḏua ra ngoi di'a ta singadolo Habari Roanga mangale Ma Jou'ongu Madutu 'ai mura re dadalara singadolo 'ari 'ahu ma ḏo-ḏogumu.

2 Timotius 4:7

Ngoi reto singadolo tau-taunu Habari Roanga ma tero sa'olo ngowa'a 'aḏi mete'e ma lelebe lalara re ngoi to ngadolo ma ḏo-ḏogumu toma la-la re rousu ma dara. Ngoi reto mete'e tau-taunu Kristus Yesus 'ai do-doto'o banari singadolo 'ari 'ahu ma ḏo-ḏogumu.