Yohanes 17:3 - Jaji ma Su-sungi

³ 'Ahu kasingado-ngadolo i'a ma ngale so'o ne: Ngowa'a 'aḏi nana'o 'Ari Ḇaḇa, 'aḏi nana'o Ngoi ḏi'i. 'Ari Ḇaḇa pa'i matengo ḇato ga'a Ma Jou'ongu Madutu mode-mode'e; re Ngoi, Yesus Kristus ga'a 'Ari Ḇaḇa Ri 'utusu.

Yohanes 17:3 Iomraidhean Croise

Markus 9:37

“ 'A guna ḇato ga'a dawongo ngowa 'olo so'o nena-ne sababu unanga gena-ge 'o mete'e Ngoi, unanga gena-ge ma tero ḏi'i 'o dawongo Ngoi. Re pa'i Ngoi ḇato ua, mada'a 'o dawongo Unanga ga'a 'O cumutu Ngoi.”

Lukas 9:48

Ḏua 'o kanau i'a Tai me-mete'e, “ 'A guna 'o dawongo ngowa 'olo matengo ma tero sa'olo ngowa 'olo nena-ne sababu unanga 'o mete'e Ngoi, unanga gena-ge ro dawongo Ngoi ḏi'i. Re 'a guna 'o dawongo Ngoi, 'o dawongo Ma Jou'ongu Madutu ga'a 'o 'utusu Ngoi. Sababu 'a guna ga'a 'o maholo taninga sigolona, unanga gena-ge 'o dadi ngowa'a lebe la-lamo'o.”

Yohanes 10:36

Momongolo ua, Ngoi nena-ne, Ma Jou'ongu Madutu masiretene 'o siwola i'a Ngoi re Unanga 'o 'utusu Ngoi di'a to sapolo toma dungia nena-ne. Dadi, i'a sa'olo ngini kanau Ngoi to si'u'u ua Ma Jou'ongu Madutu, sababu Ngoi to kanau, ‘Ngoi Ma Jou'ongu Madutu 'ai Ngowa'a Nau'u’?!

Yohanes 11:42

Ngoi to waro Baba na 'isene tau-taunu 'Ari go-golo'o, mada'a Ngoi to kanau so'o gena-ge nange-ne di'a ngowa-ngowa'a ga'a ananga ya oḏi'i, la 'aḏi ngaku Baba reno 'utusu Ngoi.”

Yohanes 14:26

Mada'a Ri-riono, Ma Ngagara 'Ofi-'Ofi ga'a Ma Jou'ongu Madutu ḏuanga i'a 'o 'utusu Rai kuasa, Enanga gena-ge ḏuanga i'a 'I doto'o ngini re 'I si'elingi ngini 'oru ḇato ga'a Ngoi to siajele pasala ḏua ra ngini.

Yohanes 17:18

Ma tero sa'olo 'Ari Baba reno 'utusu Ngoi toma dungia nena-ne, so'o gena ḏi'i Ngoi ta'u 'utusu ananga toma dungia nena-ne.

Yohanes 17:21

Ngoi to golo'o ra Baba mangale ananga mo-moini gena-ge 'aḏi marimoi ma tero Baba marimoi ra Ngoi, re Ngoi to marimoi ra Baba. Na'o nyengara gari'a ananga 'aḏi marimoi ra Ngene, la ngowa'a toma dungia nena-ne ananga ḏuanga i'a 'aḏi ngaku mangale Baba reno 'utusu Ngoi.

Yohanes 17:23

Ngoi to marimoi ra ananga re Baba no marimoi ra Ngoi, la ananga mode-mode'e 'aḏi marimoi. Ḏua ngowa'a toma dungia ḏuanga i'a ya waro mangale Baba masiretene Reno 'utusu Ngoi, re Baba no dadalara ananga ma tero Baba no dadalara Ngoi.

Yohanes 17:25

Baba ga'a no 'adili, kalaha ngowa'a toma dungia nena-ne 'aḏi nana'o Baba ua, mada'a Ngoi to nana'o Baba. Re 'Ari me-mete'e 'aḏi waro mangale Baba reno 'utusu Ngoi.

Yohanes 17:8

'Ani demo ga'a Baba reno pula'a ra Ngoi, Ngoi ta siajele ḏua ra ananga. Re ananga gena-ge ya dawongo ḏua re raḏi waro mangale Ngoi mode-mode'e to sapolo ra Baba ino re ananga raḏi ngaku Baba reno 'utusu Ngoi ḏua.

Yohanes 3:17

Sababu Ma Jou'ongu Madutu 'o 'utusu 'Ai Ngowa'a Nau'u di'a sihukumu ua manusia toma dungia nena-ne, mada'a di'a sisalamata ananga gena-ge.

Yohanes 3:34

Sababu ngowa'a matengo ga'a Ma Jou'ongu Madutu 'o 'utusu Unanga gena-ge 'a singadolo Ma Jou'ongu Madutu 'ai demo-demo. Re Ma Jou'ongu Madutu 'o siromanga Unanga reo Ma Ngagara 'Ofi-'Ofi.

Yohanes 5:44

Ngini ni ma'u dawongo puji re silamo'o matengo re matengo, mada'a ni makutale ua sanga puji re silamo'o ra Ma Jou'ongu Madutu tala, ga'a Unanga pa'i matengo ḇato. Dadi sanga ua, ngini ni ngaku Ngoi.

Yohanes 6:57

'Ari Ḇaḇa, Unanga 'ahu ma cimi, Ro 'utusu Ngoi re Ngoi to 'ahu ra Unanga ino. So'o gena ḏi'i, ngowa'a ga'a oromo 'Ari lese, ananga 'aḏi sanga 'ahu ra Ngoi.

Yohanes 7:29

Ngoi to nana'o Unanga, sababu Ngoi 'ari 'asala ra Unanga ino re Unanga gena-ge Ro 'utusu ngoi.”

Yohanes 8:19

Ḏua ngowa'a Farisi 'aḏi sano ra Unanga, “ 'Ani Ḇaḇa gena-ge Unanga le'a?” Yesus 'a sangoro, “Ngini ni nana'o Ngoi ua re ni nana'o ua ḏi'i 'Ari Ḇaḇa. Na'o ngini nana'o Ngoi, tantu ḏi'i ni nana'o 'Ari Ḇaḇa.”

1 Korintus 15:34

Ngini balasu ni ma'insafu re madaga'a ḏosa rawara: 'Age rema ngowa-ngowa'a taninga sigolona ga'a 'aḏi nana'o nyangu Ma Jou'ongu Madutu sababu 'aḏi ngaku ua Unanga ḏuanga i'a 'O dadunu si'ahu ngowa'a toma ngowa'a senge-sengene manga sigolona. Ngoi ta siajele gena-ge, la ngini ni basono mara'a!

1 Korintus 8:4

Sababu gena-ge mangale oromo ngo-ngoromo ga'a sipula'a re 'i dadi jou-jou toma jou'ongu ma somoara. Ngene wa waro mangale rimoi i'a mai ua jou'ongu ma somoara toma dungia ne, 'i 'ahu-'ahu. Re ngene wo waro ḏi'i, Ma Jou'ongu Madutu Unanga gena-ge pa'i matengo ḇato; lelegu 'i cua.

2 Korintus 4:6

Sababu Ma Jou'ongu Madutu ga'a 'o kanau, “Toma hafu-hafu, balasu 'i waiti tarangi,” Unanga gena-ge ro sigare 'Ai tarangi tananga 'akala re sinyingara ma dara. Ma Jou'ongu Madutu ro si'a'a so'o gena-ge, la ngene nyengara wa sahe Unanga 'ai mulia. Unanga 'ai mulia gena-ge 'i ma tero sa'olo ma tarangi ga'a wa oḏi'i ra Kristus 'ai biono. Dadi Unanga 'a siwaiti Ma Jou'ongu Madutu 'ai mulia ra ngene.

Filipi 3:10

Pa'i rimoi ḇato ga'a ngoi to mau, gena-ge mangale ngoi lebe to nana'o Kristus: Ngoi ta basono 'Ai kuasa tari 'ahu ma dara. Kuasa gena-ge ma tero Ma Jou'ongu Madutu 'ai kuasa ga'a dadunu 'U si'ahu moju Unanga toma ngowa'a senge-sengene manga sigolona. Re ḏi'i ngoi ta basono sangisara ma tero sa'olo Unanga ra basono singadolo ngoi nyengara to sengene ma duhu ma tero sa'olo Unanga 'o sengene.

Filipi 3:8

Pa'i gena-ge ḇato ua, mada'a mo-moini ma tero sa'olo enanga gena-ge ga'a ngoi ta 'a'a ma siḏa, nange-ne ngoi ta site-tero enanga gena-ge ma faeda 'i cua ra ngoi. 'Oru ga'a 'age ra ngoi toma 'orasa nange-ne enanga ma ijana lai hali madutu, gena-ge mangale nana'o Kristus Yesus 'ari Jou. Sababu Kristus, ngoi ta sieanga mo-moini ga'a ma siḏa ngoi to site-tero 'i sigasa Ma Jou'ongu Madutu 'ai barakati ra ngoi. Mo-moini gena-ge ma tero sa'olo jeremoto, la ngoi nga'unu to dawongo Kristus,

1 Tesalonika 1:9

Ngowa'a mo-moini ya sijarita mangale ma duhu sa'olo 'au nga'ene ngomi mi sapolo i'a, re ma duhu sa'olo ngini ni dawongo minga do-doto'o: Ngini rena upa'a ninga jou'ongu ma somoara re ni silamo'o re siḏubuso mode-mode'e re ni de-de'oso Ma Jou'ongu Madutu pa'i matengo ḇato, Unanga ga'a 'o 'ahu.

2 Tesalonika 1:8

Unanga ḏuanga i'a 'o 'uci da'u soroga tala Rai u'u leja-lejanga di'a sihukumu 'a guna ḇato 'aḏi nana'o ua Ma Jou'ongu Madutu, bolo mete'e ua Habari Roanga mangale Yesus nanga Jou.

'Ibrani 3:1

Sababu gena-ge, ioronongoḏu ngo-ngaku rimoi ngene mo-moini ga'a Ma Jou'ongu Madutu ro cumutu re siwola i'a ḏua di'a wo osama toma soroga, ino ngene wa fikiri ngido-ngido mangale Yesus gena-ge. Unanga Ma Jou'ongu Madutu 'ai so-soma'a re nanga 'Imam 'Agung ga'a ngene rewo ngaku.

2 Petrus 1:2

Ngoi to golo'o ra Ma Jou'ongu Madutu, la 'O pula'a 'Ai mura re dadalara re 'Ai dame pai-pai'i ra ngini sababu ngini reni nana'o Ma Jou'ongu Madutu re nana'o Yesus, nanga Jou.

2 Petrus 1:3

Ma Jou'ongu Madutu 'a siḏagi 'Ai kuasa 'O pula'a 'oru ḇato ga'a ngene paralu, la nanga 'ahu nyengara 'i cuḏuḏu'u Ma Jou Yesus. Nange-ne ngene nyengara wa si'a'a sababu ngene rewo nana'o Ma Jou'ongu Madutu. Re sababu 'Ai 'akala re sinyingara la-la masala re 'Ai kabasarana, Unanga gena-ge na 'aro'o ngene, la ngene dadi 'Ai ngowa-ngowa'a,

2 Petrus 1:8

Na'o ngini ninga tabeata ma tero so'o gena-ge 'i sidogo de-de'e tau-taunu taninga de'oso re ḏegoro; gena-ge ma tero sa'olo sowo'o re barakati. Enanga gena-ge nana'o rimoi mangale ngini ni nana'o mode-mode'e Yesus Kristus, nanga Jou.

1 Yohanes 1:2

Wakutu Unanga, ga'a 'o pula'a 'ahu gena-ge, 'o masijumu ra ngomi masiretene ma sisakisi tala. Sababu gena-ge, nange-ne ngomi ma singadolo ra ngini. Ngomi mi singadolo ra ngini mangale Unanga gena-ge 'o pula'a 'ahu kasingado-ngadolo i'a. Unanga ro masijumu ra ngomi, re wakutu dungia 'i sidadi nyangu, Unanga gena-ge 'o marimoi ra Ma Jou'ongu Madutu 'ai Ḇaḇa.

1 Yohanes 1:3

Dadi 'oru ga'a ngomi ma oḏi'i re 'isene ḏua, nange-ne ngomi ma singadolo ra ngini, la ngini ni 'ahu marimoi ra ngomi. Sidogo ḏi'i, ngene wo 'ahu marimoi ḏua ra Ma Jou'ongu Madutu nanga Ḇaḇa re 'Ai Ngowa'a Nau'u, Yesus Kristus.

1 Yohanes 2:23

Ngowa'a matengo ga'a dawongo ua, Ma Jou'ongu Madutu 'ai Ngowa'a Nau'u, unanga 'o marimoi ua ḏi'i ra Ma Jou'ongu Madutu. Mada'a 'a guna ḇato 'o mangaku Yesus, Ma Jou'ongu Madutu 'ai Ngowa'a Nau'u, unanga gena-ge 'o marimoi ḏi'i ra Ma Jou'ongu Madutu.

1 Yohanes 4:6

Mada'a ngene Ma Jou'ongu Madutu 'ai ngowa-ngowa'a. Ngowa-ngowa'a ga'a 'aḏi nana'o Ma Jou'ongu Madutu, ananga ya 'isene ngene nanga demo. Ngowa'a ga'a Ma Jou'ongu Madutu 'ai ngowa-ngowa'a ua, ananga 'aḏi 'isene ngene nanga demo ua. Gena-ge 'i dadi didina'o rimoi mangale ma duhu sa'olo ngene wa waro 'a guna Ma Ngagara 'Ofi-'Ofi, ga'a doto'o ba-banari, ya'u ḏegoro, re 'a guna 'Iblisi ya'u ḏegoro re ya'u sihaga.

1 Yohanes 5:20

Ngene rewo waro ḏi'i mangale Ma Jou'ongu Madutu 'ai Ngowa'a Nau'u ro sapolo re Ro pula'a wo-waro ra ngene, la ngene wu nana'o Ma Jou'ongu Madutu ga'a banari. Ngene wo 'ahu marimoi ra Ma Jou'ongu Madutu ga'a banari re wo 'ahu marimoi Rai Ngowa'a Nau'u, Yesus Kristus. Unanga gena-ge mode-mode'e ma tero Ma Jou'ongu Madutu re Unanga masiretene 'ahu kasingado-ngadolo i'a ma cimi.