Yohanes 17:1 - Jaji ma Su-sungi

¹ Yesus 'o kanau so'o gena togumu i'a, unanga 'o talaḏi ie diwanga re 'O manyiata, “Baba nange-ne ma 'orasa ri ngadolo, simulia 'Ani Ngowa'a Nau'u, la 'Ani Ngowa'a Nau'u ḏi'i 'O simulia Baba.

Yohanes 17:1 Iomraidhean Croise

Markus 14:41

Wakutu Yesus 'o maḏibo ino ra ananga ma soi ro'ange, Unanga 'o kanau, “Ni mangomasa re ni otu moju? Ngadolo nena-ne, ma 'orasa 'i ngadolo ḏua, Ngoi, Manusia ma Ngowa'a Nau'u, sipula'a toma ngowa'a baraḏosa.

Lukas 18:13

Mada'a ngowa'a golo-golo'o balastengi gena-ge 'o te'oso toma giḏanga re 'ai biono talaḏi ie diwanga ua, 'a sata-sata katere re 'o kanau, ‘Ya Ma Jou'ongu Madutu no sijumu 'Ani 'akala re sinyingara ma la-la ra ngoi, ngowa'a baraḏosa!’ ”

Lukas 22:53

Ma wangere ma jelele gena, Ngoi 'age taninga sigolona ra Ma Jou'ongu Madutu 'ai Wala, mada'a ngini ni cako'o Ngoi ua. Mada'a nena-ne enanga ma 'orasa 'i ngadolo ngini na si'a'a sababu 'Iblisi ma kuasa 'i ḏegoro manusia.”

Yohanes 11:4

Wakutu Yesus 'a 'isene habari gena-ge, Unanga 'o kanau, “Si-siḏi gena-ge 'i sigasa toma sengene ua. Gena-ge ri dadi, la ngowa'a 'aḏi oḏi'i Ma Jou'ongu Madutu 'ai kuasa re 'aḏi silamo'o masala ḏi'i Unanga gena-ge 'Ai Ngowa'a Nau'u.”

Yohanes 11:41

Dadi ananga ya silage ma maḏi kubu ma da-damunu. Gena ḏua, Yesus 'o talaḏi ie diwanga re 'O kanau: “Murasa ma la Baba, sababu Baba rena dawongo ḏua 'Ari go-golo'o.

Yohanes 12:23

Yesus 'o kanau i'a ra ananga, “Ma 'orasa 'i ngadolo ḏua di'a ngowa'a 'aḏi silamo'o Ngoi, Manusia ma Ngowa'a Nau'u.

Yohanes 13:1

Wakutu Paskah ma Wangere ma laya sa'i ri ngadolo, Yesus 'a waro mangale 'ai 'orasa 'i ngadolo di'a Unanga 'a sisoi'i tala dungia nena-ne re 'O maḏibo Tai Ḇaḇa. Unanga 'o dadalara 'Ai me-mete'e, re 'o dadalara ti-tiai ananga gena-ge singadolo 'Ai 'ahu ma ḏo-ḏogumu.

Yohanes 16:32

Mada'a ma 'orasa 'i ngadolo re nange-ne 'i ngadolo ḏua, wakutu ngini ni matai are ni maḏibo taninga wala matengo-matengo re ni sisoi'i tala Ngoi masiretene. Mada'a Ngoi to matengo ua, sababu 'Ari Ḇaḇa 'o mamete'e ra Ngoi.

Yohanes 7:30

Toma 'orasa gena-ge, ananga 'aḏi tai'i cako'o 'a Yesus, mada'a matengo i'a mai ua nga'unu 'o gu'u Unanga sababu 'Ai 'orasa 'i ngadolo nyangu.

Yohanes 7:39

Yesus 'ai demo-demo so'o gena-ge mangale Ma Ngagara 'Ofi-'Ofi wakutu ngowa'a ga'a raḏi ngaku Unanga, ḏuanga i'a ya dawongo. Toma 'orasa gena-ge Ma Ngagara 'Ofi-'Ofi 'i sipula'a nyangu, sababu Yesus 'o sanga mulia nyangu.

Yohanes 8:20

Mo-moini gena-ge Yesus 'o kanau wakutu Unanga 'o doto'o ra Ma Jou'ongu Madutu 'ai Wala ma soana, Unanga tegoro co-cori toma jou-jou ma burua. Mada'a matengo i'a mai ua 'o cako'o Unanga, sababu ma 'orasa enanga 'i ngadolo nyangu.

Yesus 'ai so-soma'a 3:13

Na 'isene! Abraham, Ishak re 'a Yakub re ngene nanga ete re dotumu 'aḏi silamo'o re siḏubuso Ma Jou'ongu Madutu. Unanga gena-ge 'o silamo'o Yesus, Unanga 'Ai falalomu. Mada'a 'a Yesus ne, ngini nu sipula'a ra Pilatus. Re kalaha 'a Pilatus mau 'U sibebasa Unanga, ngini ni golo'o Pilatus 'o soma'a 'ai sordado-sordado 'aḏi sisalib Unanga!

1 Petrus 1:21

Sababu Kristus 'ai ga'a di'a ngini, ngini ni ngaku ra Ma Jou'ongu Madutu ga'a dadunu 'O si'ahu moju Kristus gena-ge toma ngowa'a senge-sengene manga sigolona re 'U simulia Unanga ḏi'i. Sababu gena-ge, ngini ni nganono re ni ngaku ra Ma Jou'ongu Madutu, mangale Unanga ḏuanga i'a 'o sisalamata ngini ḏi'i.