Yohanes 16:3 - Jaji ma Su-sungi

³ Mada'a ananga 'aḏi 'a'a so'o gena-ge, sababu ananga 'aḏi nana'o ua 'Ari Ḇaḇa bolo Ngoi.

Yohanes 16:3 Iomraidhean Croise

Lukas 10:22

'Ori i'a mo-moini, 'Ari Ḇaḇa ra sidoa'a ra Ngoi. Matengo i'a mai ua 'o nana'o Ngoi ḏuga-ḏuga pa'i 'Ari Ḇaḇa ḇato. Matengo i'a mai ua 'o nana'o 'Ari Ḇaḇa ḏuga-ḏuga pa'i Ngoi re ra guna ḇato ga'a Ngoi to siajele mangale 'Ari Ḇaḇa.”

Yohanes 15:21

Mo-moini gena-ge ananga ḏuanga i'a ya si'a'a ra ngini, sababu ngini Ngoi 'ari me-mete'e. Re ḏi'i sababu ananga 'aḏi nana'o ua Unanga ga'a Ro 'utusu Ngoi.

Yohanes 15:23

'A guna ḇato ga'a emono Ngoi, unanga ḏi'i 'o emono 'Ari Ḇaḇa.

Yohanes 17:25

Baba ga'a no 'adili, kalaha ngowa'a toma dungia nena-ne 'aḏi nana'o Baba ua, mada'a Ngoi to nana'o Baba. Re 'Ari me-mete'e 'aḏi waro mangale Baba reno 'utusu Ngoi.

Yohanes 17:3

'Ahu kasingado-ngadolo i'a ma ngale so'o ne: Ngowa'a 'aḏi nana'o 'Ari Ḇaḇa, 'aḏi nana'o Ngoi ḏi'i. 'Ari Ḇaḇa pa'i matengo ḇato ga'a Ma Jou'ongu Madutu mode-mode'e; re Ngoi, Yesus Kristus ga'a 'Ari Ḇaḇa Ri 'utusu.

Yohanes 8:19

Ḏua ngowa'a Farisi 'aḏi sano ra Unanga, “ 'Ani Ḇaḇa gena-ge Unanga le'a?” Yesus 'a sangoro, “Ngini ni nana'o Ngoi ua re ni nana'o ua ḏi'i 'Ari Ḇaḇa. Na'o ngini nana'o Ngoi, tantu ḏi'i ni nana'o 'Ari Ḇaḇa.”

Yohanes 8:55

Kalaha ngini ni nana'o Unanga gena-ge ua, Ngoi tu nana'o. Na'o Ngoi to kanau Tu nana'o Unanga ua, Ngoi to dadi ngowa'a sa-sakala ma tero sa'olo ngini. Mada'a Ngoi tu nana'o Unanga re To mete'e 'Ai demo-demo.

Yesus 'ai so-soma'a 3:17

Ioronongoḏu ngowa'a Yahudi, ngoi ta waro ngini mo-moini: bae ngini, bae ninga bi-biri'i, ngini ni maḏiga'a ra Yesus so'o gena-ge sababu ni waro ua Yesus gena-ge 'O Kristus.

1 Korintus 2:8

Matengo i'a mai ua, toma ngowa'a ga'a remanga kuasa manga sigolona, ananga ya waro mangale 'akala soro'unu gena-ge. Sababu, na'o ananga ya waro, tantu ananga 'U salib ua nanga Jou, Unanga ga'a 'O mulia.

2 Tesalonika 1:8

Unanga ḏuanga i'a 'o 'uci da'u soroga tala Rai u'u leja-lejanga di'a sihukumu 'a guna ḇato 'aḏi nana'o ua Ma Jou'ongu Madutu, bolo mete'e ua Habari Roanga mangale Yesus nanga Jou.

1 Timotius 1:13

'Au wali, wakutu ngoi to ngaku Yesus nyangu, ngoi to je-jengere Unanga re to sisikisa kama sijumu ua 'akala re sinyingara ma la-la toma ngowa'a ngaku Yesus. Kalaha so'o gena, Ma Jou'ongu Madutu 'o sijumu 'Ai 'akala re sinyingara ma la-la, sababu ngoi ta waro ua 'oru ga'a ngoi ta 'a'a sababu ngoi to ngaku Yesus nyangu.

1 Yohanes 2:23

Ngowa'a matengo ga'a dawongo ua, Ma Jou'ongu Madutu 'ai Ngowa'a Nau'u, unanga 'o marimoi ua ḏi'i ra Ma Jou'ongu Madutu. Mada'a 'a guna ḇato 'o mangaku Yesus, Ma Jou'ongu Madutu 'ai Ngowa'a Nau'u, unanga gena-ge 'o marimoi ḏi'i ra Ma Jou'ongu Madutu.

1 Yohanes 3:1

Ngene mode-mode'e wo heranga ma duhu sa'olo Ma Jou'ongu Madutu na dadalara ngene: Ngene nena-ne, Unanga 'o si'aro'o 'Ai ngowa-ngowa'a! Re mode-mode'e ngene Ma Jou'ongu Madutu 'ai ngowa-ngowa'a! Ngowa'a ga'a ngaku Yesus ua 'aḏi mangaku ua ngene sa'olo Ma Jou'ongu Madutu 'ai ngowa-ngowa'a, sababu ananga gena-ge 'aḏi nana'o Ma Jou'ongu Madutu ua.

1 Yohanes 4:8

Ngowa'a ga'a kamanga dadalara ua, 'aḏi nana'o Ma Jou'ongu Madutu ua, sababu Ma Jou'ongu Madutu gena-ge dadalara ma cimi.

1 Yohanes 5:20

Ngene rewo waro ḏi'i mangale Ma Jou'ongu Madutu 'ai Ngowa'a Nau'u ro sapolo re Ro pula'a wo-waro ra ngene, la ngene wu nana'o Ma Jou'ongu Madutu ga'a banari. Ngene wo 'ahu marimoi ra Ma Jou'ongu Madutu ga'a banari re wo 'ahu marimoi Rai Ngowa'a Nau'u, Yesus Kristus. Unanga gena-ge mode-mode'e ma tero Ma Jou'ongu Madutu re Unanga masiretene 'ahu kasingado-ngadolo i'a ma cimi.