Yohanes 16:2 - Jaji ma Su-sungi

² Ngowa'a ḏuanga i'a 'aḏi dusu'u ngini toma wala-wala puji. Ma nyonyata enanga ma 'orasa ḏuanga i'a 'i ngadolo wakutu ngowa'a ga'a 'aḏi sisengene ngini, ananga 'aḏi ta'ajiri 'aḏi siḏagi Ma Jou'ongu Madutu 'ai 'akala ma mau.

Yohanes 16:2 Iomraidhean Croise

Matias 10:28

Awa ni mojongo manusia. Sababu ananga pa'i 'aḏi sisengene ninga lese, mada'a manga kuasa 'i cua di'a sihukumu ngini toma naraka. Momongolo ua Ma Jou'ongu Madutu, Unanga rai kuasa, 'O sisengene ninga lese re 'O sihukumu ngini toma naraka. Sababu gena-ge, mojongo pa'i Ma Jou'ongu Madutu ḇato.

Matias 24:9

Toma 'orasa gena-ge, ngini sanga cako'o re sipula'a toma ngowa'a ma jira di'a sisikisa ngini re nu'u sisengene. Ngowa'a mo-moini toma dungia sitabi donga, ananga 'aḏi emono ngini sababu Ngoi 'ari me-mete'e.

Lukas 6:22

Bara'utungu ngini, na'o ngowa'a 'aḏi emono ngini, 'aḏi dawongo ngini ua, sipake-pake ngini ua, re 'aḏi sikanau ngini, sababu ngini ni mete'e Ngoi, Manusia ma Ngowa'a Nau'u.

Yohanes 12:42

Kalaha Yesaya 'o kanau so'o gena-ge Yahudi manga bi-biri'i tamanga sigolona manga repe 'aḏi ngaku Yesus. Mada'a ananga gena-ge 'aḏi siajele ua manga ngo-ngaku toma mandan, sababu 'aḏi mojongo ngowa'a Farisi ya'u simaha ua ananga gena-ge di'a 'aḏi osama toma wala puji.

Yohanes 16:25

“Mo-moini gena-ge Ngoi reto kanau ra ngini to pake 'ade-'ade. Mada'a ḏuanga i'a ma 'orasa 'i ngadolo Ngoi to pake 'ade-'ade riwara, mada'a to kanau sitarangi i'a ra ngini mangale 'Ari Ḇaḇa.

Yohanes 16:32

Mada'a ma 'orasa 'i ngadolo re nange-ne 'i ngadolo ḏua, wakutu ngini ni matai are ni maḏibo taninga wala matengo-matengo re ni sisoi'i tala Ngoi masiretene. Mada'a Ngoi to matengo ua, sababu 'Ari Ḇaḇa 'o mamete'e ra Ngoi.

Yohanes 4:21

Yesus 'o kanau, “No ngaku Ngoi. Ḏuanga i'a ma 'orasa 'i ngadolo wakutu ngowa'a 'aḏi silamo'o re siḏubuso Ma Jou'ongu Madutu toma ngi'i le'a ḇato; pa'i toma kie nena-ne ḇato ua bolo pa'i toma limau Yerusalem ḇato ua ḏi'i.

Yohanes 4:23

Mada'a enanga ma 'orasa ḏuanga i'a 'i ngadolo - re nange-ne ma 'orasa gena-ge 'i ngadolo ḏua - wakutu ngowa-ngowa'a ga'a mau 'aḏi silamo'o re siḏubuso Ma Jou'ongu Madutu manga Ḇaḇa ananga gena-ge balasu 'aḏi pake Ma Ngagara 'Ofi-'Ofi re pa'i 'aḏi mete'e Ma Jou'ongu Madutu 'ai ba-banari ḇato. Sababu ananga ga'a 'aḏi silamo'o re siḏubuso so'o gena-ge 'aḏi sisanangi Ma Jou'ongu Madutu 'ai 'akala re sinyingara.

Yohanes 9:22

'Ai ḇaḇa re ngina, ananga 'aḏi kanau so'o gena-ge, sababu ananga 'aḏi mojongo ngowa'a Yahudi manga bi-biri'i: Na'o 'a guna ḇato 'o mangaku Yesus, Unanga 'O Kristus, unanga gena-ge 'o osama toma wala puji riwara.

Yohanes 9:34

Ananga ya sangoro, “ 'Oru? Ngana no siromanga reo ḏosa wakutu sibuoro tala moju, nange-ne ngana no mau doto'o ngomi?!” Mulaingi gena-ge re sino ananga 'aḏi simaha ua unanga gena-ge 'o osama toma wala puji.

Yesus 'ai so-soma'a 5:33

Wakutu Mahkamah 'Agama ya 'isene so'o gena, ananga 'aḏi ruta masala re 'aḏi ma'u fakati ya'u sisengene Yesus 'ai so-soma'a.

Yesus 'ai so-soma'a 7:56

Stefanus 'o kanau, “Oḏi'i! Ngoi to oḏi'i soroga ma ngalana 'i welanga re Manusia ma Ngowa'a Nau'u 'o made-de'oso ra Ma Jou'ongu Madutu 'ai giama ma kuwiḏa i'a.”

1 Korintus 4:13

Wakutu ngowa'a 'aḏi sikanau ngomi ci-cira, ngomi mi balasa ra ananga mi kanau la-la. Singadolo 'orasa nange-ne ngowa'a 'aḏi 'a'a ngomi ma tero sa'olo ngomi mi dadi jeremoto ga'a 'aḏi upa'a toma di'anga. Ananga 'aḏi ta'ajiri ngomi sa'olo ngowa'a ga'a sifaja 'o dungia.

Filipi 3:6

Ngoi to mete'e mode-mode'e 'a Musa 'ai hukumu singadolo ngoi to sisikisa ngowa-ngowa'a ngaku Yesus. Re ngoi to cufala masala to mete'e Musa 'ai hukumu mo-moini, singadolo matengo i'a mai ua nyengara 'o kanau, ceka'a i'a mai ua, ngoi Paulus ta mete'e ua.

Tingoýi 6:9

Gena ḏua, Doba ma Ngowa 'a woi'i ma segele ma nyo-nyoimi romotoa. Re ngoi to oḏi'i ngowa'a manga nyawa toma jou-jou ma ngi'i ma 'aḏu. Ngowa-ngowa'a 'aḏi sisengene ananga gena-ge sababu ananga sa'olo sakisi cufala ga'a 'aḏi singadolo Ma Jou'ongu Madutu 'ai demo.