Yohanes 16:10 - Jaji ma Su-sungi

¹⁰ Enanga 'i sitarangi ra ananga gena-ge mangale Ngoi mode-mode'e ngowa'a loasa re banari, sababu Ngoi to tagi Tari Ḇaḇa re 'aḏi oḏi'i Ngoi riwara.

Yohanes 16:10 Iomraidhean Croise

Yohanes 16:28

Ngoi 'ari 'asala Tari Ḇaḇa, re To sapolo ḏua toma dungia nena-ne. Mada'a nange-ne Ngoi ta sisoi'i tala dungia nena-ne di'a To maḏibo sie Tari Ḇaḇa.”

Yohanes 16:5

“Nange-ne Ngoi to tagi ra Unanga ga'a Ro 'utusu Ngoi. Mada'a matengo i'a mai ua taninga sigolona 'o sano, ‘Ngoi to tagi le'a?’

Yohanes 3:14

'Ua re 'au wali toma daeraha baulaco, 'a Musa 'o sibere cuku'u tamḇaga toma ate jule moi, la ngowa-ngowa'a ga'a cuku'u-cuku'u ya'u tubu'u nyengara 'aḏi dadi la, sababu 'aḏi oḏi'i cuku'u tamḇaga gena-ge. So'o gena ḏi'i, Manusia ma Ngowa'a Nau'u balasu 'o sibere toma salib,

Yohanes 5:32

Mada'a 'age ngowa'a lelegu, ga'a pula'a sakisi mangale Ngoi, re Ngoi ta waro mangale sakisi gena-ge 'i banari.

Yohanes 7:33

Yesus 'o kanau toma ngowa'a repe ra Ma Jou'ongu Madutu 'ai Wala ma soana, “Pa'i ngoma moi ḇato ngoi to mamete'e ra ngini. Togumu i'a Ngoi toma ḏibo ra Unanga ga'a 'O 'utusu ngoi.

Yesus 'ai so-soma'a 17:31

Sababu Unanga 'a sitantukanga pasala ḏua toma 'orasa rimoi ngowa'a mo-moini toma dungia ma dara Unanga 'a sijuruhakimi Rai 'adili. Ma Jou'ongu Madutu 'a sitatapu ḏua Matengo ga'a 'A siḏagi munara gena-ge. Unanga gena-ge Ma Jou'ongu Madutu 'U si'ahu moju toma ngowa'a senge-sengene manga sigolona 'i dadi bukiti rimoi, la ngowa'a mo-moini 'aḏi ngaku Unanga gena-ge 'o dadi juruhakimi.”

Yesus 'ai so-soma'a 2:32

Sababu gena-ge, Daud 'a siajele mangale Yesus, Unanga gena-ge Ma Jou'ongu Madutu 'U si'ahu moju toma ngowa'a senge-sengene manga sigolona. Ḏua ngomi mo-moini maoḏi'i masiretene Yesus dadunu 'o 'ahu moju.

Yesus 'ai so-soma'a 3:14

Ngini ni dawongo ua Ngowa'a Loasa re Banari re Ngowa'a 'Ofi-'Ofi gena-ge, mada'a ngini ni golo'o 'a Pilatus 'o sibebasa ngowa'a se-sengene ngowa'a.

Yesus 'ai so-soma'a 7:52

Nabi matengo i'a mai ua, ninga ete re dotumu 'aḏi sikisa ua! 'Ua re 'au wali, ananga 'aḏi sisengene Ma Jou'ongu Madutu 'ai nabi-nabi ga'a 'aḏi siajele mangale Yesus 'ai ta-sapolo, Unanga gena-ge Ngowa'a Loasa re Banari. Nange-ne ngini ni sipula'a Unanga gena-ge Tai lawana re ngini nu sisengene Unanga!

Roma 1:17

Sababu reo Habari Roanga gena-ge, Ma Jou'ongu Madutu 'o sijumu ma ngo'omo mangale ngowa'a nyengara 'aḏi dadi ngowa'a loasa re banari ra Ma Jou'ongu Madutu 'Ai momina. Pa'i gena-ge 'i dadi ḇato, sababu ngowa'a matengo 'o ngaku Ma Jou'ongu Madutu; ngo'omo lelegu 'i cua! Gena-ge ma tero sa'olo ri silefo toma Boku 'Ofi-'Ofi so'o ne: “Ngowa'a ga'a loasa re banari ra Ma Jou'ongu Madutu 'ai momina sababu manga ngo-ngaku ḇato, ananga gena-ge ḏuanga i'a 'aḏi 'ahu kasingado-ngadolo i'a.”

1 Korintus 1:30

Ma Jou'ongu Madutu masiretene 'O sirimoi ngini ra Kristus. Re Kristus gena-ge 'o dadi ma tero sa'olo Ma Jou'ongu Madutu 'ai 'akala ma soro'unu ra ngene. Re sababu ngene rewo marimoi ra Kristus, ngene wo dadi loasa re banari re wo dadi Ma Jou'ongu Madutu 'ai ngowa-ngowa'a 'ofi-'ofi re Unanga 'O tuusu ngene.

2 Korintus 5:21

Kristus 'o 'a'a ḏosa ua, mada'a Ma Jou'ongu Madutu 'o 'a'a Unanga 'a doiti ngene nanga ḏosa. Ma Jou'ongu Madutu 'o 'a'a so'o gena, la ngene nyengara marimoi ra Unanga re kananga ḏosa ua ra Unanga 'ai momina.

Galatia 5:5

Mada'a mangale ngomi, Ma Ngagara 'Ofi-'Ofi 'i munara ra ngomi minga 'akala re sinyingara ma dara, singadolo ngomi mi masinganano pa'i ra Ma Jou'ongu Madutu ḇato, la ngomi ḏuanga i'a mi talaḏi ra Unanga sa'olo ngowa'a kaminga sala ua sababu ngomi minga ngo-ngaku pa'i ra Kristus ḇato. Gena-ge ngomi ma totoma re ma ga-ganutu.

1 Timotius 3:16

Matengo i'a mai ua 'aḏi soloto mangale nanga 'agama ma do-doto'o 'i banari re 'i ti-tiai. 'Au wali, ma do-doto'o gena-ge mangale Kristus Yesus 'i sirahasia, sababu Ma Jou'ongu Madutu 'o masijumu nyangu. Mada'a nange-ne Unanga 'o masijumu ḏua ra ngene, dadi ngene wo ngaku nena-ne: Ma Jou'ongu Madutu 'ai Ngowa'a Nau'u matengo 'O matuhu sa'olo manusia, Ma Ngagara 'Ofi-'Ofi 'i siajele Unanga gena-ge Ma Jou'ongu Madutu 'ai Ngowa'a Nau'u, Unanga 'o masijumu toma mala'ekata, 'Ai lomanga sihabari toma bangsa mo-moini, Ngowa'a toma bangsa mo-moini toma dungia 'aḏi ngaku Unanga sibere re sijingi'i toma soroga.

1 Petrus 3:18

Sababu kalaha Kristus kai ḏosa ua, Unanga ro basono sangisara. Unanga ro basono sengene soi moi di'a 'a doiti manusia nanga ḏosa. Unanga 'a si'a'a so'o gena, la ngene manusia nyengara wo marimoi ra Ma Jou'ongu Madutu. Manusia wo sisengene Unanga pa'i 'ai lese ḇato, mada'a sababu Ma Ngagara 'Ofi-'Ofi ma kuasa, Ma Jou'ongu Madutu dadunu 'o si'ahu Unanga moju.