Yohanes 15:9 - Jaji ma Su-sungi

⁹ Ma tero 'ari Ḇaḇa ro dadalara Ngoi, so'o gena ḏi'i Ngoi reto dadalara ngini. Ngini balasu ni marimoi tau-taunu ra Ngoi, la ngini ni basono tala 'Ari dadalara tau-taunu.

Yohanes 15:9 Iomraidhean Croise

Yohanes 15:11

Ngoi ta siajele mo-moini gena-ge ra ngini, la ngini sanga 'Ari roanga taninga 'akala re sinyingara ma dara, re ḏi'i ninga roanga 'i dadi ti-tiai.

Yohanes 15:13

Dadalara ga'a lai lamo'o so'o ne: Matengo i'a ga'a 'o dadalara 'ai ḏagilomu, singadolo 'o sipula'a 'ai 'ahu, la 'ai ḏagilomu 'o 'ahu.

Yohanes 17:26

Ngoi reta siajele ḏua mangale Baba ra ananga, re Ngoi ḏuanga i'a ta siajele tau-taunu, la ananga 'aḏi basono tala 'Ani dadalara tamanga 'akala re sinyingara ma tero Ngoi to basono tala 'Ani dadalara Tari 'akala re sinyingara re dadi Ngoi ḏi'i to tegoro tamanga 'akala re sinyingara.”

Yohanes 3:35

Ma Jou'ongu Madutu 'o dadalara 'Ai Ngowa'a Nau'u re 'O pula'a mo-moini ḏua 'Ai kuasa.

Efesus 3:18

Ngoi to manyiata so'o gena-ge, la ngini mamete'e ra Unanga 'ai 'umata mo-moini, nga'unu ni basono Kristus 'ai dadalara lai lamo'o ra ngene: wa waro enanga ma giḏanga, ma roata, ma gau'u re ma ngido.

1 Yohanes 2:28

Sababu gena-ge, 'ari ngowa-ngowa'a ni 'ahu marimoi tau-taunu ra Kristus. Dadi ḏuanga i'a ma 'orasa 'i ngadolo wakutu Unanga dadunu 'o sapolo moju, ngene nyengara wo talaḏi Unanga kananga mojongo ua re wo magogono ua, sababu wo mara'a ua.

Yudas 1:20

Mada'a ngini nena-ne ioronongoḏu ngo-ngaku rimoi ga'a ngoi tini dadalara, balasu ni riono matengo re matengo, la ma do-doto'o 'ofi-'ofi ma pari cua ga'a da'u ra Ma Jou'ongu Madutu tala 'i ḏegoro ninga 'ahu madogo-dogo. Re ngini balasu ni manyiata tau-taunu mete'e Ma Ngagara 'Ofi-'Ofi ma mau.

Tingoýi 1:5

Yesus Kristus gena-ge Sakisi ma cufala re Unanga ma mulaingi dadunu 'O 'ahu moju toma ngowa'a senge-sengene manga sigolona, ma tero sa'olo ngowa'a nau'u ma jomolo. Re Unanga 'o dadi 'Olana ma Sae'e toma 'olana-'olana mo-moini toma dungia nena-ne. Yesus gena-ge 'o dadalara ngene re Unanga 'o sengene, la ngene sanga bebasa tananga ḏosa-ḏosa.