Yohanes 15:5 - Jaji ma Su-sungi

⁵ Ngoi nena-ne 'anggur ma lese lamo'o re ngini enanga ma umanga-umanga. 'A guna ḇato ga'a marimoi ra Ngoi re Ngoi ḏi'i marimoi ra unanga, 'ai sowo'o 'i repe. Sababu na'o ni marimoi ua ra Ngoi, ngini ni 'a'a 'ori i'a i'a yoḏu'u.

Yohanes 15:5 Iomraidhean Croise

Matias 13:21

mada'a habari gena-ge 'i utu'u ua tamanga 'akala re sinyingara singadolo 'i tahana ti'ara ua. Dadi wakutu 'aḏi sanga susa re sangisara bolo sanga sikisa, sababu 'aḏi ngaku habari, ananga jau-jau 'aḏi celolo ḏuḏunu i'a.

Yohanes 12:24

Ni ngaku mode-mode'e 'Ari demo-demo nena-ne: 'Ari lese ma tero sa'olo gandum ma moi'i ngai moi. Na'o gandum ma moi'i ngai moi ngowa'a ya so'ana ua re jujumu ua reo tana'a, enanga gena-ge nena-ne re si'a ngai moi ḇato. Mada'a na'o wa so'ana, enanga togumu i'a ma hasili 'i lai repe.

Yohanes 15:16

Ngini nena-ne ni cumutu Ngoi ua. Siḏibo ḏi'i, Ngoi nena-ne reto cumutu ngini ḏua, re Tini 'utusu ni tagi, la ninga sowo'o lai repe, re enanga gena-ge sowo'o kasingado-ngadolo i'a. Dadi 'oru ḇato ga'a ngini golo'o Tari Ḇaḇa ni pake 'Ari lomanga, ngini ḏuanga i'a ni sanga.

Yohanes 5:19

Yesus 'a sangoro ra ananga so'o ne: “Ni ngaku mode-mode'e 'Ari demo-demo nena-ne: Ngoi, Ma Jou'ongu Madutu 'ai Ngowa'a Nau'u, to 'a'a 'oru ḇato Rari kuasa masiretene yoḏu'u. Ngoi nyengara to 'a'a 'ori i'a pa'i mete'e 'oru ga'a Ngoi reto oḏi'i 'Ari Ḇaḇa ro si'a'a ḏua. Sababu 'oru ḇato 'Ari Ḇaḇa 'a si'a'a, gena-ge ḏi'i Ngoi, 'Ai Ngowa'a Nau'u, ta si'a'a.

Yohanes 9:33

Na'o Unanga gena-ge 'Ai 'asala ra Ma Jou'ongu Madutu tala ua, tantu ḏua Unanga nga'unu ua 'a'a so'o gena-ge.”

Yesus 'ai so-soma'a 4:12

Pa'i ra Yesus ḇato nyengara ngowa-ngowa'a 'aḏi sanga 'ahu kasingado-ngadolo i'a. Sababu toma dungia sitabi donga, matengo i'a mai ua 'o sanga kuasa di'a 'o sisalamata ngene.”

Roma 12:5

So'o gena ḏi'i di'a ngene: Ngene lao repe mada'a rewo dadi ma tero sa'olo lese rimoi, sababu wo marimoi ra Kristus. Sidogo ḏi'i, ngene matengo re matengo ma'u marimoi, sababu wo lese moi.

Roma 6:22

Mada'a nange-ne, Ma Jou'ongu Madutu ro sibebasa ngini toma ḏosa ma kuasa, re ni dadi Ma Jou'ongu Madutu 'ai budaka. Dadi ma 'utungu so'o ne: Ngini ni 'ahu marimoi ra Ma Jou'ongu Madutu, re ma ḏo-ḏogumu tala sanga 'ahu kasingado-ngadolo i'a.

Roma 7:4

So'o gena ḏi'i di'a ngini, ngoi 'ari ioronongoḏu ngo-ngaku rimoi. Nange-ne ngini ḏi'i ni 'ahu marimoi reo Musa 'ai hukumu riwara. Sababu ma tero sa'olo ngini reni sengene marimoi ra Kristus 'ai lese, la ngini ni 'ahu marimoi toma ngowa'a lelegu, gena-ge Kristus, Unanga ga'a dadunu 'O 'ahu moju Tai se-sengene. Dadi ngene renanga faeda tananga 'ahu nena-ne ma dara di'a Ma Jou'ongu Madutu.

1 Korintus 10:16

Ngini ni waro bolo ua, wakutu ngene wo 'oro sawo'o rimoi ma dara rema 'anggur kara wo sibere ie nanga murasa ma la ra Ma Jou'ongu Madutu, ngene wo sijumu mode-mode'e ngene rewo marimoi ra Kristus ga'a 'ai ngaunu 'i pa'ala di'a ngene?! Ngini ḏi'i ni waro bolo ua, wakutu ngene wo masibalangu roti re wo oromo, ngene wo sijumu mode-mode'e ngene rewo marimoi ra Kristus 'ai lese?!

1 Korintus 12:12

Ngene, ga'a rewo marimoi ra Kristus, ma tero sa'olo manusia manga lese. Pa'i lese rimoi ḇato mada'a lese ma bageanga ma repe. Kalaha lese ma bageanga lai repe mada'a bageanga gena-ge, 'i dadi lese rimoi ḇato.

1 Korintus 12:27

Ioronongoḏu ngo-ngaku rimoi, ngini mo-moini ma tero sa'olo Kristus 'ai lese re matengo re matengo ni dadi ma tero sa'olo Unanga 'ai lese ma bageanga.

2 Korintus 13:8

sababu ngomi mi oḏu'u madaga'a 'ori i'a ga'a 'i mete'e ua 'ori i'a banari; ngomi pa'i mi mete'e ga'a banari ḇato.

2 Korintus 9:10

Ma Jou'ongu Madutu masiretene 'o pula'a gisisi di'a ngowa'a ga'a siare gisisi re ma hasili di'a ngene wa oromo. So'o gena ḏi'i, Unanga gena-ge 'o pula'a ra ngini 'ori i'a mo-moini ga'a ni paralu re 'a dogo pai-pai'i. Dadi ngini nyengara dogo ni pula'a bu-bula'a toma ngowa'a lelegu.

Galatia 5:22

Siḏibo ḏi'i, ngowa-ngowa'a ga'a Ma Ngagara 'Ofi-'Ofi ya'u ḏegoro, ananga manga de'oso re ḏegoro so'o ne: Ananga gena-ge 'aḏi ma'u dadalara matengo re matengo, 'aḏi monere tamanga 'akala re sinyingara, 'akala ogoro, pake 'akala ḇanyo re ananga remanga sere 'i re go-gasa, ananga nyanyaḏi ma'u la-la reo ngowa-ngowa'a lelegu, jaji sa-sakala ua,

Efesus 5:9

Sababu na'o ngini ni 'ahu toma tarangi gena-ge, ngini ḏuanga i'a madaga'a 'ori i'a la-la mo-moini re ninga de'oso re ḏegoro 'i boloto re banari ra Ma Jou'ongu Madutu 'ai momina.

Filipi 1:11

Re ḏi'i mangale ninga 'ahu ma duhu enanga 'i romanga reo de'oso re ḏegoro ma la-la ga'a pa'i sababu Yesus Kristus masiretene 'ai kuasa ḇato. Dadi ngowa'a ḏuanga i'a 'aḏi simulia re 'aḏi puji re silamo'o Ma Jou'ongu Madutu.

Filipi 4:13

Kristus 'o pula'a kuasa ra ngoi, dadi ngoi rari de-de'e to talaḏi 'oru ḇato.

Filipi 4:17

Ngoi 'ari maksudu ua, ngoi to nyafusu to dawongo ninga bu-bula'a! Mada'a ngoi to nyafusu Ma Jou'ongu Madutu 'o pula'a barakati 'i madogo-dogo ra ngini sababu ngini ni riono ngoi pasala ḏua.

Kolose 1:10

Dadi, ngini nga'unu ni 'ahu mete'e Ma Jou'ongu Madutu 'ai 'akala ma mau, la ni sisanangi Unanga 'ai 'akala re sinyingara. Re ḏi'i ngini ninga ga'a la-la fara muḏuo i'a re ninga wo-waro mangale Ma Jou'ongu Madutu, enanga gena-ge 'i ganapu madogo-dogo toma 'ori i'a mo-moini.

Kolose 1:6

Habari Roanga gena-ge 'i singadolo ḏua toma dungia sitabi donga, singadolo ganapu dogo ngowa-ngowa'a ngaku Yesus re ya si'a'a tamanga de'oso re ḏegoro re demo re ganau 'i dadi la-la. So'o gena-ge ḏi'i, wakutu ngini reni 'isene, ngini ni ngaku Yesus re ni basono mode-mode'e Ma Jou'ongu Madutu 'ai mura re dadalara singadolo ninga de'oso re ḏegoro 'i dadi la-la.

Yakobus 1:17

Bu-bula'a ma la-la bolo ti-tiai mo-moini, gena-ge ma 'asala toma soroga ino 'i 'uci da'u ra Ma Jou'ongu Madutu tala. 'Ori i'a ga'a ta-tarangi toma diwanga gena-ge Ma Jou'ongu Madutu 'ai do-dadi. 'Ori i'a ta-tarangi gena-ge 'i ngali tau-taunu, mada'a Ma Jou'ongu Madutu kama ngali-ngali ua. Unanga gena-ge sou moi nyangu 'o pula'a bu-bula'a ma jira.

1 Petrus 2:4

Dadi ni sapolo ra Ma Jou Yesus, Unanga gena-ge ma tero sa'olo maḏi ga'a 'i 'ahu ga'a manusia 'aḏi kanau Unanga ma tero sa'olo maḏi mapake ua. Momongolo ua, ra Ma Jou'ongu Madutu 'ai momina, Unanga ma tero sa'olo maḏi ma ijana lai hali ga'a Ma Jou'ongu Madutu 'a sitantukanga pasala ḏua, sa'olo maḏi di'a wala ma bangini.

2 Petrus 3:18

Sidiḇo ḏi'i, ngini balasu ni 'ahu boloto, la ngini ganapu basono Unanga 'ai mura re dadalara re ni sidogo ninga wo-waro ra Unanga. Unanga gena-ge nanga Jou Yesus Kristus ga'a nanga Salamata ma cimi. Puji re silamo'o Unanga nange-ne re singado-ngadolo i'a. 'Amin.