Yohanes 15:2 - Jaji ma Su-sungi

² 'Anggur ma umanga mo-moini ra Ngoi ga'a 'i sowo'o ua, wa tola'a. Re ma umanga mo-moini ga'a rema sowo'o, wa silagara, la 'i dadi 'ofi kara ma sowo'o ganapu repe.

Yohanes 15:2 Iomraidhean Croise

Matias 13:12

Sababu 'a guna ḇato ro sanga wo-waro mangale 'ori i'a go-gogono, Ma Jou'ongu Madutu 'a sidogo ḏi'i wo-waro gena-ge singadolo pai-pai'i. Mada'a 'a guna ḇato 'o sanga wo-waro ua mangale 'ori i'a go-gogono; 'oru ḇato, kalaha unanga ra sanga pa'i wo-waro ceka'a ua ḇato, gena-ge Ma Jou'ongu Madutu 'a 'oro ḏi'i.

Matias 13:33

Yesus 'o carita moju 'ade-'ade lelegu rimoi ḏi'i toma ngowa'a repe. Unanga 'o kanau, “Wakutu Soroga ma Pareta 'i ngadolo, gena-ge ma tero sa'olo 'ade-'ade so'o ne: We-were'a matengo mo 'oro ragi kara masicapuru reo tarigu litere nyagi rata singadolo enanga mo-moini 'i ramasa.”

Matias 15:13

Yesus 'a sangoro, “ 'Oru ḇato ga'a 'Ari Ḇaḇa toma soroga 'A otomo ua, joro gena-ge ḏuanga i'a 'A wuru'u.

Matias 21:19

Dadi wakutu Unanga 'o oḏi'i ate 'ara ḏu moi toma ngo'omo ma 'uḏu, Unanga 'o tagi sebanga i'a toma ate gena-ge. Mada'a kalaha ate gena-ge rema ma so'a, Unanga 'a oḏi'i ma sowo'o rimoi i'a mai ua! Ḏua Yesus 'a kanau i'a toma ate gena-ge, “Mulaingi toma 'orasa nena-ne re si'a, ngana kama sowo'o riwara!” Ate gena-ge jau-jau ri wa'alo.

Matias 25:29

Sababu 'a guna ḇato ro sanga repe, Ngoi ḏuanga ta sidogo ḏi'i singadolo pai-pai'i. Mada'a 'a guna ḇato 'o sanga ua; 'oru ḇato, kalaha unanga ra sanga pa'i ceka'a ua ḇato, gena-ge ḏi'i mai sanga 'oro!

Matias 3:10

Ma Jou'ongu Madutu ro ḏu-ḏuanga ḏua 'O sihukumu ngowa'a ga'a 'aḏi maḏibo ua toma ngo'omo boloto ma tero sa'olo tama'ono 'i ḏu-ḏuanga ḏua di'a sitawele ate re sitola'a ngadolo toma utu'u. Sababu gena-ge, na'o ate gena-ge ma sowo'o 'i rousu ua, ḏuanga i'a 'a tawele re 'a upa'a toma u'u ma dara.

Matias 3:12

Gena-ge ma tero sa'olo Tai giama 'age rema garpu lamo'o, re Unanga ḏuanga i'a 'o sitaro'o gandum mo-moini singadolo 'i 'ofi. Gandum rema la'eme ḏuanga i'a sigare toma titila ma dara, mada'a ma 'omanga 'i siupa'a toma u'u kama sengene ua.”

Matias 7:19

Ate 'oru ḇato ga'a ma sowo'o rousu ua, wa tawele re tau'u toma u'u.

Markus 4:20

Gisisi 'i eta'a toma tana'a ma la-la'eme gena-ge ma tero sa'olo ngowa'a ga'a 'aḏi 'isene habari ya dawongo singadolo 'i sowo'o lai repe: 'age ma sowo'o sidu'o soi nyagi ro'ange, 'age ma sowo'o sidu'o soi nyagi rarama re 'age ḏi'i 'i ma sowo'o sidu'o soi latu moi.”

Lukas 8:13

Gisisi ga'a 'i eta'a toma tana'a maḏi-maḏi, gena-ge ma tero sa'olo ngowa'a 'aḏi 'isene habari gena-ge, jau-jau ya dawongo remanga roanga tamanga 'akala re sinyingara. Mada'a tamanga 'akala re sinyingara ma dara habari gena-ge 'i utu'u ua. Dadi ananga 'aḏi ngaku habari gena-ge pa'i ngoma moi ḇato, ananga 'aḏi celolo ḏuḏunu i'a wakutu 'aḏi sanga bo-baja.

Yohanes 15:1

Yesus 'o kanau, “Ngoi nena-ne 'anggur ma lese lamo'o mode-mode'e, re 'Ari Ḇaḇa Unanga guḏa ma dutu.

Yohanes 15:16

Ngini nena-ne ni cumutu Ngoi ua. Siḏibo ḏi'i, Ngoi nena-ne reto cumutu ngini ḏua, re Tini 'utusu ni tagi, la ninga sowo'o lai repe, re enanga gena-ge sowo'o kasingado-ngadolo i'a. Dadi 'oru ḇato ga'a ngini golo'o Tari Ḇaḇa ni pake 'Ari lomanga, ngini ḏuanga i'a ni sanga.

Yohanes 15:3

Ngini reni 'ofi sababu ngini reni dawongo 'Ari do-doto'o.

Yohanes 15:6

Na'o 'a guna ḇato ga'a marimoi ua ra Ngoi, unanga gena-ge ma tero sa'olo 'anggur ma umanga ga'a ri tola'a, kara 'i dadi ngonono. 'Anggur ma umanga gena-ge, ngowa'a ya lomu kara ya upa'a toma u'u re enanga 'i ro'u.

Yohanes 15:8

Na'o ngini ninga sowo'o lai repe, 'Ari Ḇaḇa ngowa'a 'U silamo'o re ngini mode-mode'e ni dadi 'Ari me-mete'e.

Yohanes 17:12

Wakutu Ngoi 'age ra ananga Ngoi nena-ne Ta'u kadiarata re Ta'u saolo Rani kuasa. Re matengo ua 'o iranga, ḏuga-ḏuga pa'i matengo ḇato, unanga gena-ge ga'a Baba reno sitantukanga ḏua di'a 'o sanga hukumu kasingado-ngadolo i'a. Gena-ge balasu 'i dadi ra unanga gena-ge, la sitotomo 'oru ga'a 'i silefo toma Boku 'Ofi-'Ofi ma dara.

Roma 11:17

Sidogo ḏi'i, Israel manga ete re dotumu ma ju'uda mamuni'a gena-ge, ma tero sa'olo ate zaitun ma umanga ga'a ngowa'a ya tola'a. Re ngini ngowa'a Yahudi ua ma tero sa'olo zaitun ma ja-jaga ga'a 'i konyo toma bangana. Re jaga-jaga ma la'o gena-ge 'i sipata toma ate zaitun ma lese di'a singali umanga ga'a ri sitola'a. Ḏua jaga 'i sanga oromo toma ate zaitun ma utu'u nange-ge. So'o gena ḏi'i ngini ngowa'a Yahudi sanga barakati ga'a Ma Jou'ongu Madutu 'o sijaji toma ngowa'a Yahudi manga ju'uda.

Roma 11:22

Sababu gena-ge totoho la-la ino Ma Jou'ongu Madutu 'ai la-la, re ḏi'i Unanga nyengara 'o sijuruhakimi reo hukumu. Unanga ro sijuruhakimi reo hukumu toma ngowa'a Yahudi ga'a manga ngo-ngaku ra Yesus ua. Mada'a Unanga 'o sijumu 'Ai la-la ra ngini ngowa'a Yahudi ua, na'o ngini ninga ngo-ngaku tau-taunu ra Unanga ga'a ro sijumu 'Ai la-la ra ngini. Mada'a na'o ngini ni 'a'a so'o gena ua, Unanga 'o itomo ngini ḏi'i.

Roma 8:28

Re ngene wa waro mangale mo-moini ga'a Ma Jou'ongu Madutu 'o 'aturu di'a ngene nanga la-la. Ngene gena-ge ga'a dadalara Unanga, re Unanga na 'aro'o mete'e Unanga 'ai 'akala ma mau.

1 Korintus 13:1

Si'ade-'ade i'a, ngoi nga'unu to sikanau manusia mo-moini manga demo bolo mala'ekata-mala'ekata ma demo ḏi'i. Mada'a na'o 'ari dadalara toma ngowa'a lelegu 'i cua, ngoi to kanau ma tero ḇato sa'olo saragi ma iḏingi, ma ngale 'i cua.

Titus 2:14

Yesus Kristus 'a sipula'a 'ai 'ahu 'i dadi jou-jou di'a ngene, la 'O siwoi'i ngene toma kuasa ma jira re 'O si'ofi tananga ḏosa-ḏosa, la sidadi ngene wo dadi Unanga 'ai 'umata ga'a wo cufala madaga'a 'ori i'a ma la-la.

'Ibrani 12:15

Ngini ni ma ma'istiari 'ahu matengo re matengo, la matengo i'a mai ua 'o sieanga i'a Ma Jou'ongu Madutu ga'a 'O sijumu 'Ai mura re dadalara ra ngene. Re ngini ni ma'istiari ninga 'ahu matengo re matengo, la matengo i'a mai ua awa ma tero sa'olo go-gahu rema racimi ga'a si'a'a susa ngowa'a, re sigasa ngowa'a repe toma ḏosa ma dara.

1 Yohanes 2:19

Ngowa-ngowa'a ga'a 'aḏi lawana Kristus, 'au nga'ene ananga gena-ge 'aḏi marimoi ra ngene mada'a nange-ne ananga gena-ge 'aḏi marimoi ra ngene riwara, sababu ananga raḏi sisoi'i tala ngene. Sababu na'o mode-mode'e ananga gena-ge raḏi ngaku Yesus, ananga 'aḏi sisoi'i tala ngene ua. Mada'a enanga 'i dadi so'o gena, la ngene wa oḏi'i re wa waro mangale ananga gena-ge raḏi marimoi riwara.

Tingoýi 3:19

Ngowa-ngowa'a ga'a Ngoi nena-ne ta'u dadalara, ananga gena-ge Ngoi ta'u ḇangata re Ta'u sihukumu di'a Ta'u doto'o. Sababu gena-ge, ngini balasu sibabata ninga dadalara ra Ngoi, re ni maḏibo toma ngo'omo boloto.