Yohanes 15:1 - Jaji ma Su-sungi

¹ Yesus 'o kanau, “Ngoi nena-ne 'anggur ma lese lamo'o mode-mode'e, re 'Ari Ḇaḇa Unanga guḏa ma dutu.

Yohanes 15:1 Iomraidhean Croise

Matias 15:13

Yesus 'a sangoro, “ 'Oru ḇato ga'a 'Ari Ḇaḇa toma soroga 'A otomo ua, joro gena-ge ḏuanga i'a 'A wuru'u.

Matias 20:1

“Wakutu Soroga ma Pareta 'i ngadolo, enanga gena-ge ma tero sa'olo 'ade-'ade nena-ne: Da-daini i'a moju guḏa 'anggur ma dutu matengo 'o tagi 'o disa ngowa'a di'a 'aḏi munara tai guḏa 'anggur.

Matias 21:33

Yesus 'o kanau moju, “ 'Isene toma 'ade-'ade ma lelegu rimoi ḏi'i: 'Age rema guḏa ma dutu matengo 'o otomo 'anggur tai guḏa ḇotu moi. Gena ḏua, unanga 'a hisa sigoloḏi re 'o paiti tana'a ma duso'o di'a 'anggur ma sowo'o ma jo-jo'o. Gena ḏua, side'oso wala teru di'a ngowa'a jaga. Togumu i'a, unanga 'o sisewa toma ngowa-ngowa'a munara toma guḏa kara 'o tagi toma nagara lelegu.

Markus 12:1

Togumu i'a, Yesus mulaingi pula'a 'ade-'ade i'a toma 'imam-'imam ma sae'e, guru-guru 'agama re Yahudi-Yahudi manga sae'e. Yesus 'o kanau, “ 'Age matengo 'o otomo 'anggur tai guḏa ḇotu moi. Ḏua unanga 'a hisa sigoloḏi. Gena ḏua, unanga 'o paiti tana'a ma duso'o di'a 'anggur ma sowo'o ma jo-jo'o re 'o side'oso wala teru di'a ngowa'a jaga. Togumu i'a, unanga 'o sisewa toma ngowa-ngowa'a munara toma guḏa kara unanga 'o tagi toma giḏanga.

Lukas 13:6

Togumu i'a, Yesus 'o siajele ra ananga 'ade-'ade rimoi: “Matengo rai guḏa 'anggur 'age rema ate 'ara ḏu moi. Toma wangere rimoi unanga 'o tagi mau 'oro ate 'ara ma sowo'o mada'a ate gena-ge kama sowo'o ua.

Yohanes 1:17

Sababu Ma Jou'ongu Madutu 'ai hukumu, gena-ge ma barakati siḏa ga'a ngene wa dawongo ra Musa. Mada'a Ma Jou'ongu Madutu 'ai ba-banari re 'Ai mura re dadalara, gena-ge ma barakati su-sungi ga'a ngene wa basono tala sababu Yesus Kristus.

Yohanes 1:9

Tarangi mode-mode'e ga'a sitarangi ngowa'a mo-moini manga 'akala re sinyingara, tarangi gena-ge ri sapolo toma dungia.

Yohanes 15:2

'Anggur ma umanga mo-moini ra Ngoi ga'a 'i sowo'o ua, wa tola'a. Re ma umanga mo-moini ga'a rema sowo'o, wa silagara, la 'i dadi 'ofi kara ma sowo'o ganapu repe.

Yohanes 6:32

Ḏua Yesus 'o kanau ra ananga, “Ni ngaku mode-mode'e 'Ari demo-demo nena-ne: Roti gena-ge 'a Musa ua 'a pula'a, mada'a 'Ari Ḇaḇa. Re Unanga gena-ge ḏi'i 'O pula'a ra ngini roti mode-mode'e da'u soroga tala.

Yohanes 6:55

Sababu 'Ari lese gena-ge ngo-ngoromo 'i sigasa 'ahu, re 'Ari ngaunu gena-ge ngo-ngo'e 'i sigasa 'ahu.

Roma 11:17

Sidogo ḏi'i, Israel manga ete re dotumu ma ju'uda mamuni'a gena-ge, ma tero sa'olo ate zaitun ma umanga ga'a ngowa'a ya tola'a. Re ngini ngowa'a Yahudi ua ma tero sa'olo zaitun ma ja-jaga ga'a 'i konyo toma bangana. Re jaga-jaga ma la'o gena-ge 'i sipata toma ate zaitun ma lese di'a singali umanga ga'a ri sitola'a. Ḏua jaga 'i sanga oromo toma ate zaitun ma utu'u nange-ge. So'o gena ḏi'i ngini ngowa'a Yahudi sanga barakati ga'a Ma Jou'ongu Madutu 'o sijaji toma ngowa'a Yahudi manga ju'uda.

1 Korintus 3:9

Ngomi mi munara di'a Ma Jou'ongu Madutu, re ngini ma tero sa'olo Ma Jou'ongu Madutu 'ai guḏa. Ngini ḏi'i sa'olo Ma Jou'ongu Madutu 'ai Wala di'a Unanga 'o tegoro.

1 Yohanes 2:8

Kalaha so'o gena, Ma Jou'ongu Madutu 'ai parenta ga'a ngoi ta lefo ḏua, gena-ge parenta ma su-sungi ḏi'i. Parenta ma su-sungi gena-ge 'i banari sababu ri waiti ra Kristus 'ai 'ahu re ḏi'i ngini ninga 'ahu, sababu ninga 'ahu toma hafu-hafu enanga mulaingi sa'i 'i iranga, re ninga 'ahu toma tarangi banari enanga mulaingi 'i waiti.