Yohanes 14:4 - Jaji ma Su-sungi

⁴ Ngi'i ga'a Ngoi to tagi, ngini na waro enanga ma ngo'omo.”

Yohanes 14:4 Iomraidhean Croise

Lukas 24:26

Tantu ḏua, 'O Kristus balasu 'a basono ma sangisara kara nga'unu 'o osama Tai mulia.”

Yohanes 10:9

Ngoi nena-ne karunga ma ngalana. 'A guna ḇato 'o osama sababu 'o ngaku Ngoi, unanga ḏuanga i'a 'o sanga salamata. Unanga gena-ge ma tero sa'olo doba ga'a supu re osama re 'i sanga ngo-ngoromo.

Yohanes 12:26

'A guna ḇato mau dadi 'Ari falalomu, ngowa'a gena-ge balasu 'o mete'e Ngoi, la 'Ari falalomu gena-ge 'o mamete'e ra Ngoi toma ngi'i le'a ḇato Ngoi to tagi. Re 'Ari Ḇaḇa 'o silamo'o falalomu gena-ge.”

Yohanes 13:3

Yesus ro waro mangale 'ai Ḇaḇa ro pula'a kuasa mo-moini ra Unanga. Unanga 'a waro ḏi'i mangale Unanga ro sapolo ra Ma Jou'ongu Madutu tala, re ḏuanga i'a 'o maḏibo ie ḏi'i ra Ma Jou'ongu Madutu.

Yohanes 14:2

Tari Ḇaḇa 'ai wala 'age kamara ma repe. Ngoi ḏuanga i'a to tagi di'a ta sidodahe ngini ninga kamara-kamara. Ngoi to kanau ra ngini so'o gena sababu mode-mode'e 'age rema kamara-kamara gena-ge di'a ngini.

Yohanes 14:28

Ngini rena 'isene ḏua Ngoi to kanau: Ngoi ḏuanga i'a to tagi mada'a Ngoi dadunu To sapolo moju ra ngini. Na'o ngini ni dadalara Ngoi, ninga 'akala re sinyingara 'i sanangi mangale Ngoi to tagi Tari Ḇaḇa 'Ai ngi'i, sababu 'Ari Ḇaḇa lebe la-lamo'o reo Ngoi.

Yohanes 14:3

Ngoi ḏuanga i'a to tagi to sidodahe kamara di'a ngini. Sababu gena-ge, Ngoi dadunu to sapolo moju di'a Tini gasa Tari ngi'i, la le'a Ngoi gena, ngini gena ḏi'i.

Yohanes 14:5

Ḏua 'a Tomas 'o kanau ra Yesus, “Ma Jou, ngomi ma waro ua no tagi le'a. Dadi sa'olo ngomi ma waro enanga ma ngo'omo?!”

Yohanes 16:28

Ngoi 'ari 'asala Tari Ḇaḇa, re To sapolo ḏua toma dungia nena-ne. Mada'a nange-ne Ngoi ta sisoi'i tala dungia nena-ne di'a To maḏibo sie Tari Ḇaḇa.”

Yohanes 3:36

'A guna ga'a ngaku Ma Jou'ongu Madutu 'ai Ngowa'a Nau'u, unanga 'o sanga 'ahu kasingado-ngadolo i'a. Mada'a 'a guna ga'a 'o ngaku ua, unanga 'o sanga ua 'ahu kasingado-ngadolo i'a, mada'a ḏuanga i'a 'o sanga hukumu kasingado-ngadolo i'a.

Yohanes 6:40

Nena-ne 'Ari Ḇaḇa 'ai mau: ngowa'a mo-moini ga'a oḏi'i Ngoi, Manusia ma Ngowa'a Nau'u, re 'aḏi ngaku Ngoi, ananga gena-ge 'aḏi sanga 'ahu kasingado-ngadolo i'a, re toma Kiamata ma Wangere, Ngoi dadunu ta'u si'ahu moju ananga gena-ge.”