Yohanes 14:2 - Jaji ma Su-sungi

² Tari Ḇaḇa 'ai wala 'age kamara ma repe. Ngoi ḏuanga i'a to tagi di'a ta sidodahe ngini ninga kamara-kamara. Ngoi to kanau ra ngini so'o gena sababu mode-mode'e 'age rema kamara-kamara gena-ge di'a ngini.

Yohanes 14:2 Iomraidhean Croise

Lukas 14:22

Togumu i'a, falalomu gena-ge 'o kanau, ‘Tuanga 'ani pareta reta siḏagi, mada'a 'o ngi'i ma repe moju.’

Yohanes 13:33

'Ari ngowa-ngowa'a ga'a tini dadalara, Ngoi to tegoro taninga sigolona 'i ti'ara riwara. Ngini ḏuanga i'a ni disa Ngoi, mada'a ma tero sa'olo Ngoi reto kanau toma ngowa'a Yahudi manga bi-biri'i, so'o gena ḏi'i nange-ne Ngoi to siajele ra ngini nena-ne: Ngi'i ga'a Ngoi to tagi, ngini ni sapolo yoḏu'u.

Yohanes 13:36

Simon Petrus 'o sano ra Yesus, “Ma Jou, mau no tagi le'a?” Yesus 'a sangoro, “Nange-ne, toma ngi'i Ngoi to tagi, ngana no mete'e Ngoi yoḏu'u. Mada'a ngana ḏuanga i'a no mete'e Ngoi.”

Yohanes 14:28

Ngini rena 'isene ḏua Ngoi to kanau: Ngoi ḏuanga i'a to tagi mada'a Ngoi dadunu To sapolo moju ra ngini. Na'o ngini ni dadalara Ngoi, ninga 'akala re sinyingara 'i sanangi mangale Ngoi to tagi Tari Ḇaḇa 'Ai ngi'i, sababu 'Ari Ḇaḇa lebe la-lamo'o reo Ngoi.

Yohanes 16:4

Ma mulaingi enanga gena-ge Ngoi to siajele nyangu ra ngini sababu Ngoi to mamete'e moju ra ngini. Mada'a nange-ne Ngoi reto kanau ra ngini, la wakutu gena-ge 'i dadi ngini ni 'elingi 'oru ga'a Ngoi reto siajele ḏua ra ngini.”

Yohanes 17:24

Baba, Ngoi to mau ngowa'a ga'a Baba reno pula'a ra Ngoi, ananga 'aḏi mamete'e ra Ngoi toma ngi'i ga'a Ngoi 'age, la ananga ya oḏi'i 'Ari mulia. Mulia gena-ge ga'a Baba reno pula'a ḏua ra Ngoi, sababu Baba no dadalara Ngoi wakutu dungia 'i dadi nyangu.

Yesus 'ai so-soma'a 9:16

Ngoi masiretene ta sijumu ra unanga ḏuanga i'a unanga balasu 'o sanga ma sangisara ma repe mura ua, sababu 'o sihabari mangale Ngoi.”

2 Korintus 5:1

Sababu ngomi remi waro mangale nanga lese toma dungia nena-ne, 'i ma tero sa'olo wala ga'a 'orasa nange-ne ngene wa tegoro. Re ngomi remi waro, na'o lese gena-ge 'i pinya'olo Ma Jou'ongu Madutu ḏuanga i'a 'o sidodahe lese su-sungi ḏu moi toma soroga di'a ngene. Lese su-sungi gena-ge manusia 'aḏi 'a'a ua, mada'a Ma Jou'ongu Madutu masiretene 'A 'a'a, re enanga kama sengene riwara kasingado-ngadolo i'a.

1 Tesalonika 5:9

Ma Jou'ongu Madutu 'o cumutu ngene di'a sihukumu ua mada'a na sisalamata ngene sababu nanga Jou Yesus Kristus 'ai se-sengene.

Titus 1:2

Do-doto'o gena-ge 'i site'e ananga manga ngo-nganono mangale ḏuanga i'a 'aḏi sanga 'ahu kasingado-ngadolo i'a. Manusia wo dadi nyangu, 'ahu kasingado-ngadolo i'a gena-ge Ma Jou'ongu Madutu 'a sijaji pasala ḏua — re sanga ua Ma Jou'ongu Madutu 'o sa-sakala.

'Ibrani 11:10

Abraham ro tegoro toma suyu'u sababu 'o totoma di'a tegoro toma limau ga'a ma bangini lai te'e. Limau gena-ge ga'a Ma Jou'ongu Madutu ḏuanga i'a 'A side'oso 'A mete'e 'Ai maksudu.

'Ibrani 13:14

Sababu toma dungia nena-ne, limau ga'a 'i kasingado-ngadolo i'a di'a ngene, 'i cua. Dadi ngene wo nganono re wo duka di'a limau toma soroga ga'a ngene wo tegoro kasingado-ngadolo i'a.

'Ibrani 6:20

Yesus ro osama siḏa toma ngi'i gena-ge, la ngene nyengara wo osama ḏi'i. Unanga gena-ge 'o dadi 'Imam 'Agung singado-ngadolo i'a, ma tero sa'olo 'imam Melkisedek.

'Ibrani 9:8

Reo 'atoranga gena-ge Ma Ngagara 'Ofi-'Ofi ya sitarangi mangale na'o kamara gena-ge enanga 'i te'o-te'oso moju, ngo'omo osama toma Kamara Lai 'Ofi-'Ofi 'i welanga nyangu di'a 'a guna ḇato mada'a pa'i 'imam 'agung ḇato.

Tingoýi 1:5

Yesus Kristus gena-ge Sakisi ma cufala re Unanga ma mulaingi dadunu 'O 'ahu moju toma ngowa'a senge-sengene manga sigolona, ma tero sa'olo ngowa'a nau'u ma jomolo. Re Unanga 'o dadi 'Olana ma Sae'e toma 'olana-'olana mo-moini toma dungia nena-ne. Yesus gena-ge 'o dadalara ngene re Unanga 'o sengene, la ngene sanga bebasa tananga ḏosa-ḏosa.

Tingoýi 21:2

kara ngoi to oḏi'i limau 'ofi-'ofi, gena-ge limau Yerusalem su-sungi, 'uci da'u soroga ra Ma Jou'ongu Madutu tala. Limau gena-ge 'i sidodahe pasala ḏua sa'olo diai geri molo'ara we-were'a matengo di'a mo ma'u sanga geri molo'ara na-nau'u.

Tingoýi 3:12

'A guna ḇato 'ai ngo-ngaku ra Ngoi kama elala ua singadolo 'o sengene, ḏuanga i'a Ngoi ta'u sidadi ananga sa'olo 'Ari Jou'ongu Madutu 'ai Wala ma ngasu'u lamo'o. Re ḏi'i unanga 'o tegoro Tari ngi'i gena-ge kasingado-ngadolo i'a. Re 'Ari Jou'ongu Madutu 'ai lomanga re 'Ari Jou'ongu Madutu 'ai limau ma lomanga — gena-ge Yerusalem su-sungi ga'a 'i 'uci da'u soroga tala Tari Jou'ongu Madutu — ḏuanga i'a ta silefo lomanga mo-moini gena-ge ra ananga manga lese matengo re matengo. Re 'Ari lomanga su-sungi ta silefo ra ananga manga lese matengo re matengo ḏi'i.

Tingoýi 3:21

'A guna ḇato 'ai ngo-ngaku ra Ngoi kama elala ua singadolo 'o sengene, Ngoi ta'u pula'a ma 'olana 'ai ḏe-ḏegoro Tari 'Olana 'ai ḏe-ḏegoro ma kaci moi i'a. So'o gena-ge ḏi'i, nange-ne Ngoi to tegoro toma 'Olana 'ai ḏe-ḏegoro Tari Ḇaḇa ma 'Olana 'ai ḏe-ḏegoro tai kuwiḏa, sababu Ngoi masiretene ḏi'i 'Ari ngo-ngaku ra Unanga kama elala ua singadolo To sengene.