Yohanes 14:1 - Jaji ma Su-sungi

¹ Yesus 'o kanau moju, “Awa ngini ninga 'akala re sinyingara 'i kangela. Ni ngaku tau-taunu Ma Jou'ongu Madutu re ni ngaku Ngoi tau-taunu ḏi'i.

Yohanes 14:1 Iomraidhean Croise

Yohanes 11:33

Yesus 'ai 'akala re sinyingara 'i kangela wakutu Unanga 'o oḏi'i ngo Maria mo rerese ma gaḏi. Mada'a Unanga 'ai ruta 'i momoto sababu ngowa-ngowa'a Yahudi ga'a 'aḏi siduu'u ngo Maria, ananga mai 'aḏi rerese ma gaḏi ḏi'i.

Yohanes 12:27

“Nange-ne 'Ari 'akala re sinyingara 'i kangela singadolo ta waro ua 'oru ga'a to kanau Tari Ḇaḇa? Na'o mete'e 'Ari 'akala re sinyingara, Ngoi to kanau so'o ne: ‘Baba silalo'o sangisara ra Ngoi ga'a ḏuanga i'a 'i ngadolo!’ Mada'a ma sababu gena-ge Ngoi reto sapolo toma dungia nena-ne!

Yohanes 12:44

Dadi Yesus 'o kanau siduga-duga, “Ngowa'a ga'a ngaku Ngoi, ananga 'aḏi ngaku pa'i Ngoi ḇato ua, mada'a 'aḏi ngaku Unanga ḏi'i ga'a Ro 'utusu Ngoi.

Yohanes 13:19

Gena-ge 'i dadi nyangu, mada'a nange-ne Ngoi to siajele ra ngini, la wakutu 'i dadi, ngini ni ngaku mangale ‘Ngoi nena-ne Unanga ga'a 'o 'ahu kasingado-ngadolo i'a.’

Yohanes 16:24

Singadolo 'orasa nange-ne ngini ni golo'o 'oru-'oru nyangu ni pake Ngoi 'ari lomanga. Mada'a ni golo'o ḇato re ḏuanga i'a ni sanga, la ngini ninga roanga 'i ti-tiai.”

Yohanes 16:3

Mada'a ananga 'aḏi 'a'a so'o gena-ge, sababu ananga 'aḏi nana'o ua 'Ari Ḇaḇa bolo Ngoi.

Yohanes 16:6

Nange-ne ngini ninga 'akala re sinyingara 'i kangela, sababu Ngoi to kanau ra ngini so'o gena-ge.

Yohanes 5:23

'Ari Ḇaḇa 'a si'a'a so'o gena, la ngowa'a mo-moini 'aḏi silamo'o Ngoi ma tero sa'olo ananga 'aḏi silamo'o Unanga. 'A guna ḇato ga'a silamo'o ua 'Ai Ngowa'a Nau'u, silamo'o ua ḏi'i 'Ai Ḇaḇa ga'a 'utusu ḏua Unanga gena-ge.

Yohanes 6:40

Nena-ne 'Ari Ḇaḇa 'ai mau: ngowa'a mo-moini ga'a oḏi'i Ngoi, Manusia ma Ngowa'a Nau'u, re 'aḏi ngaku Ngoi, ananga gena-ge 'aḏi sanga 'ahu kasingado-ngadolo i'a, re toma Kiamata ma Wangere, Ngoi dadunu ta'u si'ahu moju ananga gena-ge.”

2 Korintus 2:7

Nange-ne, ngini balasu ni si'apongo unanga, re ni site'e 'ai 'akala re sinyingara moju. Awa ni sieanga i'a unanga 'ai 'akala re sinyingara kangela kama ḏo-ḏogumu ua.

Efesus 1:15

Dadi ngini reni osama nyo-nyoimi ra Ma Jou'ongu Madutu 'ai 'umata. Sababu gena-ge, ngoi kama togumu ua to sibere ie 'ari murasa ma la ra Ma Jou'ongu Madutu mangale ngini, sababu ngoi reto 'isene ngini reni ngaku Ma Jou Yesus re ni dadalara Ma Jou'ongu Madutu 'ai 'umata. Wakutu ngoi to manyiata to terongo tau-taunu ninga lomanga.

2 Tesalonika 2:2

Kalaha ngini ni 'isene habari, bae nubuata, bae do-doto'o bolo surata 'age rema ngowa'a 'aḏi kanau ra ngomi ino, mangale ma 'orasa enanga 'i ngadolo ḏua di'a Unanga dadunu 'o sapolo, awa ninga 'akala re sinyingara 'i waro gogare riwara, bolo 'i kangela!

1 Petrus 1:21

Sababu Kristus 'ai ga'a di'a ngini, ngini ni ngaku ra Ma Jou'ongu Madutu ga'a dadunu 'O si'ahu moju Kristus gena-ge toma ngowa'a senge-sengene manga sigolona re 'U simulia Unanga ḏi'i. Sababu gena-ge, ngini ni nganono re ni ngaku ra Ma Jou'ongu Madutu, mangale Unanga ḏuanga i'a 'o sisalamata ngini ḏi'i.