Yohanes 13:8 - Jaji ma Su-sungi

⁸ Petrus 'o kanau ra Yesus, “Ua Ma Jou, na soso'o awa ngoi nena-ne 'ari rou!” Mada'a Yesus 'a sangoro, “Na'o Ngoi ta soso'o 'ani rou ua, ngana no marimoi ua ra Ngoi.”

Yohanes 13:8 Iomraidhean Croise

Matias 16:22

Ḏua Petrus 'o taba'a Yesus 'ai giama re 'aḏi masai'i i'a, kara 'o ḇangata Yesus re 'o kanau, “Ma Jou, na'o nga'unu Ma Jou'ongu Madutu 'a sikiḏanga. Awa 'i dadi so'o gena ra Ma Jou!”

Matias 21:29

Ngowa'a nau'u ma ioro 'a sangoro, ‘Ngoi to oḏu'u.’ Mada'a togumu i'a 'o maḏibanga 'a siḏibo 'ai 'akala re sinyingara re 'o tagi munara toma guḏa 'anggur.

Matias 26:33

Petrus 'o kanau ra Yesus, “Kalaha ananga mo-moini 'aḏi sisoi'i tala Jou, ngoi tini sisoi'i tala yoḏu'u!”

Matias 26:35

Petrus 'a sangoro, “Kalaha ngoi to sengene mamete'e ra Jou, ngoi tini soloto Jou ua!” Re 'Ai me-mete'e ma lelegu 'aḏi kanau so'o gena ḏi'i.

Yohanes 13:6

Unanga 'o ngadolo ra Simon Petrus re Simon Petrus 'o kanau, “Ma Jou mau na soso'o ngoi nena-ne 'ari rou?!”

Yohanes 13:9

Simon Petrus 'o kanau, “Ma Jou, na'o so'o gena, awa pa'i 'ari rou, mada'a 'ari giama re 'ari sae'e ḏi'i!”

Yohanes 3:5

Yesus 'a sangoro: “No ngaku mode-mode'e 'Ari demo-demo nena-ne: Na'o matengo i'a mau 'o osama nyo-nyoimi ra Ma Jou'ongu Madutu 'ai Pareta, unanga gena-ge balasu dadunu sibuoro moju. Enanga gena-ge 'i dadi sababu Ma Ngagara 'Ofi-'Ofi ma kuasa re 'i sijumu wakutu ananga 'aḏi sanga baptis.

Yesus 'ai so-soma'a 22:16

Dadi no totoma ti'ara awa. Ngana no momi'i re no golo'o ra Ma Jou Yesus 'o singi-ngiranga 'ani ḏosa mo-moini re sanga baptis.’ ”

1 Korintus 6:11

'Au nga'ene, 'age mamuni'a taninga sigolona ga'a manga de'oso re ḏegoro so'o gena-ge ḏi'i. Mada'a 'orasa nange-ne Ma Jou'ongu Madutu 'o si'ofi ngini taninga ḏosa mo-moini re Unanga 'o sidadi ngini sa'olo 'Ai ngowa'a 'ofi-'ofi re ngowa'a kamanga sala ua ra Unanga 'ai momina. Mo-moini gena-ge sababu ngini reni marimoi ra Ma Jou Yesus Kristus re sababu ḏi'i Ma Ngagara 'Ofi-'Ofi tananga Jou'ongu Madutu tala.

Efesus 5:26

Kristus 'o 'a'a so'o gena, la Unanga 'a sidadi ngene 'Ai 'umata. Unanga gena-ge ro si'ofi 'Ai jama'ata reo 'Ai do-doto'o re ḇanyo na'o wo sanga baptis.

Kolose 2:18

Awa ngini ni isene toma ngowa'a ga'a sisala ngini. Ngowa'a gena-ge 'aḏi masa-sakala maholo manga diri re 'aḏi silamo'o re siḏubuso mala'ekata-mala'ekata. Na'o ngini ni mete'e ananga gena-ge, ḏuanga i'a ninga ngogele ra Ma Jou'ongu Madutu 'i iranga. Ananga gena-ge 'aḏi siajele da-dadunu mangale manga tingoḏi-tingoḏi'i. Dadi ananga 'aḏi basono momole! Mada'a ananga gena-ge guru-guru sa-sakala ḇato ga'a manga momole 'i mete'e manga fikirana toma dungia ḇato.

Kolose 2:23

Tantu ḏua, wakutu wa 'isene manga 'atoranga gena-ge wa ta'ajiri toma 'atoranga ma dara, 'age 'akala soro'unu. Sababu ngowa'a ga'a ya mete'e 'atoranga gena-ge, ananga 'aḏi cufala mete'e manusia manga 'agama ma 'atoranga, 'aḏi maholo manga 'akala re sinyingara, re 'aḏi sikisa manga lese. Mada'a 'atoranga mo-moini gena-ge ma faeda 'i cua! Re ḏi'i ma kuasa 'i cua toma 'atoranga ma dara di'a sibebasa ngowa'a, dadi ananga gena-ge mete'e ua manga nyafusu ma jira!

Titus 3:5

Unanga na sisalamata ngene. I'a sa'olo? Sababu ngene wo madaga'a 'ori i'a ma la-la?! So'o gena-ge ua! Mada'a pa'i sababu Unanga masiretene 'o sijumu 'Ai 'akala re sinyingara ma la-la ḇato ra ngene. Sababu Yesus Kristus 'ai se-sengene, Unanga gena-ge ga'a nanga Salamata ma Cimi, Ma Jou'ongu Madutu 'O sisalamata ngene re 'O pula'a pai-pai'i Ma Ngagara 'Ofi-'Ofi ra ngene. Dadi ngene sibuoro su-sungi, re Ma Ngagara 'Ofi-'Ofi ri si'ofi ngene tananga ḏosa re ri pula'a 'ahu su-sungi ra ngene.

'Ibrani 10:22

Sababu gena-ge ino ngene wo maco-cori ra Ma Jou'ongu Madutu renanga 'akala re sinyingara ma dara bo-boloto re nanga ngo-ngaku mode-mode'e. Gena-ge 'i nyengara sababu nanga 'akala re sinyingara ri si'ofi Rai ngaunu dadi ngene wo basono nanga sala riwara re nanga lese mai ri sigofi reo ḇanyo na'o wo sanga baptis.

Tingoýi 1:5

Yesus Kristus gena-ge Sakisi ma cufala re Unanga ma mulaingi dadunu 'O 'ahu moju toma ngowa'a senge-sengene manga sigolona, ma tero sa'olo ngowa'a nau'u ma jomolo. Re Unanga 'o dadi 'Olana ma Sae'e toma 'olana-'olana mo-moini toma dungia nena-ne. Yesus gena-ge 'o dadalara ngene re Unanga 'o sengene, la ngene sanga bebasa tananga ḏosa-ḏosa.

Tingoýi 7:14

Ngoi to sangoro, “Ngoi ta waro ua, Jou. Jou masiretene na waro.” Ḏua unanga 'o kanau ra ngoi, “Ananga nena-ne raḏi palisi'i 'orasa sikisa ma lamo'o. Ananga manga juba reya 'uju reo Doba ma Ngowa ma ngaunu singadolo ri buḏo.