Yohanes 13:1 - Jaji ma Su-sungi

¹ Wakutu Paskah ma Wangere ma laya sa'i ri ngadolo, Yesus 'a waro mangale 'ai 'orasa 'i ngadolo di'a Unanga 'a sisoi'i tala dungia nena-ne re 'O maḏibo Tai Ḇaḇa. Unanga 'o dadalara 'Ai me-mete'e, re 'o dadalara ti-tiai ananga gena-ge singadolo 'Ai 'ahu ma ḏo-ḏogumu.

Yohanes 13:1 Iomraidhean Croise

Matias 26:45

Gena ḏua, Yesus dadunu maḏibo i'a Tai me-mete'e nga ḏu'ange re 'O kanau, “Ngini ni mangomasa re ni otu moju?! Oḏi'i ma 'orasa 'i ngadolo ḏua, Ngoi, Manusia ma Ngowa'a Nau'u sipula'a toma ngowa'a baraḏosa.

Matias 28:20

Re ni doto'o 'Ari me-mete'e gena-ge di'a 'aḏi 'ahu mete'e 'Ari parenta mo-moini ga'a Ngoi reta siajele pasala ḏua ra ngini. Re 'elingi nena-ne: Ngoi ḏuanga i'a tini sieanga i'a ua ngini, singadolo dungia nena-ne ma ḏo-ḏogumu.”

Lukas 22:53

Ma wangere ma jelele gena, Ngoi 'age taninga sigolona ra Ma Jou'ongu Madutu 'ai Wala, mada'a ngini ni cako'o Ngoi ua. Mada'a nena-ne enanga ma 'orasa 'i ngadolo ngini na si'a'a sababu 'Iblisi ma kuasa 'i ḏegoro manusia.”

Lukas 9:51

Wakutu ma 'orasa sa'i ri co-cori di'a Yesus 'o pere sie da'u soroga, Unanga 'a putusu tala 'o tagi toma limau Yerusalem.

Yohanes 11:55

Toma 'orasa gena-ge ngowa'a Yahudi manga wangere Paskah ri co-cori. Dadi ngowa-ngowa'a repe toma gamu-gamu 'aḏi tagi toma limau Yerusalem di'a 'aḏi mete'e manga 'atoranga ya si'ofi manga diri, wakutu Paskah ma Wangere 'i ngadolo nyangu.

Yohanes 12:23

Yesus 'o kanau i'a ra ananga, “Ma 'orasa 'i ngadolo ḏua di'a ngowa'a 'aḏi silamo'o Ngoi, Manusia ma Ngowa'a Nau'u.

Yohanes 13:29

Mamuni'a 'aḏi ta'ajiri Yesus 'o soma'a Yudas 'o tibo 'ori i'a ga'a 'i paralu di'a laya, bolo 'o pula'a pipisi toma ngowa'a ma dinga'unu ua, sababu 'a Yudas 'o dadi manga pipisi ma gu-gu'u.

Yohanes 13:3

Yesus ro waro mangale 'ai Ḇaḇa ro pula'a kuasa mo-moini ra Unanga. Unanga 'a waro ḏi'i mangale Unanga ro sapolo ra Ma Jou'ongu Madutu tala, re ḏuanga i'a 'o maḏibo ie ḏi'i ra Ma Jou'ongu Madutu.

Yohanes 13:34

Ngoi to pula'a ra ngini parenta ma su-sungi: Ni ma'u dadalara matengo re matengo. Ngini balasu ni ma'u dadalara matengo re matengo, ma tero sa'olo Ngoi tini dadalara ngini ḏua.

Yohanes 14:28

Ngini rena 'isene ḏua Ngoi to kanau: Ngoi ḏuanga i'a to tagi mada'a Ngoi dadunu To sapolo moju ra ngini. Na'o ngini ni dadalara Ngoi, ninga 'akala re sinyingara 'i sanangi mangale Ngoi to tagi Tari Ḇaḇa 'Ai ngi'i, sababu 'Ari Ḇaḇa lebe la-lamo'o reo Ngoi.

Yohanes 14:31

Mada'a mo-moini gena-ge balasu 'i dadi, la ngowa-ngowa'a ga'a toma dungia 'aḏi ma'insafu mangale Ngoi to dadalara 'Ari Ḇaḇa re Ta si'a'a 'oru ga'a Unanga 'o soma'a Ngoi. Ino ngene wa soi'i tala ngi'i nena-ne.”

Yohanes 16:28

Ngoi 'ari 'asala Tari Ḇaḇa, re To sapolo ḏua toma dungia nena-ne. Mada'a nange-ne Ngoi ta sisoi'i tala dungia nena-ne di'a To maḏibo sie Tari Ḇaḇa.”

Yohanes 17:1

Yesus 'o kanau so'o gena togumu i'a, unanga 'o talaḏi ie diwanga re 'O manyiata, “Baba nange-ne ma 'orasa ri ngadolo, simulia 'Ani Ngowa'a Nau'u, la 'Ani Ngowa'a Nau'u ḏi'i 'O simulia Baba.

Yohanes 17:16

Ngoi to marimoi ua toma ngowa'a dungia nena-ne, so'o gena ḏi'i ananga 'aḏi marimoi ua toma ngowa'a dungia nena-ne.

Yohanes 17:26

Ngoi reta siajele ḏua mangale Baba ra ananga, re Ngoi ḏuanga i'a ta siajele tau-taunu, la ananga 'aḏi basono tala 'Ani dadalara tamanga 'akala re sinyingara ma tero Ngoi to basono tala 'Ani dadalara Tari 'akala re sinyingara re dadi Ngoi ḏi'i to tegoro tamanga 'akala re sinyingara.”

Yohanes 17:5

Baba, nange-ne Ngoi to golo'o ra Baba nena-ne, No simulia Ngoi nena-ne, wakutu Ngoi dadunu to ḏibo ra Baba moju, ma tero Baba no simulia Ngoi wakutu dungia nena-ne 'i dadi nyangu.”

Yohanes 18:4

Yesus 'a waro mo-moini 'oru ga'a ngasamoi 'i dadi ra Unanga. Dadi Unanga 'o sisoi'i tala ngi'i gena-ge 'o ma'u sanga ra ananga, kara 'o sano, “Ngini ni disa 'a guna?”

Yohanes 19:28

Gena ḏua, Yesus ra waro mangale mo-moini gena-ge 'i ḏu-ḏuanga ḏua re la mo-moini 'oru ga'a 'i silefo ḏua toma Boku 'Ofi-'Ofi ri sitotomo, Unanga 'o kanau, “Ngoi 'Ari camala dudungu.”

Yohanes 2:13

Wakutu Yahudi manga wangere Paskah sa'i ri ngadolo, Yesus tagi toma limau Yerusalem.

Yohanes 6:4

Toma 'orasa gena-ge Yahudi manga Paskah ma Wangere sa'i ri co-cori.

Yohanes 7:30

Toma 'orasa gena-ge, ananga 'aḏi tai'i cako'o 'a Yesus, mada'a matengo i'a mai ua nga'unu 'o gu'u Unanga sababu 'Ai 'orasa 'i ngadolo nyangu.

Yohanes 7:6

Sababu gena-ge, Yesus 'o kanau ra ananga, “Ngoi 'ari 'orasa 'i ngadolo nyangu di'a to tagi toma limau Yerusalem. Mada'a ra ngini, 'orasa 'oru ḇato ni nyengara tagi toma limau Yerusalem,

Yohanes 8:20

Mo-moini gena-ge Yesus 'o kanau wakutu Unanga 'o doto'o ra Ma Jou'ongu Madutu 'ai Wala ma soana, Unanga tegoro co-cori toma jou-jou ma burua. Mada'a matengo i'a mai ua 'o cako'o Unanga, sababu ma 'orasa enanga 'i ngadolo nyangu.

Roma 8:37

Kalaha ngene wo sanga susa re sangisara mo-moini gena-ge, ngene wo 'utungu 'i ti-tiai sababu Unanga ga'a dadalara ngene.

1 Korintus 1:8

Ma Jou'ongu Madutu ḏuanga i'a 'o riono ngini di'a ni macako'o namo-namoto taninga ngo-ngaku singadolo dungia ma ḏo-ḏogumu, la toma 'orasa gena-ge nanga Jou Yesus Kristus dadunu 'o sapolo moju, ngini ninga de'oso re ḏegoro kama rapu ua.

'Ibrani 3:14

Sababu ngene mo-moini wo dadi ḏagilomu munara marimoi ra Kristus, na'o ngene wa cako'o namo-namoto nanga ngo-ngaku ra Unanga gena-ge, toma mulaingi i'a moju singadolo ma ḏo-ḏogumu.

'Ibrani 3:6

Mada'a Yesus sa'olo Ma Jou'ongu Madutu 'ai Ngowa'a Nau'u 'o cufala parenta ra Ma Jou'ongu Madutu 'ai Wala — gena-ge ma ngale: Ma Jou'ongu Madutu 'ai ngitu re ngale. Re ngene nena-ne wo osama nyo-nyoimi ra Unanga 'ai ngitu re ngale. Mada'a pa'i na'o ngene wo macako'o namo-namoto tananga ngo-ngaku re wo masinganono tau-taunu mangale 'oru ga'a ḏuanga i'a Ma Jou'ongu Madutu 'o pula'a ra ngene.

'Ibrani 6:11

Ngomi golo'o mode-mode'e ngini matengo re matengo ni cufala munara tau-taunu di'a ma'u dadalara singadolo ma ḏo-ḏogumu, la ni dawongo 'oru ga'a ngini na singano-nganono.

1 Petrus 1:13

Sababu gena-ge, ngini balasu ninga 'akala re sinyingara 'i ḏu-ḏuanga ḏua di'a ni mete'e Ma Jou'ongu Madutu 'ai demo. Ni ma'istiari ninga 'ahu re ni masinganono pa'i ra Ma Jou'ongu Madutu 'ai barakati ḇato ga'a Unanga ḏuanga i'a 'o pula'a ra ngini wakutu Yesus Kristus dadunu 'o sapolo re masijumu 'ai diri.

1 Yohanes 4:19

Ngene nyengara wo dadalara, sababu Ma Jou'ongu Madutu lebe siḏa na dadalara ngene.

Tingoýi 1:5

Yesus Kristus gena-ge Sakisi ma cufala re Unanga ma mulaingi dadunu 'O 'ahu moju toma ngowa'a senge-sengene manga sigolona, ma tero sa'olo ngowa'a nau'u ma jomolo. Re Unanga 'o dadi 'Olana ma Sae'e toma 'olana-'olana mo-moini toma dungia nena-ne. Yesus gena-ge 'o dadalara ngene re Unanga 'o sengene, la ngene sanga bebasa tananga ḏosa-ḏosa.