Yohanes 12:2 - Jaji ma Su-sungi

² Ananga 'aḏi 'a'a laya di'a silamo'o Yesus. Re 'a Lazarus rai ioronongoḏu 'aḏi majoreke oromo mamete'e ra Unanga. Re ngo Marta mo de-de'oso ananga.

Yohanes 12:2 Iomraidhean Croise

Matias 26:6

Wakutu Yesus da'a toma gamu Betania, Unanga 'o tagi ra Simon 'ai wala, unanga gena-ge ma siḏa 'o sanga si-siḏi 'eno'o.

Markus 14:3

Wakutu 'a Yesus da'a toma gamu Betania ra Simon 'ai wala, unanga gena-ge ma siḏa 'o sanga si-siḏi 'eno'o, were'a matengo mo sapolo ra Yesus. Munanga mo gasa bou-bounu narwastu kana rimoi. Bou-bounu gena-ge ma ijana hali madutu. Wakutu Yesus 'o majoreke oromo, we-were'a gena-ge matolo'o kana ma camala rema masiba-ba'ala ra Yesus 'ai sae'e.

Lukas 12:37

Bara'utungu masala, budaka-budaka gena-ge na'o manga tuanga 'o sapolo sanga i'a ananga 'aḏi ḏu-ḏuanga ḏua di'a de-de'oso unanga. Ni ngaku mode-mode'e 'Ari demo-demo nena-ne: Tuanga gena-ge 'o ḏu-ḏuanga ḏua re 'o soma'a budaka-budaka gena-ge 'aḏi tegoro, kara unanga masiretene 'o de-de'oso ananga.

Lukas 14:12

Ḏua Yesus 'o kanau toma wala ma dutu, “Wakutu ngana no saele ngowa'a di'a 'omo wangere 'olona, bolo 'omo lobi'i, no saele awa 'ani ḏagilomu bolo 'ani ioro re nongoḏu, bolo 'ani herapongo, bolo 'ani wala sebanga ga'a ngowa'a rema-enanga. Sababu ḏuanga i'a ananga 'aḏi saele ngana ḏi'i. Ga'a so'o gena-ge ananga nga'unu ya balasa.

Lukas 22:27

'A guna lebe la-lamo'o i'a: Ngowa'a ga'a tegoro oromo toma meja bolo ngowa'a ga'a side-de'oso ngowa'a 'aḏi oromo?! Tantu ḏua ngowa'a ga'a tegoro oromo toma meja. Mada'a Ngoi, sa'olo ninga Tuanga, taninga sigolona To dadi sa'olo ninga falalomu.

Lukas 5:29

Togumu i'a, Lewi 'o 'a'a laya tai wala di'a Yesus. Ngowa'a golo-golo'o balastengi manga repe re ngowa'a lelegu ḏi'i 'aḏi oromo mamete'e ra ananga.

Tingoýi 3:20

Oḏi'i! Ngoi toma de-de'oso taninga ngalana, re to tolo'o. Na'o 'a guna ḇato 'o 'isene 'Ari iḏingi, re 'a welanga ma ngalana, Ngoi ḏuanga i'a to osama ma'u sanga ra unanga, kara ngomi mi oromo mamete'e.