Yohanes 12:16 - Jaji ma Su-sungi

¹⁶ Toma 'orasa gena-ge, Yesus 'ai me-mete'e ya sahe mo-moini nyangu. Mada'a wakutu Yesus ro sengene re simulia togumu i'a, ananga gena-ge 'aḏi si'elingi ie 'oru ga'a ri dadi ḏua ra Unanga toma wangere gena-ge, ma tero sa'olo 'oru ga'a ri silefo toma Boku 'Ofi-'Ofi ma dara.

Yohanes 12:16 Iomraidhean Croise

Markus 16:19

Wakutu Yesus 'o kanau ra ananga togumu i'a, Ma Jou'ongu Madutu 'U sibere da'u toma soroga. Da'a, Unanga 'o parenta ma'u mete'e re Ma Jou'ongu Madutu.

Markus 9:32

'Ai me-mete'e 'aḏi sahe ua Yesus 'ai do-doto'o, mada'a ananga ya sano ua sababu 'aḏi mojongo.

Lukas 18:34

Mo-moini gena-ge Yesus 'ai me-mete'e ya sahe ua. Yesus 'ai demo-demo ma ngale 'i dadi rahasia Tai me-mete'e. Ananga ya sahe ua 'oru ga'a Yesus 'o kanau.

Lukas 24:25

Ḏua Yesus 'o kanau i'a ra ananga, “Ngini mode-mode'e ni haga! Ni ngaku nyangu moju mangale 'oru ga'a nabi-nabi ya lefo ḏua 'ua re 'au wali!

Lukas 24:45

Ḏua Yesus 'a welanga ananga manga fikirana, la ya sahe Boku 'Ofi-'Ofi ma dara.

Lukas 9:45

Mada'a Yesus 'ai me-mete'e ya sahe ua ma ngale Yesus 'ai demo-demo gena-ge. Demo-demo gena-ge 'i sigogono ra ananga, la ananga ya sahe awa. Mada'a ananga 'aḏi mojongo dadi ya sano ua ra Unanga.

Yohanes 12:23

Yesus 'o kanau i'a ra ananga, “Ma 'orasa 'i ngadolo ḏua di'a ngowa'a 'aḏi silamo'o Ngoi, Manusia ma Ngowa'a Nau'u.

Yohanes 14:26

Mada'a Ri-riono, Ma Ngagara 'Ofi-'Ofi ga'a Ma Jou'ongu Madutu ḏuanga i'a 'o 'utusu Rai kuasa, Enanga gena-ge ḏuanga i'a 'I doto'o ngini re 'I si'elingi ngini 'oru ḇato ga'a Ngoi to siajele pasala ḏua ra ngini.

Yohanes 16:4

Ma mulaingi enanga gena-ge Ngoi to siajele nyangu ra ngini sababu Ngoi to mamete'e moju ra ngini. Mada'a nange-ne Ngoi reto kanau ra ngini, la wakutu gena-ge 'i dadi ngini ni 'elingi 'oru ga'a Ngoi reto siajele ḏua ra ngini.”

Yohanes 17:5

Baba, nange-ne Ngoi to golo'o ra Baba nena-ne, No simulia Ngoi nena-ne, wakutu Ngoi dadunu to ḏibo ra Baba moju, ma tero Baba no simulia Ngoi wakutu dungia nena-ne 'i dadi nyangu.”

Yohanes 2:22

Ḏuanga i'a wakutu Ma Jou'ongu Madutu dadunu ro si'ahu Yesus moju, pasala i'a 'Ai me-mete'e ananga ya si'elingi ie Unanga 'ai demo-demo gena-ge. Sababu gena-ge, ananga 'aḏi ngaku 'oru ga'a 'i silefo toma Boku 'Ofi-'Ofi ma dara re 'oru ga'a Unanga ro siajele ra ananga.

Yohanes 7:39

Yesus 'ai demo-demo so'o gena-ge mangale Ma Ngagara 'Ofi-'Ofi wakutu ngowa'a ga'a raḏi ngaku Unanga, ḏuanga i'a ya dawongo. Toma 'orasa gena-ge Ma Ngagara 'Ofi-'Ofi 'i sipula'a nyangu, sababu Yesus 'o sanga mulia nyangu.

Yesus 'ai so-soma'a 2:33

Ma Jou'ongu Madutu 'o sitede siḏegoro Yesus toma gau'u Tari giama ma kuwiḏa re Unanga dawongo Ma Ngagara 'Ofi-'Ofi ga'a Ma Jou'ongu Madutu 'o sijaji pasala ḏua. 'Orasa nena-ne, mo-moini ga'a ngini na 'isene re na oḏi'i ḏua, sababu Yesus siguci Ma Ngagara 'Ofi-'Ofi gena-ge ra ngomi.

Yesus 'ai so-soma'a 2:36

Petrus dadunu 'o kanau moju, “Sababu gena-ge, ngowa-ngowa'a Yahudi, ngini re ngowa'a Israel ma lelegu mo-moini balasu na waro mode-mode'e mangale Yesus ga'a ngini nu salib, Unanga gena-ge Ma Jou'ongu Madutu 'o sidadi nanga Jou re 'O Kristus.”

Yesus 'ai so-soma'a 3:13

Na 'isene! Abraham, Ishak re 'a Yakub re ngene nanga ete re dotumu 'aḏi silamo'o re siḏubuso Ma Jou'ongu Madutu. Unanga gena-ge 'o silamo'o Yesus, Unanga 'Ai falalomu. Mada'a 'a Yesus ne, ngini nu sipula'a ra Pilatus. Re kalaha 'a Pilatus mau 'U sibebasa Unanga, ngini ni golo'o Pilatus 'o soma'a 'ai sordado-sordado 'aḏi sisalib Unanga!

'Ibrani 12:2

Ino ngene wo tatamo tau-taunu pa'i ra Yesus ḇato. Sababu Unanga nena-ne 'o welanga salamata ma ngo'omo di'a ngene sababu 'Ai ngo-ngaku ra Ma Jou'ongu Madutu. Re ḏi'i sababu Unanga si'a'a nanga salamata 'i ti-tiai sababu nanga ngo-ngaku ra Unanga. Unanga 'o tahana wakutu sanga sangisara toma ngowa'a ga'a 'U salib. Re kalaha Unanga 'o sengene toma salib, gena-ge ga'a 'i sipula'a mara'a ngowa'a, Unanga 'a kalesanga ua sababu Unanga pa'i 'o 'elingi tau-taunu nena-ne: Togumu i'a 'O sanga roanga. Nange-ne Unanga 'o tegoro ra Ma Jou'ongu Madutu 'ai giama ma kuwiḏa, re 'O parenta mamete'e ra Unanga.

'Ibrani 8:1

Ioronongoḏu ngo-ngaku rimoi, ngene ma kanau ma cimi so'o ne: Nanga 'Imam 'Agung 'o tegoro ra Ma Jou'ongu Madutu 'ai giama ma kuwiḏa i'a, Unanga gena-ge ga'a 'Ai kuasa ma pari cua, re 'Imam 'Agung gena-ge 'o parenta mamete'e ra Unanga toma soroga.