Yohanes 11:4 - Jaji ma Su-sungi

⁴ Wakutu Yesus 'a 'isene habari gena-ge, Unanga 'o kanau, “Si-siḏi gena-ge 'i sigasa toma sengene ua. Gena-ge ri dadi, la ngowa'a 'aḏi oḏi'i Ma Jou'ongu Madutu 'ai kuasa re 'aḏi silamo'o masala ḏi'i Unanga gena-ge 'Ai Ngowa'a Nau'u.”

Yohanes 11:4 Iomraidhean Croise

Yohanes 10:38

Kalaha ngini ni ngaku ua 'Ari demo mangale Ngoi 'a guna, ni ngaku Ngoi sababu Ngoi to 'a'a ga'a hera-heranga ga'a Tari Ḇaḇa ino. Na'o so'o gena ngini na waro re na sahe mangale 'Ari Ḇaḇa 'o marimoi ra Ngoi re Ngoi to marimoi Tari Ḇaḇa.”

Yohanes 11:40

Yesus 'o kanau ra ngo Marta, “Ngoi reto kanau ra ngana, na'o no ngaku, ngana ḏuanga i'a no oḏi'i kuasa lamo'o ra Ma Jou'ongu Madutu tala.”

Yohanes 12:28

Dadi Ngoi to kanau so'o ne: ‘Baba, no simulia 'Ani lomanga!’ ” Ḏua iḏingi da'u diwanga tala ma betongo so'o ne: “Ngoi reta simulia re dadunu Ta simulia moju.”

Yohanes 17:1

Yesus 'o kanau so'o gena togumu i'a, unanga 'o talaḏi ie diwanga re 'O manyiata, “Baba nange-ne ma 'orasa ri ngadolo, simulia 'Ani Ngowa'a Nau'u, la 'Ani Ngowa'a Nau'u ḏi'i 'O simulia Baba.

Yohanes 17:10

Ngowa'a mo-moini ga'a ta Ngoi, gena-ge ḏi'i ta Baba. Re ngowa'a mo-moini ga'a ta Baba, gena-ge ḏi'i ta Ngoi. Re Ngoi reto sanga mulia sababu ananga gena-ge.

Yohanes 17:5

Baba, nange-ne Ngoi to golo'o ra Baba nena-ne, No simulia Ngoi nena-ne, wakutu Ngoi dadunu to ḏibo ra Baba moju, ma tero Baba no simulia Ngoi wakutu dungia nena-ne 'i dadi nyangu.”

Yohanes 2:11

Gena-ge Yesus 'ai didina'o heranga ma mulaingi re 'O 'a'a toma limau Kana, daeraha Galilea. Tai didina'o heranga gena-ge Unanga 'a sijumu 'Ai kuasa, dadi Unanga 'ai me-mete'e ananga 'aḏi ngaku Unanga.

Yohanes 5:23

'Ari Ḇaḇa 'a si'a'a so'o gena, la ngowa'a mo-moini 'aḏi silamo'o Ngoi ma tero sa'olo ananga 'aḏi silamo'o Unanga. 'A guna ḇato ga'a silamo'o ua 'Ai Ngowa'a Nau'u, silamo'o ua ḏi'i 'Ai Ḇaḇa ga'a 'utusu ḏua Unanga gena-ge.

Yohanes 8:54

Yesus 'o sangoro, “Na'o Ngoi to silamo'o 'Ari diri, gena-ge ma faeda 'i cua. Mada'a 'Ari Ḇaḇa, Unanga gena-ge 'o silamo'o Ngoi. Unanga gena-ge ga'a ngini ni kanau: ‘Unanga ninga Jou'ongu Madutu.’

Yohanes 9:24

Ḏua ngowa'a Farisi dadunu 'aḏi 'aro'o moju ngowa'a hafu gena-ge re 'aḏi kanau ra unanga, “Ngana balasu no masisasi mangale no kanau 'ori i'a ga'a banari. Ngomi mi waro Unanga gena-ge ngowa'a baraḏosa.”

Yohanes 9:3

Yesus 'a sangoro, “Unanga 'o hafu ma sababu unanga masiretene 'ai ḏosa bolo 'ai ḇaḇa re ngina manga ḏosa ua. Mada'a gena-ge 'i dadi, la ngowa'a ya oḏi'i re waro mangale Ma Jou'ongu Madutu 'ai kuasa 'i waiti ra unanga.

Roma 11:11

Ḏi'i ngoi to sano: Awa-Awa wakutu ngowa'a Yahudi 'aḏi dawongo Yesus ua, gena-ge ma ngale ananga nga'unu sanga salamata riwara, ma tero sa'olo ngowa'a 'aḏi eta'a re nga'unu 'aḏi te'oso riwara?! Sanga ua! Siḏibo ḏi'i, ananga 'aḏi madiga'a ḏosa sababu 'aḏi dawongo Yesus ua, la ngowa'a Yahudi ua 'aḏi sanga donga di'a 'aḏi dawongo Yesus, dadi nyengara 'aḏi sanga salamata. Gena-ge 'i si'a'a ngowa'a Yahudi manga 'akala 'i go-goḏi, la mau 'aḏi dawongo Yesus ḏi'i.

Filipi 1:11

Re ḏi'i mangale ninga 'ahu ma duhu enanga 'i romanga reo de'oso re ḏegoro ma la-la ga'a pa'i sababu Yesus Kristus masiretene 'ai kuasa ḇato. Dadi ngowa'a ḏuanga i'a 'aḏi simulia re 'aḏi puji re silamo'o Ma Jou'ongu Madutu.

Filipi 1:20

'Oru ga'a ngoi to nyafusu re to masingano-nganono mode-mode'e mangale soi moi i'a mai ua, ngoi ḏuanga i'a to simara'a Yesus 'ai lomanga sababu 'ari munara. Siḏibo ḏi'i, ngoi lato nau'u di'a to kanau kama mojongo ua. Dadi ma tero sa'olo ngoi to si'a'a toma mulaingi singadolo 'orasa nange-ne, ngoi ḏuanga i'a to silamo'o Kristus tau-taunu, bae 'i sijumu tari 'ahu ma duhu bolo tari sengene ma duhu.

1 Petrus 1:21

Sababu Kristus 'ai ga'a di'a ngini, ngini ni ngaku ra Ma Jou'ongu Madutu ga'a dadunu 'O si'ahu moju Kristus gena-ge toma ngowa'a senge-sengene manga sigolona re 'U simulia Unanga ḏi'i. Sababu gena-ge, ngini ni nganono re ni ngaku ra Ma Jou'ongu Madutu, mangale Unanga ḏuanga i'a 'o sisalamata ngini ḏi'i.

1 Petrus 4:11

Na'o matengo i'a 'o singadolo Habari ra Ma Jou'ongu Madutu ino, unanga balasu 'o kanau sa'olo ngowa'a ga'a Unanga 'o 'utusu di'a singadolo pa'i Habari gena-ge ḇato. Na'o matengo i'a 'o riono ngowa'a, 'o riono rai de-de'e ga'a Ma Jou'ongu Madutu ro pula'a ra unanga. Ngini ni 'a'a so'o gena-ge, la ngowa-ngowa'a ga'a oḏi'i ninga ga'a lai rousu, ḏuanga i'a 'aḏi puji re silamo'o Ma Jou'ongu Madutu sababu Yesus Kristus 'ai munara taninga 'akala re sinyingara ma dara. Ma Jou'ongu Madutu Unanga masiretene ga'a 'O parenta re 'O dawongo puji re silamo'o kasingado-ngadolo i'a. 'Amin.

1 Petrus 4:14

Na'o ngowa'a 'aḏi je-jengere ngini sababu ni mete'e Kristus, ngini ni bara'utungu. Enanga gena-ge 'i dadi nana'o rimoi mangale Ma Jou'ongu Madutu 'ai Ngagara 'Ofi-'Ofi ga'a mulia, enanga 'age 'i tegoro ra ngini.